الموضوع: حملة لتأديب شركات توزيع الكهرباء (تزايد التلاعب في الفواتير والشرائح وغير ذلك)

المشاركة الأصلية كتبت بواسطة romeeoo

بصوا يا جماعة
الناس اللى حاتقعد تفتى وهيا مش فاهمة حاجة فى البطيخ
والناس اللى عمالة تشتم وخلاص
لو على الشتيمة انا لسانى اوسخ وهيا اسهل حاجة لكن انا مش عايز موضوع زى ده يتقفل عشان شوية عيال صغيرة ويضيع على ناس تانية الإستفادة

واللى يقولك
"هو اللي شغالين في شركة الكهرباء بستهلكوا الكهربا مجانا !!!!
امال ليه مش حاسين باللي بيحصل ولما نكلمهم بيحسسونا اننا من العالم الاخر ومش عيشين في الدنيا وان كل حاجة زي ماهي واكيد اننا بقى عندنا اجهزة بتستهلك كهربا اكتر!!!!!!!!!!!!"

طالما الموضوع دخل فى فتى واستعباط انا مش رادد على حد غير اللى اللى عايزين فعلا يفهموا ويعرفوا

ياجماعة انا قلت قبل كده كلام كتير اللى مش فاهم حاجة فى المصطلحات اللى انا بقولها يركز على حاجة ويقولى وانا فاسرهاله اسالوا اسئلة محددة وواضحة وانا معاكوا
وانا موجود فى الخدمة

السلام عليكم و رحمة الله و بركاته

أخى العزيز روميو
هو فعلاً اسم الموضوع مختلف عن الهدف و المضمون اللى فيه
بس أنا مش عارف حضرتك بتهاجمنى ليه ؟ و لا أنا فهمت غلط كلامك؟
أنا ما ذكرتش شيىء يسىء لحضرتك خاصة و كمان العضو اللى يمكن كان بيستفسر إن بتوع الكهربا ما بيدفعوش مصاريف كهربا زينا بردو ما قصدش حضرتك أو شخص بعينه و أنا بيتهيئلى إنه كان بيتكلم على ردود بعض المحصلين اللى مش واقعية و مش بتريح السائل.
كمان كلنا فى هذا المنتدى إخوات و لا يصح أن يكون الحديث بيننا بطريقة لا تليق بأسلوب الحوار المفروض أو التلفظ بألفاظ تستفذ بيها مشاعر المشاركين فى الموضوع.
و مش معنى إن حضرتك شغال فى هيئة الكهرباء إن حضرتك فعلاً راضى بالسلبيات أو التجاوزات اللى بتحصل فى الهيئة أو أى جهه حكومية خدمية .
أرجو إنى ما كنش أسأتلك أو أسأت فهمك و تكون فهمت قصدى كأخ و صديق فى هذا المنتدى الكبير

شكراً

المشاركة الأصلية كتبت بواسطة romeeoo

وبرضوا ارجو الإدارة لتغيير عنوان الموضوع لإستفسارات عن الكهرباء وبلاش العنوان العدوانى ده لأن انا ملاحظ ان الأعضاء داخلة بعدوانية من غير لازمة ولو استمر الموضوع ماشى كده انا مش ناقص وجع دماغ انا والله عايز افيد الناس

طيب إنت ليه واخد الكلام على نفسك

الناس زعلانة من إن الحكومة بتغللي كل حاجة وفي الآخر تصرح بإن سبب الغلاء هو جشع التجار
وفي النهاية تقوم بنفسها بقيادة قطار الغلاء

وأكيد لما موظف في الكهرباء يلفق لي وصل عشان مكسل ياخد القراية أكيد أنا هدعي عليه وهكون متضايق منه
ومش معنى كده إني بقول كل موظفين الكهرباء وحشين
لا طبعاً فيهم ناس محترمين وأكيد حضرتك واحد منهم
والكهرباء زي ما بتغلى علينا بتغلى عليك

يبقى لازم تتفهم تضررنا من موظف يزيد الطين بله ويضرب وصل أو يضرب قراية

أو واحد موظف في شركة الكهرباء جالي البيت عشان يغير العداد وسلمتهولو سليم ولما جات فاتورة تاني شهر لقيتهم جايبنلي 200 جنيه تحميل
رحت الشركة وقلتلهم ليه كده
قالوا لي أصل العداد اللي جه من عندك كان زجاجه مكسور وبالتالي كان أكيد قراءاته أقل وبالتالي عملنا متوسط لفواتيرك ودفعناك الفرق
قلتلهم العداد أنا مسلمه للراجل سليم أكثر من الجديد
قالوا لي أكيد الموظف اللي جابه كسره
طيب أعمل إيه
مش عارفين

تفتكر إني بعدها أدخل وأقول يا حلاوة شركة الكهرباء
بعد اللص ما دفعني 200 جنيه ؟؟؟

وفي ناس مفروسة مثلي من التلاعبات وبتدخل تقول كلام جامد عن شركات الكهرباء

فمتخدش الكلام على نفسك لأنك فرد في شركة الكهرباء ولست شركة الكهرباء بنفسها

المشاركة الأصلية كتبت بواسطة romeeoo

لو على الشتيمة انا لسانى اوسخ وهيا اسهل حاجة لكن انا مش عايز موضوع زى ده يتقفل عشان شوية عيال صغيرة ويضيع على ناس تانية الإستفادة

أتمنى أسولبك في الحوار يكون أكثر رقي بعد إذنك يا أستاذ romeeoo

اولا ده للا فتي ولا استعباط
وأنا مش حرد عليك
بس ياريت تبقى تحسن طريقة تعاملك معانا
لكن الكلام ده بالحرف الواحد اتقالي من المحصل
وده اللي خلاني استغرب
واقول هما اللي شغاليين في الكهربا بيستهلكوا مجانا
ولم اقصد الشتيمة او التجريح (في اللغة العربية حاجة اسمها التعجب لو مسمعتش عنه)
وبعدين يعني مفيش حد شغال في الشركة دي الا حضرتك
لانك واخد كل الكلام ليك!!!!!!!!!!!
وانا اكيد عاوزاعرف ايه اللي حصل مش داخل العب واستعبط

السادة الأعضاء المحترمين
هذه أسعار بعض الشرائح لإستهلاك الكهرباء:
استهلاك حتى 50 كيلو وات في الشهر = خمسة قروش لكل كيلو وات
استهلاك من 51 الى 200 كيلو وات في الشهر = 7ر10 قرش لكل كيلو وات
استهلاك من 201 الى 350 كيلو وات في الشهر = 9ر14 قرش لكل كيلو وات
استهلاك من 351 حتى 650 كيلو وات في الشهر = 6ر21 قرش لكل كيلو وات

وهذه الأسعار هي الموجودة قبل 1/12/2008
أي قبل الزيادة الأخيرة