تفريغ الإطار من الهواء قبل شحن النيتروجين

**Sameh** · 16-12-2008 08:40 AM

فى موضوع من مواضيع إستخدام النيتروجين للإطارات اللى على المنتدى ، كان فيه أعضاء قالوا إن بيكون فيه نسبة هواء عادى كبيرة لأن الإطار بيتم تفريغه من البلف ومش بيتم شفط الهوا العادى قبل شحن النيتروجين

كنت عند واحد بتاع شحن نيتروجين ولقيت جهاز التوليد عنده ليه خرطومين مش خرطوم واحد ، واحد منهم إسمه Nitrogen out وده طبيعى ، و واحد تانى إسمه air exit والجهاز اللى بيشحن بيه الفردة ليه مفتاح بيحول بين الخرطومين ، واحد يدخل نيتروجين N2 In والتانى مكتوب عليه تفريغ vacum ورايح لمخرج الهوا air exit ، كدة وظيفته إتعرفت خلاص إنه فيه إمكانية يسحب باقى الهوا اللى فاضل فى الكاوتش قبل التحويل على نظام الشحن
ممكن تكون دى خاصية فى بعض الأجهزة مش كلها ، ولكنى أتوقع إنها تكون موجودة فى كل أجهزة شحن النيتروجين ، وإن الصنايعية هم اللى بيستسهلوا كالعادة أو مش فاهمينها أو يقولوا مالهاش لازمة ، عشان كدة وجب التوضيح للزملاء الأعزاء إن لو هتدفع ال 20 جنيه فى شحن النيتروجين إتأكد الأول إن هو بيعمل تفريغ قبل الشحن وإلا بلاش منه وشوف غيره
بالمناسبة التفريغ بيتم فى نص دقيقة الماكنة قوية فعلاً وبدون مصاريف زيادة
دى الصور

**Mohamed.Fawzy** · 16-12-2008 09:36 AM

شكرا يا باشا الموضوع ده كان شاغلنى وفعلا كلامك صحيح 100%

**amrtalaat** · 16-12-2008 09:37 AM

طب الراجل دة فين؟؟؟

**mecho** · 16-12-2008 09:49 AM

ممكن تاولنا مكان الراجل دة فين يبا كتر خيرك او مكان اى حد فى القاهرة للموضوع دة

**AYMANEZZE** · 16-12-2008 11:03 AM

انا روحت البنزينة اللى فى المعادى على الكورنيش ومكنش فيها الجهاز دى وتم تفريغ الهوا العادى من البلف وبعدين شحن النيتروجين قيمة نص الفردة وبعدين تم تفريغها تانى علشان يتم خروج الهوا العادى كله من الفردة وبعدين كمل شحن النيتروجين انا شايف ان كد احسن من الجهاز لان زى ما موجود فى الصور ممكن يكون فى هوا موجود فى الفردة ويشحن الهوا على النيتروجين مش عارف كلامى دى صح ولا غلط الله اعلم. انا مرة عملت موضوع الجهاز دى قبل كدة كان فى باب اللوق.

**Sameh** · 16-12-2008 12:28 PM

ممكن تاولنا مكان الراجل دة فين يبا كتر خيرك او مكان اى حد فى القاهرة للموضوع دة

بين شارع نوبار وشارع خيرت فى منطقة لاظوغلى ، عند محطة مترو سعد زغلول ، قريب من وزارة الداخلية

وتم تفريغ الهوا العادى من البلف وبعدين شحن النيتروجين قيمة نص الفردة وبعدين تم تفريغها تانى علشان يتم خروج الهوا العادى كله من الفردة وبعدين كمل شحن النيتروجين

فكرة حلوة مش وحشة ، كأنك بتغسل الفردة من الهوا العادى ، بس أعتقد التفريغ أكفأ

انا شايف ان كد احسن من الجهاز لان زى ما موجود فى الصور ممكن يكون فى هوا موجود فى الفردة ويشحن الهوا على النيتروجين مش عارف كلامى دى صح ولا غلط الله اعلم.

الهوا تم تفريغه بدرجة كبيرة جداً ، ما تنتظرش من الصورة إن الكاوتش ينكمش على الجنط ، الكاوتش ده مادة ليها حيز ومحيط أكبر من الجنط ، لازم بعد التفريغ تبقا فيها عالى وواطى وإنبعاجات كدة مش هتنكمش بالكامل ، إنما العالى ده فاضى مش مليان هوا