استفسار عن تكلفة اصلاح جوان وش السلندر هيونداي اكسنت ار بي 2011
السلام عليكم ورحمة الله وبركاته
وانا ماشي على الدائري العربية سخنت فجأة بسرعة وهوب بطلت ولمبة الزيت نورت وطلعت دخنة
المهم العربية مش راضية تدور
عايز اعرف تكلفة وش السلندر للعربية ولو عندكم اماكن كويسة وناس بتفهم ياريت تقولولي
كمان هل ان العربية متدورش حتى بعد ما بردت خالص ده طبيعي, وهل مفيش طريقة ادورها مؤقتا لغاية ما اوديها لمكانيكي بدل ما الونش هياخد تكلفة كبيرة عالفاضي
تالت حاجة وهو سؤال فضولي, ايه اللي يخلي العربية لو جابت وش سلندر متدورش (اعذروا جهلي بس عايز اتعلم)
واخبرا ايه اللي ممكن اخد بالي منه وهو المبكانيكي شغال التلبسيات بتاعتهم لو فيه حاجة اشدد عليه فيها كدة
وجزاكم خيرا