[frame="7 80"]تم اختيار هذا الموضوع كافضل موضوع لشهر مايو 2009 [/frame]

السلام عليكم و رحمة الله و بركاته
Nile Motors
كتير من مالكين بروتون واجا كانو بيتسائلو عن طريقة عمل وصله aux ل السى دى بلاير الكلاريون , خصوصا و ان موديلات ماقبل 2007 السى دى اوديو فقط , و ديه كانت نوعا ما مشكله لان طبعا السى دى اوديو سعته محدوده جدا بالمقارنه بال سى دى ام بى ثرى .
و كان الحل فى عمل وصلة ال AUX لتوصيل جهاز I Pod , Mp3 , او حتى توصبل الموبايل بال سى دى بلاير و بكده يبقى حلينا مشكله السى دى اوديو " تحديدا لموديلات ماقبل 2007 " .



اولا - الادوات المطلوبه :-

1- واصلة ال AUX ( تمنها 3 جنيه ) .
2- مفك صليبه .
3- بكرة شكرتون صغيره .
4- مقص صغير .
5- فوطه للتنظيف .
6- مفك عاديه " مبطط ".
7- منديل ورقى .
8- وصله للموبايل او الاى بود " لو حنوصل موبايل او اى بود "
 Nile Motors
ثانياً - خطوات العمل :-
Nile Motors
* اهم شى هو الحرص فى التعامل مع وش الكنسول " الفريم " و اتباع الخطوات بالتفصيل .
-----------------------

1- وصله 3,5 لموبايل سونى اريكسون ( فى وصلات لجميع الموبايلات - نوكيا , سامسونج .... و الاى بود ) , لو حتوصل ام بى ثرى مش حتحتاج اى توصيلات اضافيه
2- مفك صليبه
3- وصلة ال AUX
Nile Motors


-----------------------
Nile Motors
1- حنشيل الدواسه الجلد الصغيره الموجوده تحت طفايه السجاير و الولاعه ( و ديه بتتشال بسهوله جدا بنرفعها من قدام و من الجمب فى حواف جلد مجرد لما نشدها بتطلع كلها ) .
2- بعد ما نشيل الدواسه الجلد الصغيره حنلاقى تحتيها المسمار ده الى فى الصوره حنفكه ( هو المسمار الوحيد الى رابط فريم الكنسول ) .
Nile Motors

-----------------------
 Nile Motors
نيجى لاهم خطوه الى محتاجه حرص " فك فريم الكنسول "
1 - حنفك مقبض الفتيس ( حنلف المقبض Anti-clockwise عكس عقارب الساعه ).
2- حنلف المفك العاديه " المبطط " بقطعة منديل " علاشان منجرحش التابلوه او الكنسول " و ندخله فى الفراغات الموجوده اعلى الفريم " مكان الخطين الحمر فى اعلى الصوره " علاشان نفك الكلبسين الى فوق " مكان السهمين الحمر الى فوق " .
3 - حنشد الفريم لورا من الاربع اماكن الى عليها" اسهم حمرا " مكان الكلبسات بحرص .
* نخلى بالنا ان فى خمس ذوائد بلاستيكيه " موجوده مكان الاسهم الصفراء " .

* لما نيجى نشد الفريم نشده لوره بس ماينفعش نشده فوق و ألا حنكسر الذوائد البلاستيكيه الى ماسكه الكنسول من تحت .
Nile Motors


-----------------------

ده شكل الفريم بعد ما اتفك . و واضح اماكن الاربع كلبسات .
Nile Motors


-----------------------

و ده شكل الذوائد البلاستيكيه الى ماسكه الفريم من تحت .
Nile Motors


----------------------

حنفك الاربع مسامير الى ماسكين السى دى بلاير " الاربع مسامير الى جمب الاسهم " .



-----------------------
مافيش اى مسامير تانيه حتتفك . بمجرد مانفك الاربع مسامير الى فوق السى دى بلاير حيتطلع معانا بدون مشكله .
Nile Motors


-----------------------
 Nile Motors


-----------------------
 Nile Motors
حنفك التوصيلات الى ورا .
*( الخطوه ديه مش لازم نعملها . انا فكيت السى دى بلاير علاشان كنت عاوز اصلحه فى توكيل كلاريون , لكن علاشان نوصل الوصله مش لازم نفك توصيلات السى دى بلاير ) .
Nile Motors

 Nile Motors
-----------------------

شكل التوصيلات بعد مافكينا السى دى بلاير .
1- الفيشه الصغيره السوده الى على الشمال خاصه بزراير التحكم الى فى طاره الدركسيون
2- الفيشه الرمادى و الصفراء خاصه ب الباور و الصوت " نخلى بالنا اننا منعكسهمش الفيشه الرمادى بتتوصل تحت و الصفرا فوق "
3- جاك اريال الراديو .


 Nile Motors
-----------------------

شكل الكنسول بعد مافكينا الفريم و السى دى بلاير.


Nile Motors
-----------------------

شكل السى دى بلاير من ورا .
*حنوصل وصلة ال AUX فى الجاكين المتوصلين بالسلك الاحمر .
 Nile Motors

 Nile Motors
-----------------------

الجاكين المتوصلين بالسلك الرمادى خاصين بتوصيل الامبلفاير ملناش دعوه بيهم و نخلى بالنا اننا نوصل التوصيله فى جاكات السلك الاحمر فقط .



-----------------------
 Nile Motors
حنجيب وصله ال AUX و ندخل الجاك الاسود فى فتحه السى دى بلاير فى الكنسول من ناحيه الشمال و حنلاقى فى فراغ ننزل الجاك لتحت وننزل للفتحه الى تحت نمد ايدنا لجوه نشده بايدنا السلك من الفتحه الى تحت االولاعه و طفايه السجاير .

و حيبقى شكلل الوصله زى ما فى الصوره بالظبط الجاكين الاحمر و الابيض طالعين من فتحة السى دى بلاير فوق , و الجاك الاسود تحت .
Nile Motors

 Nile Motors
-----------------------

حنوصل الجاك الاحمر مع الاحمر , و الجاك الابيض مع الاحمر الفاتح زى الصوره .


 Nile Motors
-----------------------

حنلف عليهم شكرتون علاشان مايلمسوش فى حاجه و علاشان مايتفكوش لو حد شد الوصله جامد .


 Nile Motors
-----------------------

حنركب الوصلات و الفيش كلها زى مافكنيها بالزبط و نركب السى دى بلاير.

* قبل مانركب فريم الكنسول لازم نجرب الوصله ( نوصل ام بى ثرى او موبايل و نتأكد ان الوصله سليمه و ان الصوت استرييو و طالع من السماعات الاماميه و الخلفيه ) .


 Nile Motors
-----------------------

شكل الكنسول بعد ماركبنا كل حاجه زى الاول .


 Nile Motors
-----------------------

وده شكل الوصله بدون مانخرم فى حاجه او نبوظ شكل الكنسول .

Nile Motors
الموضوع كله بياخد تقريبا نص ساعه بالفك و التركيب .

 اجمل مافى الموضوع انك حتعمل كل حاجه بايدك و اكيد حتكون اكثر حرصا من العامل الى حيفك و يركب ومش حيكون فى اى تجاريح او خدوش او خسائر مكان الفك و التركيب .
لو حد عنده اى استفسار انا تحت امركم .