| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية abutata2

    رقم العضوية : 201121

    تاريخ التسجيل : 24Sep2017

    المشاركات : 2

    النوع : ذكر

    الاقامة : الاسكندريه

    السيارة: هيونداى اكسيل

    السيارة[2]: هيونداى اكسيل

    الحالة : abutata2 غير متواجد حالياً

    افتراضي استفسار بخصوص أنسب زيت لسياره هيونداى اكسيل 97 1500 - Facebook Twitter whatsapp انشر الموضوع فى :

    hasad">

    ياجماعه ..لو سمحتوا استفسار بسيط ...عربيتى هيونداى اكسيل 97 ..كنت بحطلها زيت شل أحمر بقالى فتره ...وبعدين عرفنت ان ده زيت أحادى وبالتالى غير مناسب ..بفكر أحط تعاون sm , الأصفر ..المفروض ان زيت متعدد وكفاؤته أحسن ...مش عارف هو معدنى ولا تخليقى ولا نصف تخليقى ..فياترى هل ده مناسب للعربيه ؟ وشكرا


  2. #2

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,841

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    hasad">


    أهلا وسهلا بحضرتك...

    كنت حابب أوضح لحضرتك بعض الأشياء اللي هتفيدك لما تختار الزيت المناسب لعربيتك إن شاء الله... وبعدين نشوف إذا كان اختيار حضرتك مناسب ولا لأ..

    أولاً.. اختيار الزيت دايما بيبقى بناء على توصيات كتالوج عربيتك..

    ولا بالآراء.. ولا بالتجارب.. ولا بالسمع من ناس تانية.. ولا بأي حاجة تانية نهائي..

    ثانيا.. أهم حاجة في اختيار الزيت هي مستوى الأداء بتاعه... اللي بنعرفها من بعض الأكواد اللي بتحدد مستوى الأداء ده.. وهي فعليا اللي بتفرق في أداء الزيت وبتدي أفضلية لزيت على التاني..

    وهي دي اللي عاملة لخبطة لناس كتير لإنهم ما يعرفوش عنها حاجة فالاختيار بيبقى عشوائي طبعا وانت وحظك... إلا لو كان عندك الحد الأدنى من المعلومات وبالتالي ساعتها هتختار صح..


    ثالثا.. مسألة معدني ولا تخليقي مش بتفرق كتير لو اخترنا الزيت صح حسب مستوى الأداء اللي اتكلمنا عليه من شوية..

    بناء على الكلام ده.. لازم نشوف كتالوج عربيتك طالب إيه الأول ...

    تقدر تنزل الكتالوج من هنا:
    Hyundai Excel 1992 - Owners Manual

    الكتالوج مكتوب عليه 1992 بس هو نفسه بتاع الـ97.. ما تقلقش..

    دي صفحة توصيات الزيت في الكتالوج..


    من الصورة نقدر نعرف إن الزيت المطلوب مستوى أداؤه API SG.. وده مستوى قديم ومنخفض من الأداء.. وزيوت كتير في السوق دلوقتي أحسن منه في مستوى الأداء..

    باختصار تقدر تحط أي زيت مستواه SH أو SJ أو SL أو SM أو SN.. بالترتيب من أسوأ مستوى (SH) إلى أحسن مستوى (SN)...

    نيجي للزوجة...

    تقدر تحط زيت بأحد اللزوجات التالية (مع مراعاة درجة حرارة الاستخدام):

    20W-50 أو 20W-40 أو 20W-20
    10W-50 أو 10W-40 أو 10W-30
    5W-40 أو 5W-30 أو 5W-20 ( → مجموعة اللزوجات دي تستخدمها لو كان الزيت تخليقي بس)


    تعالى نشوف الزيت اللي حضرتك بتقول عليه...

    تقدر تشوف الداتاشيت بتاعت الزيت من هنا.. COOP XPL-SM Datasheet

    زيت التعاون XPL-SM مواصفاته كالتالي:

    مستوى الأداء:

    مطابق للمواصفات التالية:
    تصنيف API: مستوى SM
    تصنيف ACEA مستوى A3/B4 حسب مواصفة 2008
    مواصفة مرسيدس MB 229.1
    مواصفة فولزفاجن: VW 501 و VW 505

    اللزوجة : 20W-50

    من الكلام اللي فوق ده نعرف إن الزيت مطابق من ناحية اللزوجة .. وأعلى بكتير من طلبات الكتالوج...

    طبعا كده يبقى الزيت ممتاز لموتور عربيتك

    آه.. من ناحية كونه معدني ولا تخليقي... الزيت معدني.. بس زي ما قلت لحضرتك.. الموضوع ده ما يفرقش كتير.. خصوصا لما تعرف إن فيه بعض الزيوت التخليقية (الرخيصة) في السوق مستوى آداءها أقل من الزيت ده.


    لو عايز تعرف معلومات وتفاصيل أكتر عن زيوت السيارات.. أنصحك تدخل على الموضوع ده:
    القواعد الذهبية لاختيار زيت العربية.... موسوعة مبسطة لأساسيات زيوت المحركات

    وتحت أمرك في أس سؤال تاني..


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية



 

المواضيع المتشابهه

  1. استفسار بخصوص أنسب زيت لسياره هيونداى اكسيل 97 1500
    بواسطة abutata2 في المنتدى زيوت المحرك
    مشاركات: 1
    آخر مشاركة: 25-09-2017, 08:46 AM
  2. هيونداى اكسيل 1500 مو 96 للبيع
    بواسطة new_man في المنتدى قســم خاص لبيع السيارات فقـــط
    مشاركات: 7
    آخر مشاركة: 25-07-2013, 09:37 PM
  3. للبيع هيونداى اكسيل 1500 سى سى
    بواسطة yasso10 في المنتدى قســم خاص لبيع السيارات فقـــط
    مشاركات: 1
    آخر مشاركة: 06-07-2010, 01:27 PM
  4. هيونداى اكسيل 1500 مو 98
    بواسطة mada121977 في المنتدى قســم خاص لبيع السيارات فقـــط
    مشاركات: 2
    آخر مشاركة: 20-09-2008, 09:10 PM
  5. هيونداى اكسيل 1500 و بعض الاسئله..
    بواسطة volcano12 في المنتدى هيــونــداى
    مشاركات: 9
    آخر مشاركة: 12-03-2008, 12:09 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2