افيدونى افادكم الله اشتريت سيستم بورش موديل 90 عايز اعرف كل حاجة عنها و اماكن قطع الغيار و الميكانيكية الى بتفهم فيها و هل ممكن اصلح فى التوكيل و هكان التوكيل فين اسف للاطالة .
عرض للطباعة
افيدونى افادكم الله اشتريت سيستم بورش موديل 90 عايز اعرف كل حاجة عنها و اماكن قطع الغيار و الميكانيكية الى بتفهم فيها و هل ممكن اصلح فى التوكيل و هكان التوكيل فين اسف للاطالة .
مفيش حد عبرنى و رد شكرا للجميع
ياريت حد من الاخوة السيستاوية الكرمه يردوا عليا
قطع غيار ابيزا سيستم بورش موجودة عند واحد فى شارع ذكى بالتوفيقية اسمه هشام لهيطة
و فى ميكانيكى فى بين السرايات هوة اللى بيفهم فيها كويس جدا
مركز نوح للسيارات
فين المركز دا فى بين السريات عشان عندى مشكله انها بتسخن فى السريع داخل البلد لاء مش عارف سببها
البيزا خاصة السيستم بورش مينفعش تسخن هى مصممة عشان متسخنش اما عندك مشكلة فى دورة التبريد او فى الموتور عموما فيه واحد اسمه سيد جولف فى شارع جسر السويس ناصية سنان هو بيفهم فيها و ابقى طمنى
شكرا اخ kayson على مدخلتك بس انا سالت كتير من اصحاب السيستم بورش كلهم بيشتكو من موضوع السخونه على الطرق السريعه هى الميكانيكى قال المشكله فى دورة التبريد بس غسلت الريدتير وبصيت على الخراطيم والثرموستات اللى فى الكوع متشال مش عارف اعمل ايه واحد قالى ممكن الخرطيم مع السخونه بتتشفط ومتوصلش المياه بس الخراطيم سليمه وفى ميكانيكى فى الزيتون قالى انا عارف العيب دا سيبهالى قلت له كان بيتى بعيد قلت له هستناك مرضاش يصلحه وانى واقف حسسنى انه هيعمل اختراع غير كدا كان ضارب مقايسه عاليه سبته
باقولك ايه قطع غيار العربية دي استيراد عند محمد كرنك في الوكالة و لو حبيت تسال علي اي مشكلة فيها قولي و انا هاجاوبك كانت معايا خمس سنين و عارف كل مسمار فيها
و مشكلة الحرارة دي هاقولك من الاخر تجيب رادياتير تلاتة ماسورة نحاس و مروحة كبيرة بالقميص و ترموستات واطي بتاع فيات و انسي بقي الحرارة دي خالص