الموضوع: حملة لتأديب شركات توزيع الكهرباء (تزايد التلاعب في الفواتير والشرائح وغير ذلك)

المشاركة الأصلية كتبت بواسطة ahit

السلام عليكم و رحمة الله و بركاته

أخى العزيز روميو
هو فعلاً اسم الموضوع مختلف عن الهدف و المضمون اللى فيه
بس أنا مش عارف حضرتك بتهاجمنى ليه ؟ و لا أنا فهمت غلط كلامك؟
أنا ما ذكرتش شيىء يسىء لحضرتك خاصة و كمان العضو اللى يمكن كان بيستفسر إن بتوع الكهربا ما بيدفعوش مصاريف كهربا زينا بردو ما قصدش حضرتك أو شخص بعينه و أنا بيتهيئلى إنه كان بيتكلم على ردود بعض المحصلين اللى مش واقعية و مش بتريح السائل.
كمان كلنا فى هذا المنتدى إخوات و لا يصح أن يكون الحديث بيننا بطريقة لا تليق بأسلوب الحوار المفروض أو التلفظ بألفاظ تستفذ بيها مشاعر المشاركين فى الموضوع.
و مش معنى إن حضرتك شغال فى هيئة الكهرباء إن حضرتك فعلاً راضى بالسلبيات أو التجاوزات اللى بتحصل فى الهيئة أو أى جهه حكومية خدمية .
أرجو إنى ما كنش أسأتلك أو أسأت فهمك و تكون فهمت قصدى كأخ و صديق فى هذا المنتدى الكبير

شكراً

انا ماكنتش اقصد حضرتك بحاجة ع فكرة حضرتك لو خدت بالك انت سالت على الزيادة فى الأسعار ونسبتها وانا رديت

المشاركة الأصلية كتبت بواسطة ahmed1981

طيب إنت ليه واخد الكلام على نفسك

الناس زعلانة من إن الحكومة بتغللي كل حاجة وفي الآخر تصرح بإن سبب الغلاء هو جشع التجار
وفي النهاية تقوم بنفسها بقيادة قطار الغلاء

وأكيد لما موظف في الكهرباء يلفق لي وصل عشان مكسل ياخد القراية أكيد أنا هدعي عليه وهكون متضايق منه
ومش معنى كده إني بقول كل موظفين الكهرباء وحشين
لا طبعاً فيهم ناس محترمين وأكيد حضرتك واحد منهم
والكهرباء زي ما بتغلى علينا بتغلى عليك

يبقى لازم تتفهم تضررنا من موظف يزيد الطين بله ويضرب وصل أو يضرب قراية

أو واحد موظف في شركة الكهرباء جالي البيت عشان يغير العداد وسلمتهولو سليم ولما جات فاتورة تاني شهر لقيتهم جايبنلي 200 جنيه تحميل
رحت الشركة وقلتلهم ليه كده
قالوا لي أصل العداد اللي جه من عندك كان زجاجه مكسور وبالتالي كان أكيد قراءاته أقل وبالتالي عملنا متوسط لفواتيرك ودفعناك الفرق
قلتلهم العداد أنا مسلمه للراجل سليم أكثر من الجديد
قالوا لي أكيد الموظف اللي جابه كسره
طيب أعمل إيه
مش عارفين

