الموضوع: كيف تعرف التاجر من صاحب العربية أثناء البحث في مواقع بيع السيارات المستعملة

بسم الله الرحمن الرحيم

عندما نريد شراء عربية مستعملة ، ونبحث في مواقع بيع وشراء السيارات المستعملة على الإنترنت نواجه مشكلة كبيرة جدا وهي : هل صاحب الإعلان المعروض هو مالك العربية فعلا أم تاجر أو سمسار ؟

المشكلة زي ما إحنا عارفين إن الشراء من تاجر له عيوب كثيرة أهمها أن التاجر بياخد العربية التعبانه بسعر رخيص ثم يداري عيوبها ويبيعها على أنها عربية مفيش فيها أي مشكلة طبعا بسعر أكبر بكتير من سعرها الأصلي ، يعني لو فيها بارومة تترش أو يتلزق فوقها استيكر ولو في مشاكل في الموتور يحطلها زيت تقيل مثلا ولو في مشاكل في المساعدين يزودهم زيت وغير ذلك من طرق إخفاء العيوب ، وبيستعين طبعا بصنايعية كتير علشان يقوموا بالعملية دي ، غالبا بيكونو شغالين معاه

وعلشان ماحدش يعرف إنه تاجر غالبا بيمسح الإعلانات القديمة اللي عملها على الإنترنت علشان دايما يظهر إنه ماعملش غير إعلان واحد اللي هو بتاع العربية الأخيرة اللي بيبعها الآن وبيقول إنه مالك العربية دي

الفكرة بإختصار : علشان نعرف صاحب الإعلان إنه تاجر أم مالك العربية ، ممكن نعمل بحث برقم التليفون الموجود في الإعلان ونشوف ، لو كان له إعلانات سابقة بعربيات مختلفة يبقى ده تاجر ، لكن لو كانت إعلاناته السابقة لنفس العربية بيكون غالبا مالكها

المثال اللي أنا جايبه ده لإعلان على أولكس ، مكتوب فيه إن العربية ملك المعلن وإنه بيبعها لظروف صحية كما في الصور التالية :





وده الوصف بتاع الإعلان :






والصورة دي توضح إنه مسح الإعلانات السابقة









هنا أنا عملت بحث برقم تليفون صاحب الإعلان في جوجل ، وتأكدت إن المعلن هو تاجر وبيتاجر في عربيات كتير ، ودي نتائج أول صفحة من نتائج بحث جوجل