بسم الله الرحمن الرحيم
---------------
الموضوع باختصار كنت اشتريت ماتور استيراد للعربيه والتاجر خد منى صوره الرخصه عشان يبعت الافراج الجمركي لملف العربيه بس اكتشفت بعد كده ان الموضوع فيه فاتوره بتيجي بالاسم وانا الرخصه مش باسمي انا ماشى بتوكيل ولسه مكنتش نقلت ملكيه - وطبعا كانت جايه الفاتوره باسم صاحب العربيه مختومه بختم النسر من الجمرك وبقالها يجي 8 شهور مثلا الورق مرمي فى الدرج يعني اكيد الورق ده وصل للمرور من بدرى اوى
المهم
دلوقتي روحت عملت عقد مسجل فى الشهر العقارى عشان اجدد الرخصه وانقل باسمي لقيت ان العقد مكتوب فيه رقم الشاسيه اللى مثبت فى الرخصه والماتور القديم اللى مثبت فى الرخصه برده

طبعا كده مش هعرف اثبت الماتور الجديد لان الفاتوره اللى راحت المرور من المفترض انها باسم صاحب العربيه الاصلي
فرجعت تانى للتاجر ورجعتلو الورق عشان يغيرلى الفاتوره ويجيبلى فاتوره معتمده من الجمرك باسمي ويصحح الخطأ ده

السؤال هنا
هل الفاتوره الجديده اللى هتيجي باسمي هتتعارض مع نفس الفاتوره اللى موجوده فى المرور باسم المالك الاصلي ؟

السؤال التانى
هل اصل الافراج الجمركي بيدخل ملف العربيه علطول وبيتم اثباته بحيث لو روحت مثلا اجيب شهاده بيانات هتجيلى فيها رقم الماتور الجديد ولا هتفضل موجوده برقم الماتور القديم

السؤال التالت
انا طلبت من التاجر انو يرجعلى الفاتوره الاصليه باسم المالك الاصلى بالاضافه لفاتوره باسمي بحيث لما اقولهم غيرت الفاتوره يبقى معايا الفاتورتين كاثبات فهل ايه انسب حل للموضوع ده

السؤال الرابع
انا مش هفحص واثبت بس لا انا هنقل القيد والملكيه من محافظه لمحافظه تانيه ايه الاجراءات المتبعه بالظبط والخطوات

السؤال الخامس
هل لو متمش تغيير الفاتوره وفضلت باسم المالك الاصلي هيكون فى اى حل اقدر اشتغل عليه عشان احل المصيبه دي

محتاج الرد ضرورى جدا