مطلوب نصيحه لشراء سياره بامكانيات جيده

بسم الله الرحمن الرحيم
----------------
الاخوه الخبراء اللى جربو العربيات يا ريت تفيدوني
- معايا عربيه اكسيل وهبيعها بسعر كويس وهكمل عليها مبلغ وهيكون معايا مبلغ حوالى 120 ل 140 الف جنيه وعايز اشترى حاجه كويسه بتجمع بين الجوده والاداء وقله الاعطال

انا متخير بين اكتر من حاجه حاليا لكن محتاج اعرف تفاصيل اكتر عن الحالات العامه لكل عربيه مع العلم انى عارف ان كل عربيه هجيبها سعرها هيتحدد على حسب عيوبها

* طبعا الصيني والكورى حاجات زي الزفت طبعا ومش عايز ادخل فى تفاصيل عنهم بس قطع غيارهم اللى موجوده حاليا فى السوق كلها شمال وبتبوظ بسرعه وبعدين عربيات مش عمليه بالشكل المطلوب وعشان كده انا عايز ابعد عن الكلام ده كله واجيب حاجه ياباني او فرنساوي او اى ماركه بنت ناس متقرفنيش


مخير حاليا بين
- تيوتا كرولا - لانسر بومه - مازدا - رينو لوجان - رينو ميجان

يا ريت تقييم شامل عن الماركات دي واعطالها وتوافر قطع غيارها وبصراحه انا عايز عربيه ركوبه ومميزه برده منهم
ويا ريت لو حد عندو فكره عن ماركات تانيه كويسه وقطع غيارها متوفره يقولها برده ويدينا تقييم

وكل عربيه من دول اشترى منها موديلات معينه ولا اى اصدار عادى مش هتفرق

فى انتظار الرد

تحياتى