السلام عليكم أعضاء المنتدى الكرام
انا محمد من المنصورة ومعايا عربية أوبل فيكترا 2003 مكنة 1600 ايكوتك، ظهرت عندي مشكلة مؤخراً في الفتيس مع العلم إني جايب الفتيس دا استيراد من بور سعيد من حوالي سنة ونص وركبته وظبطنا زيته تمام (زيت موبيل atf220) ومن يوم ما ركبته والفتيس تمام.
المهم الفتيس بقالو فترة مش بياخد الغيار الرابع يعني بياخد كل الغيارات بكل سلاسة والمرشدير لكن الغيار الرابع (الأخير) مش بياخدو وأوقات تانية ياخده عادي.
المهم رحت دخلت العربية على جهاز الأعطال وكشفت على الفتيس فطلع فيه مشكلة في علبة البلوف في بلف بيركن، قالولي خلي الكهربائي يلقطلك البلف بكهرباء مباشرة من البطارية وفعلاً فك فيشة الفتيس وبدأ يلقط البلوف وقالي في بلف راكن الي السلك بتاعه لونه أصفر، فياريت حد يفيدني أعمل إيه عشان بجد مش حمل فتيس والقرف دا تاني.
انا من المنصورة وياريت الي عنده حل يقولي ولو هيدلني على ميكانيكي او بتاع فتايس يكتبلي رقم الميكانيكي عشان اتواصل معاه وسمعت عن محمد علي لو حد معاه رقمه يبقى مشكوووووووووووووور.