الموضوع: استفسار بخصوص دهان اسفل السيارة والعتب

السلام عليكم :
أولا : سيارتى هوندا سيفك مانيول 92 ، لما كنت رافعها وبغير زيت الموتور لقيتها من تحت معمول معاها اعلى واجب من المطبات ، فيه أجزاء فى الشاسية متنيه ، بقول لصاحبى قالى هتلاقى معظم العربيات كدا من تحت بسبب المطبات العالية فى مصر ، المهم اكيد المطبات والخبطات دى بتأثر على دهان السيارة من تحت خاصتا ان السيارة 92 يعنى مش حديثة ، فهل فيه حل لدهان وعزل السيارة من تحت ؟ ارشها بوتامين ؟ هل ده عادى ولا هيأثر على سعرها ؟ و لو رشيت اى مادة ، أرش ايه ؟ وارش مرة وخلاص ولا اكرر الرش وكل قد ايه اكرره ؟ و هل فيه ماده أفضل من البوتامين ؟
ثانيا : كمان عتب السيارة من عند الكاوتش الخلفى تحت الباب فيه عتب بلاستيكى ، خلف العتب ده فيه تأكل فى الصاج على بسيط خدت بالى منه لما حركت العتب البلاستيكى اللى فى العربية تحت الأبواب ، الموضوع لسه صغير جدا ومش منتشر ، اصنفره عند السمكرى بالصاروخ وادهنه بوتامين ولا ادهنه ايه ؟ أنا مؤقتا رشيت عليه wd40 بس عايز افضل طريقة لعلاج العتب واسفل السيارة من التأكل والصدأ ؟