تفتكر إني بعدها أدخل وأقول يا حلاوة شركة الكهرباء
بعد اللص ما دفعني 200 جنيه ؟؟؟

وفي ناس مفروسة مثلي من التلاعبات وبتدخل تقول كلام جامد عن شركات الكهرباء

فمتخدش الكلام على نفسك لأنك فرد في شركة الكهرباء ولست شركة الكهرباء بنفسها

اخ احمد كلامك كتير والرد عايز كلام اكتر لأن المواضيع كتير
بص يا سيدى:
- اولا انا مخدتش الكلام على نفسى باللى تقصده انا حسيت انى لو كملت ف الموضوع ده حاتيجى عليا قلت اجيب من الأخر ثانيا اسلوب الناس ده هو اللى مخلى اللى فاهم مكبر دماغة وحيقعد يجادل وهو مش كسبان حاجة غير وجع الدماغ وده واضح لما رحت الشركة تستفسر عن التحميل.
- مش مطلوب منك انك تدخل تشكر فى حلاوة الكهربا ولا بتاع انا انسان اتعلمت درس ولا يلدغ المؤمن من جحر مرتين يبقا اقعد اشتم (وانا ماقصدكش طبعا) ولا احاول افهم؟!
- موضوع العداد بتاعك ده عشان يتفك كده وبالطريقة دى لازم يكون له محضر تركيب وحضرتك المفروض كنت تمضى الأخ الل استلمه وتاخد صورة بطاقته ان استلم العداد سليم وفيلم كبير وماتسكتش على حقك وماتدفعش مبلغ التحميل ده واكتب مذكرة (طالما انت صح) وابعتها فاكس للوزير وصدقنى الحاجات دى مافيهاش طناش برضو الموضوع ده محتاج انك تعرف حد عندك فى الشركة اللى انته تبعها يفهمك ايه اللى بيحصل جوا لأن كل شركة بيبقا فيها اختلافات بسيطة فى تطبيق القواعد القانونية.

المشاركة الأصلية كتبت بواسطة ahmed1981

أتمنى أسولبك في الحوار يكون أكثر رقي بعد إذنك يا أستاذ romeeoo

بص يا احمد انا مرايه للى قدامى المحترم حاكون اكتر منه

المشاركة الأصلية كتبت بواسطة nemo1987

اولا ده للا فتي ولا استعباط
وأنا مش حرد عليك
بس ياريت تبقى تحسن طريقة تعاملك معانا
لكن الكلام ده بالحرف الواحد اتقالي من المحصل
وده اللي خلاني استغرب
واقول هما اللي شغاليين في الكهربا بيستهلكوا مجانا
ولم اقصد الشتيمة او التجريح (في اللغة العربية حاجة اسمها التعجب لو مسمعتش عنه)
وبعدين يعني مفيش حد شغال في الشركة دي الا حضرتك
لانك واخد كل الكلام ليك!!!!!!!!!!!
وانا اكيد عاوزاعرف ايه اللي حصل مش داخل العب واستعبط

انت سألت اسئلة وقلت كلام بيتكتب فى الجرايد والنت واللى كاتبينه هما اللى بيفتوا وانا رديت على استفساراتك بس الجمله اللى فى الأخر دى استفزتنى جدا لأنى بسمعها فى كل مكان واحنا كموظفين لو حد فينا مادفعش بتتخصم من مرتبه وبيتحول لتحقيق وبيتجازى اكتر من الناس العادية (كل كلامى ع الناس المحترمة اللى شغاله بما يرضى ربنا) وكل 3 شهور بيجيلى غلط فى القراية فى عدادى الشخصى ده غير معارفى وااصحابى بص يا سيدى العبرة مش بالفلوس اللى ف الفاتورة العبر بقرائة العداااااااااااااد اللى فى الواقع والفرق بينها وبين القرائة الحالية ف الفاتورة تابع القرائة وخد رقم تليفون الإدارة اللى انته تبعها واتفق معاهم انك تبلغها بالتيليفون ان امكن

المشاركة الأصلية كتبت بواسطة ahmed1981

تأكدي إن القراءات الموجودة في الفاتورة سليمة

وممكن تحددي يوم في الشهر وتكتبي القراءة على ورقة على باب البيت بحيث تكوني عارفة مسبقاً الفرق بين القراءة في فاتورة الشهر السابق والقراءة الحالية التي كتبتيها على الورقة


وتقدري تحسبي قيمة الفاتورة القادمة بالنسب التالية وإن كنت أظن أنه تم رفع سعرها من أول 1/12/2008:

+10000 اديك فهمت اللعبة بس حبيت اقول انك لو تروح للإدارة اللى تبعك وتاخد تليفونهم وتتفق معاهم انك تبلغ القراءة تليفونيا يبقى 100 / 100


الأسعار بتتغير مع بداية السنة المالية 1/7 مش فى 1/1 الأسعار الجديدة تقريبا اضرب ف 5% لكل الشرائح ماعدا الأولى