الموضوع: مجموعة استفسارات عن الزيت ؟

المشاركة الأصلية كتبت بواسطة فارس الواحة

بالعكس مشكور لتوضيحك ومجهودك ،،، مفرصه نستفيد من خبرتك ، هل غسيل المحرك بالفلاش من شركة زى ليكومولى افضل ام غسله بالجاز ؟

قصد حضرتك غسيله من جوه ولا من بره؟؟؟

عموما استخدام ما يسمى بـMotor Flush ده شيء لا أنصح بيه إطلاقا.. لإنه المفروض بيستخدم لما الموتور يكون مليان رواسب "طينية" بيتمنع سريان الزيت بشكل طبيعي..

والموضوع ده بيحصل لما صاحب العربية بيسيب الزيت في الموتور بدون تغيير لمدد طويلة جدا (50 الف كيلومتر وانت طالع)...

والحالات دي بتحصل في الدول اللي العربيات فيها مالهاش قيمة وكمان بيتبقى تكلفة الذهاب لميكانيكي عالية جدا .. وممكن عملية فتح الموتور وتنظيفه تكون أغلى من ثمن العربية نفسه...

فالأرخص هو استخدام الموتور فلش .. لإن الموتور أصلا .. رايح في داهية.

عايز تنظف الموتور من جوه.. حط زيت تخليقي ونزله بدري شوية عن معاده... بس كده.

ادخل هنا لو عايز تعرف معلومات أكتر..
إضافات الزيوت... إيه الحكاية؟ (إضافات الزيوت... إيه الحكاية؟)

...