الموضوع: تعديل عفشة لوجان 2016 الى عفشة رياضية

المشاركة الأصلية كتبت بواسطة Porsche911TT

وعليكم السلام
أهلاً بيك أخي الكريم في المنتدى وألف مبروك على العربية ربنا يديك خيرها ويكفيك شرها
الكلام ده هقوله نظري على قدر خبرتي المتواضعة في السيارات

أنا أشاركك نفس الإحساس بخصوص خطورة ضعف الثبات وإرتفاع العربية ، خصوصاً أني كنت راكب Subaru Impreza وللأسف اضطريت أبيعها.
في عدة عوامل لازم تحطها في الإعتبار لو هتركب مساعدين رياضية منها هل شاسيه العربية يستحمل coilovers؟ مبدأياً لأ لأن الشاسيه يلتوي بسهولة chassis torsion
الدليل أن لو رفعت العربية من أحد النقاط الأربعة على الكوريك هتلاقي بعض أبواب العربية بتحك وتخبط في القايم مع الفتح والقفل وده عادي في معظم العربيات الإقتصادية ، بس السوبارو مفيش الكلام ده.
والحل حاجة من الأثنين: أسهلهم أنك تركب مساعدين أنشف بشوية من الأصلي مع anti-roll bar لو مش عندك وجنوط رياضية وخلصت الحكاية.
وموضوع أضرار جنوط مقاسات مختلفه ده فعلاً بيحصل.. بس خلي بالك لو هتغير الجنوط لازم تكون كـ كتله زائد الكاوتش أقل من الأصلية عشان عامل rolling resistance في التأثير الإيجابي في حالة خفة الوزن وعامل unsprung weight
أو تركب chassis reinforcements عشان تستحمل بس غالباً هتصرف فيها كتير وهاتحتاج دراسة لنقاط الضعف في الشاسيه.

معرفش إيه الكلام الغريب اللي بتسمعه عن العربية غير موضوع الثبات .. الحمد لله العربية زي الفل..هي مش رياضية بس عملية جداَ ويعتمد عليها لو بتحافظ عليها كويس وبتابعها.
شكل الدريكسيون الجديد أنا برضو عاجبني جداً وبتسائل نفس سؤالك.
مفيش أي مشكلة على كثرة الأسئلة الناس لبعضيها.

حضرتك اضافت لية كمية معلومات مهمة جدا ربنا يكرمك ويوسع عليك
وفعلاً انا لحظت مشكلة القوايم واصوات غريبة بتحصل وانا برفع العربية بس مسألتش على السبب قبل كدا بصراحة
لكن المشكلة لو غيرات المساعد الاصلى بحاجة انشف شوية هل دا هيقلل ارتفاع السيارة ؟ انا محتاج الارتفاع يقل شوية
وبالنسبة للجنط لو هجنط 16 هيكون اية افضل مقاس حيث راحة معقولة وثبات معقول يعنى تكون العفشة balanced

الدريكسوين ياريت بقا حد يفيدنا علشان اتخنقت من مكان الكلاكس