عرض للطباعة
السلام عليكم
يا ريت لو تقدروا تخرجونى من حيرتى وحد يقدر يحل لى مشكلتى؛أنا عايز أجيب عربية فى حدود من 60 الى 70 الف،ومحتار بين العربيات الصينى (اسبرانزا،A15،IDEA or CHERRY)
بصراحة مغريين جدا،ولا الفيرنا(بصراحة مش عجبانى خالص)ولا الافيو(على مضض) يا ريت حد يقدر يرد عليا (وخاصة الاستاذPAYOO ) ولكم جزيل الشكر
د/اسلام
السلام عليكم ورحمة الله وبركاته
هو فعلا موضوع شراء سيارة جديدة محير جدا لكن تعالي نحسبها بالعقل
انت بتقول الصيني مغري وهم فعلا بيلعبوا علي النقطة ده انا زيك كنت محتار جدا وكنت معجب بالشيري A15 جدا وان فيها اوبشن كتير مش موجودة في اي عربية من نفس الفئة وسعرها بالنسبة للامكانيات تحفة ورحت اتفرجت علي العربية عند الوكيل واصبحت معجب بها اكثر بعد ما شفتها علي الطبيعة كمان لكن وقت ما حبيت اشتري حكمت عقلي لقيت ان اكيد كل الاوبشن الزيادة اللي في العربية ( بالاضافة للتكييف والباور - ايرباج 2- فرامل APS -زجاج كهرباء 4 - سنتر - انذار - كاسيت سي دي - ستوب - ريموت - جنوط - RPM - ساعة - اريال كهرباء - الخ ) كل الاوبشن ده اكيد اكيد اكيد علي حساب الخامات والامان والثبات اسعارقطع الغيار والوكيل والصيانة .
اما بالنسبة للفيرنا واو الافيو انا مش هكون متحيز لعربيتي لكن اي نوع منهم غير الصيني اكيد افضل خصوصا لما يكون له وكيل (حتي لو نصف محترم ) لكن افضل من لا وكيل وكذلك تكون عربية متجربة في السوق المصري واسعار قطع غيارها معروفة ومتوفرة
وربنا يوفقك في الشراء بعد الاستخارة
انا اوافق ا / طارق فى كل الى قاله لانى من شهرين كنت بفكر نفس التفكير ده و بعدها قررت انى اجيب فيرنا
نصيحة لوجه الله ابعد عن الصيني وغنيلة، خليك فالفرنا أو للانوس أو ممكن تزود سبع تلاف وتجيب لانسر خليجي 1300 cc وممكن افيو او سيريون 1.3 76000LE او كليو 1.4 73990LE
انا مع نادر في رأيه
خليك في اللانسر و سيبك من العك
ياباني و كمان منتشرة
اما فكرة التوكيل العالمية لم تطبق بعد في مصر و انما اسماء شبيهه بدون مضمون
لو انت مصر على الصينى يبقى خليك فى الإسبيرانزا
أولا لأنها اكثرهم انتشارا، والانتشار فى بلدنا يعنى توافر قطع الغيار -ولو بعد حين-وسهولة الصيانة وسهولة البيع لو مش عاجباك او لو عايز تعلى، كما ان لها توكيل، حتى لو مكانش اعظم توكيل فى مصر فهو على الأقل توكيل، يعنى هتلاقى حد تزعق معاه لو عندك مشكلة
انا سقت الإسبرانزا وسقت ال A11 والفرق بينهم شاسع لصالح الإسبرانزا لكن ال a15معرفش عنها حاجة
الإسبرانزا عيبها الوحيد والواضح اللى محدش عارف يحله هو مشكلة علبة الديريكسيون اللى بتخبط شوية فى المطبات (العربية اللى انا كنت سايقها لسة زيرو تسليم الأسبوع اللى فات وبرضه فيها رجرجة علبة الديريكسيون )ومع رجرجة الطريق، فيما عدا ذلك هى عربية ناعمة وجراية وثابتة على الأرض ومتعددة الكماليات، يعنى انا كنت لسة سايقها الأسبوع اللى فات وبعدين سقت لانوس، بصراحة هى انزه من اللانوس بكتير
لكن لو عايز تخرج من دايرة الصينى حاول تتزود شوية فلوس وتجيب لانسر 1300 أو ماتريكس ، وبلاش أفيو لأنها مش فارقه حاجة عن اللانوس لكن غالية جدا وهتوقعك تحت ضرس توكيل مكلف
من راي هات الانوس الكاملة مانيوال وصدقني مش حتندم!
عندي واحد صاحبي عندهم فليشيا مو 2001 إنجكشن وعربية ما شاء اللة ثبات وحمالة قسية! اخوة اشترى لادا ودلوقتي معة ماتريكس وصاحبي اشترى لانوس 2007 بالعافية " على مضض" وكان مش مقتنع بيها ولا انا كنت مقتنع بيها وقلتلة اهي تستخدمها في تشوين ونقل بضاعتك ونحط فيها عدة الصيد واحنا رايحين نصطاد ولما ربنا يكرمك تغير!
واللة من ساعة ما جابها وهو كل يوم بيعجب بيها اكتر واكتر وانا كمان - عربية محترمة وواسعة اكتر من الفرنا وصدقني تمنها فيها - ومع احترامي للجميع في رائي الافيو هي لانوس متخفية!
اما الصيني فابعد عنة وغنيلة زي استاذ نادر ما قال
Balash tegeeb ay haga made in chine
homa beyebhero be el options we el shakl we el se3r bas enta betgeeb 3arabeya ya3ny me7tag amaan 3shan 7ayatak mesh mohem el floos
momken fe3lan tegy 3ala nafsak shewaya we tegeeb lancer 1300 aw matrix
law mesh 2ader yeb2a khalek fe el lanos or verna mesh 7elween awy bas akeed a7san men el chinesse
rabena yekremak
انا متشكر جدا يا جماعة على ردودكم الجميلة وربنا يكرمكم جميعا
فعلا المنتدى دة ممتاز علشان الناس اللى فية على درجة عالية من الاخلاق والاحترام
د/اسلام
شوف يا دكتور أسلام أنا مش هاقدر اضيف أي شيء أكثر من إللي قاله الزملاء ولكن أحب أكد على ما قالوه وهو أنك يجب أن تبتعد عن الصيني (ده لو حضرتك حابب أنك تعيش معزز مكرم) ومش عاوز أقول لك أكثر من كده لأني متأكد ان حضرتك فهمتني http://www2.0zz0.com/2007/06/20/04/24110317.gif
والمثل الشعبي إللي أنا لسه مئلفه حالا بيقول (أبعد يا دكتور أسلام عن الصيني http://www3.0zz0.com/2007/06/20/04/98336686.gif عشان بعد كده ماتقولش السكر معييني ، ومش لاقي ميكانيكي يداويني)http://www3.0zz0.com/2007/06/20/04/71671217.gif
http://www3.0zz0.com/2007/06/20/04/51138816.gif