الاعضاء مالكى توليدو ... انا بفكر اشترى سيات توليدو 2018 وكنت عاوز اعرف رايكم فى العربيه كتجربه لاى حد معاه العربيه وعاوز رايكم فى التوكيل وقطع الغيار وسعرها وتوافرها وبقارن بينها وبين الالنترا ... شاكر ليكم لو عندكم اى معلومه
عرض للطباعة
الاعضاء مالكى توليدو ... انا بفكر اشترى سيات توليدو 2018 وكنت عاوز اعرف رايكم فى العربيه كتجربه لاى حد معاه العربيه وعاوز رايكم فى التوكيل وقطع الغيار وسعرها وتوافرها وبقارن بينها وبين الالنترا ... شاكر ليكم لو عندكم اى معلومه
وعليكم السلام
توليدو الجديدة كويسة جدا .. المشاكل اللى فيها .. طلمبة المياة , وعصاية الفتيس selctor lever , ولمبة الفرامل هتنور معاك ده بيكون بسبب حساس السيرفو عاوز يتغير .. دول اللى قابلتوهم فى الميكانيكا فى العربية دى
بالنسبة للتوكيل اسعاره غالية طبعا جدا وقطع الغيار ممكن تجبها من برة وهتبقى اقل سعر ونفس الجودة
موفق ~
تحياتى واتمنى للجميع التوفيق سيات توليدو سياره ممتازه بالنسبه لسعرها ثبات ممتاز على الطريق وسرعه لاكن بتحك فى بعض المطبات وليس الكل عزل للصوت الخارجى ممتاز طبعا وانت قافل الزجاج بتحس انك راكب عربيه المانى لاكن يمكن الكراسى ناشفه حاجه بسيطه وبمجرد متحط فرش بتبقى مستريح الشنطه ممكن تنام فيها فعلا اما بالنسبه لقطع الغيار لسه مجربتش لاكن اكيد غاليه زى كل الالمانى لاكن بتعيش التوكيل ابتدى ينتشر فاتح مركز معتمد فى المعادى اسمه زوام وده بيسهل عليا المشوار كتير ومشكله عصايه الفتيس ده اعتقد انها محلوله من فتره بتتغير مجانا فى خلال شهر وبتبقى العربيه ماشيه عادى جدا متقلقش من اى حاجه وربنا يوفقك للاختيار الافضل
السلام عليكم ... بص يا باشا .. العربيه معايا من الزيرو من 2016 انت لو كنت راكب قبلها الماني يبقي هتتبسط بيها جدا
العربيه الماني تقفيل تشيكي هي والاسكودا ال ايه سفن نفس الموتور ونفس الصالون حتي ... الاسكودا ااتقل شويه ... العربيه اكنك راكب جيتا بس ارخص شويه
مميزاتها كتير جدا وعاليه عن الأرض عمرها ما حكت معايا غير مره او اتنين ومع المطبات الغبيه بس
عيوبها : ساعات طرمبه الميه بتضرب والتوكيل بيغيرها بنوه مش بيضرب تاني .. حصلت معايا ... ونفس العيب في الايه سفن برده والرابيد
الايرور بتاع عصايه الفتيس .. ايرور ظاهري بس ملوش أي تاثير علي الفتيس اللي في الكبوت .. هي رساله بتطلع بايرور والتوكيل بيغيرلك العصايه ... وحصلت معايا برده
البريك سيرفو ايرور .... وده حصل في عربيات قليله .. عيب في السيرفو بتاع الفرامل عند الدواره الصبح ساعات بيحجر ... والتوكيل بيعملهولك برده
ده كل اللي في العربيه
انما حرام تقارنها بالالنترا .. دي حاجه ودي حاجه
انت تقارنها مثلا بالاسترا والكورز والتيبو .. واختار انت بقي تبع ركوبتك