الموضوع: كيا كارينز

أفضل زيت دايما هو المكتوب في كتالوج عربيتك...

وكتالوج عربيتك تقدر تنزله من هنا:
KIA Carens 2012 - Owners Manual

في صفحة 383 هتلاقي مواصفة جودة الزيت...
وفي صفحة 385 هتلاقي اللزوجات المسموحة

الزيت المطلوب لازم يتوافق مع التالي:

مستوى الاداء (جودة الزيت):
مطابق لمستوى API SM أو SN
مطابق لمستوى ILSAC GF-4 أو GF-5

بالنسبة للزوجة...

مسموح لك باللزوجات التالية:
5W-20 , 5W-30
10W-30
15W-40
20W-50

وما ينفعش تحط لزوجات غير دول... ويفضل استخدام اللزوجات الخفيفة علشان توفر في البنزين ما دمت ما بتحملش على الموتور...

وحالات التحميل على الموتور باختصار هي:
1- الوزن الزايد
2- القرص والشد بالمواتير
3- سحب المقطورات أو السيارات
4- طلوع الجبال أو نزولها
5- إن العربية تكون تاكسي أو سيارة شرطة أو سيارة تجارية.. لإنهم معرضين لكل الحالات السابقة.


في حالة ما كانش فيه حالات من دي تنطبق عليك.. فأنصحك بزيت موبل1 x1 بلزوجة 5W-30.. لإنه مطابق تماما لطلبات الكتالوج..

ولو عند حضرتك أي استفسار آخر أنا تحت أمرك.


...