الموضوع: سؤال للاستاذ سبعاوي وأي حد يفهم في ميكانيكا السيارات

في عربيات كدة النظافة بتتعبها وتبقى ماشية سليمة اول ما تتعامل معها انها عربية محترمة وتروح تعملها صيانة بس من غير ماتصلح حاجة ولا يكون في اي حاجة بايظة فتلاقيها تزعل وتعمل زي عربيتك كدة !!! والكلام دا عن خبرة مش تريقة :)

كده العربية هتزعل

ماهي زعلانة اصلا :)
بقولك عن خبرة انا كان عندي نفس النظام !!!اكيد عربيتك فيات ؟!؟

ماهي زعلانة اصلا :)
بقولك عن خبرة انا كان عندي نفس النظام !!!اكيد عربيتك فيات ؟!؟
كلام بجد بقى : غالباً دي مشكلة في الكهرباء وحاول تقفشها عند الميكانيكي وهي باردة
كان زمان عندي المشكلة دي في عربية أمريكاني وكانت تاخدلها حوالي نص ساعة برجلة وتنتيش وتنطيط لحد ماتبقى كويسة وطلعت العربية كانت متلتة ( يعني ماشية تلات بوجيهات بس من أربعة)
وبرضة العربية دي لما كنت آخدها في يوم أجازة وأقضي اليوم دا في الحنتفة والتظبيط وهي اصلا كانت كويسة وماكانشي فيها حاجة كانت لازم تنكد علي آخر اليوم بالظبط زي ماتكون واحدة غاوية نكد

المشاركة الأصلية كتبت بواسطة shld

يا ريت يا جماعة العربية الصبح بأجي أدورها دائما الصبح الايام دي تقرفني وتشتغل 5-6 ثواني وتبطل مرتين تلاتة وأدوس بنزين علشان تفضل تكل تسخين وبعد كدة لما أجي أطلع علي الاول تمشي شويه وممكن تفصل وبعد كدة لو غيرت للتاني العربية بتصعب علي كأنها زورت ومش قادرة تسحب وبعد لما تمشي وتسحب وتسخن بتبقي يعني سالكة معايا العربية وكل لما أروح لميكانيكي يقعد يلعب في الهواء والكهرباء ويقولي تمام وبعد كده الصبح ترجع ريمة لعادتها القديمة مع العلم إن العربية كانت في السحب مية مةي وطول عمرها شغال بنزين 80 وساعات سولار وعشرة علي عشرة لحد ما واوحد إبن حلال غير لي فلتر البنزين وفك الكاربيرتير كله ونضفه ومن ساعتها العربية صعبان علي وتعباني في السحب

دي بتبقي رطوبة في البوجيهات نتيجة الجو البارد طول الليل ولازم الموتور يسخن علشان يطرد الرطوبة دي
غير البوجيهات بنوع يكون كويس علشان ميسحبش الرطوبة ويعمل معاك الموضوع ده واحنا لسه داخلين علي الشتاء والبرد