اكبر غلطه ندمان عليها انى دخلت كليه الطب و كل الناس تقوللى شويه و هتحب الكليه انا وصلت سنه رابعه دلوقتى لسه شويه برده !!!!!!! الحمدلله على كل شىء
عرض للطباعة
اكبر غلطه ندمان عليها انى دخلت كليه الطب و كل الناس تقوللى شويه و هتحب الكليه انا وصلت سنه رابعه دلوقتى لسه شويه برده !!!!!!! الحمدلله على كل شىء
ههههههههههه
انا في 6 اهه و بقولك مادام مش بتحبها و انت في رابعه هتكرهها و تكره نفسك في 6 :(
انا في رأيي الانسان لا يندم علي اي شيء فعلة في حياتة...(إلا اذا كانت معصية لله تعالي...) غير كدة فالندم لا يفيد لان دي كانت ارادتة الحرة ...ولان الانسان مخلوق ناقص ..(الكمال لله وحدة ) .. يعني الخطأ امر حتمي ...وليس وارد...
الأحسن من الندم....هو الاستفادة من اخطاء الماضي علشان نتجنب الوقوع فيها في المستقبل...ومحاولة تقبل الحاضر والاستفادة منة ....
الغرق في بحر الندم...واسترجاع الاحداث لا ياتي اٍلا بالحزن والهم والكرب...ودة من افعال الشيطان علشان يتعس الانسان ...فيفتح علية باب من ابواب ..لو كنت عملت كدة .. لوبس استنيت شوية ... لو فكرت شوية ...وهكذا...فيشغلة بما فات عن ما هو حاضر وما هو آت....ويتركة في بحر الاحزان والاكتئاب ورفض الحاضر ...
وزي ماانتوا عارفين ان "لو" تفتح عمل الشيطان.....
وكان الرسول علية الصلاة والسلام...بيستعيذ بالله من الهم والحزن..
يبقي الافضل اننا نجيب ورقة وقلم ...ونكتب اية الدروس المستفادة من الاحداث الماضية ...دون ندم او زعل ..ونفكر ازاي نستفيد من الحاضر ...ومن الوضع ايلي احنا فية ...
وعلي ذكر حكاية الندم ..والانشغال بافكار مؤرقة ومتعبة...
في كتاب ...للعالم الشاب العبقري ...الدكتور عائض القرني...ربنا يباركلة...
اسمة "لا تحزن" الكتاب مرجع اسلامي بسيط وجذاب ...بيعالج فية مشكلات الانسان الحالية ...من زهق وقرف واكتئاب ...وندم وحزن ...وتوتر وانفعال ...بطريقة مبسطة جداااا ولغة سهلة ....
ياريت ايلي حاسس انة فعلا ما زال يشعر بآسي وندم علي اي شيء في حياتة ....وزعلان من اي فعل اخدة ...وندمان علية ...يقرأ الكتاب دة.......ومش هايندم ان شاء الله.....:120105~352:
ندمت لأني صرفت اللي ورايا واللي قدامي على تجهيز شقتي وعمل حاجات كثير من الكماليات وعفش غالي واكسسوارت غاليه لغاية اما فلست
اكبر غلتطين فى حياتى انى لما نزلت من ليبيا وكنت هتجنن وانزل مصر عشان الونس والناس والسهر ولما نزلت كرهت مصر كره العدو وسعتها بابا قالى خلى الناس تنفع والكمبيوتر ينفعك (لان لما كنا فى ليبيا كنا فى جنة الله فى الارض بس الرعب والخوف من الحيوانات اللى نزلنا ممكن تلاقى ضبع طالعلك فى الجبل وانت رايح المدرسة)
الغلطة التانية الحريـــــــــــم احذرو منهم اكتر من تحذير السم لانهم سقطونى سنة فى المعهد وكمان معهد خاص يعنى مصاريف سنى اترمت فى الارض(8000 جنيه) خرجات سهر عربيات عدم الحضور غياب مشاكل ..... ساعتها ابويا قالى خلى البنات ينجحوك يا روميو..:ask:
اخوكم يوسف
انا ندمان اني مزاكرتش كويس في ثانوية عامة
واديني في معهد حاسب الي راس البر وبرضو مابروحش اساس مش مابزاكرش مفيش نهائي
ومشكلتي مابتعلمش من غلطي في التعليم بالذات
لكن في كتاب بيقول
لا تبكي على اللبن المسكوب
خلاص اللي حصل حصل الانسان يبص لبكره
أنا شايفة ان معظم الندم على التعليم , و بما انى مش مقتنعة بمعظم التعليم فى البلد دى فمتزعلوش نفسكو , و بعدين يعنى لو مدخلتش معهد الحاسبات كنت عايز تدخل ايه تجارة احسن و لا اداب و لا تربية و لا هندسة و لا صيدلة كله محصل بعضه من غير طموح و دا اللى الغالب بس اللى بيصعب عليا الاهل بيزعلو على عيالهم و الفلوس اللى بتترمى فى الارض
غلطة عمرري
اني دخلت كلية ما بحبهاش و بمزاجي مش عارف ليه
و اتخرجت و اشتغلت شغل ما بحبهوش ( محاسب ) بس الغريبة اني شاطر في شغلي
حاسس اني ضايع او بمعنى اصح منتهي من ساعة ما دخلت كلية تجارة
مع ان كان ممكن ادخل احسن منها
قدر الله ما شاء فعل
الحمد لله على كل شئ
ممكن اقول اكتر غلطة مأثرة فيا دلوقت تأثير محبط بجد اني وثقت في ناس ازيد من اللازم ومكنوش محل ثقتي وخذلوني وندمانه فعلا عل ثقتي فيهم
السلام عليكم
و الله الغلطة الحقيقية اللى أنا ندمان فعلاً عليها هيا بعدى لفترة طويلة من حياتى عن ربنا و مكنتش حاسس بمتعة محبته و الأنس بسبحانه و تعالى و التوكل و الدعاء.
و غلطة تانية إنى كنت بدخن لفترة من عمرى و بطلت ألعب رياضه.