كتير بيبقى فى عربية جاية فى الاتجاه المعاكس و بتقلب نور
دا معناه ايه وهل يجب انى ارد عليه برضه بتقليب النور ولا ايه
انا بصراحة مش فاهم اللغة دى حد ممكن يفهمنى؟
كتير بيبقى فى عربية جاية فى الاتجاه المعاكس و بتقلب نور
دا معناه ايه وهل يجب انى ارد عليه برضه بتقليب النور ولا ايه
انا بصراحة مش فاهم اللغة دى حد ممكن يفهمنى؟
بص يا باشا دي معناها حاجه من اتنين مالهمش تالت يااما انت مديله العالي فبيقولك وطي نورك يااما بيحذرك ان في رادار فتقلل سرعتك
يأما بيحذرك انو جاى فالاتجاه المعاكس عشان تشوفه بس بغشوميه شويه
انا بعانى من الموضوع دا فى اكتوبر
كل الناس بئت بتمشى مخالف دلوقتى ورازعه النور العالى فوش اللى ماشى صح
متهايألي ان dew drops قصده ان حد جاي في الحارة بتاعتك مخالف ... و بيقلب .. ده كده بيقولك خلي بالك انا جي مخالف ... أو بمعني اصح خلي بالك في حمار سايق جاي عليك
يابا دي عالم بتستهبل ... انا ساكن جديد في 6 اكتوبر و بلاقي عربيات ترله ماشيه علي سرعة مش اقل من 60 في الحارة المعاكسة و مش بيقلب .. ولا حتي منور نور اصلا
ياباشا الف مرحب بيك فى اكتوبر
هو انت لسه شوفت حاجه
دا نتا لسه هتشوف من سواقين النص نقل دول العجب
دي أكتر حاجة تفرس في أكتوبر .. يعدي عليا 3 عربيات ماشيين عكس و كل واحدة تقلب نور بغباوة .. ببقي نفسي أنزل أقولهم يا جماعة و الله العظيم إنتوا اللي ماشيين عكس !! و تلاقيه بيبصلك بقرف كدة .
و الناس أصلاَ في مصر بتقلب نور غلط (حتي النور مش عارفين يقلبوه) .. المفروض التقليب يبقي فلاشات في جزء من الثانية عشان أشوفك و خلاص .. فيه ناس بقي بتعلق إيدها عالعالي و ناس تفضل فاتحاه لحد ما تعدي منك !! يا عم شفتك !!! شفتاااااك .. وحياة الغاليين شفتك .. مش لازم يجيلي إنفصال في الشبكية عشان تصدق إن انا شفتك!!!
يالا هنعمل إيه .
دة معناها مع بتوع الميكروباصات ان فى لجنة او كمين او ردار .
ده تحذير إن في كمين أو ردار
والله هيا ليها كزا معني زي مالسادة الاعضاء نوهوا علي كل الاسباب
كمين او رادار فتهدي سرعتك للسرعه المسموح بيها (غالبا 90 وساعات 60 )