تجربه تعامل سيئه جدا مع صفحه تصميم اسمها الترا ديزاين(ultra Design)

تجربه تعامل سيئه جدا مع صفحه تصميم
اسمها الترا ديزاين

(ultra Design)
https://www.facebook.com/ultrdesign370/

رشحها ليا صديق وبعتلهم وطلبت معاينه
رديت عليا م/ اسماء وجت الشقه وعملت معاينه ودفعت عربون عشان بيان جديه وتشتغل بسرعه
ووضحتلها اني مهم عندي الوقت لاني موتبط بمواعيد نقل مدارس الاولاد
وطلباتي محدده
ابتدت تصميم في غرفه النوم الماستر
وبعد تعديلات بسيطه وصلنا للشكل المناسب
ضيعت وقت كبير جدا في المطبخ والحمام
رغم اني وضحتلها اني مش محتاج تصميم منها ليهم
لان الحمام نزلت نقيت السيراميك واشتريته واستقريت عالشكل ومش محتاج تضييع وقت
ضيعت فيه اسبوع كمان حتى دولاب الغساله اللي طلبته لما قالت هاتصمم طلعته سيئ جدا قولت مش مشكله
في التنفيذ هعمل اللي في دماغي
متضيعش وقت تاني لاني مش محتاجه منها
والمطبخ برضه صممته قولتلها مش محتاجه انا متفق مع شركه مطابخ كبيره وعملوا التصميم حتى بعتلها الالوان والشكل النهائي وتصميم المطبخ
وبرضه عملته (لانها كانت طمعانه اننا نعمل المطبخ مع جوزها اللي وقف يورينا عينات ورفضت بذوق وقلتله من فضلك انا اتفقت خلاص )
دخلنا علي الاوضه التانيه اللي هي غرفه البنات وهنا ظهرت المشاكل
طلبت تحويل مبلغ كمان يعتبر معظم المبلغ واللي هايتبقي ٥٠٠ جنيه بس
قولتلها ده مكنش اتفاقنا وانتي عملتي اوضه واحده بس
قالتلي ده نظامي قولت مش مشكله .. حولتلها الفلوس عشان كنت عايز اخلص وعايزها تشتغل كويس بدون حساسيات
تصميم الغرفه الماستر بعتلها صور كتير عشان اقربلها الفكره
غرف البنات ظهر ان معندهاش اي ابداع في التصميم . طلبت صور قولتلها معنديش . لكن ممكن تبعتيلي صور انقي . قالتلي مش شغلتي . فهمتها براحه اني لجأت لديزاينر لانه اللي هايشور عليا وانا مش مهمتي اني ادور في كل صفحات الاثاث .. كل اللي فات ده بتكلم ببساطه وروح موده
وبعتت اكتر من تصميم سيئ لغرفه البنات
طلبت تعديل وحده تخزين علويه فوق السرير
بعتتهولي صندوق خشب زي مانتو شايفين
بعتلها فويس مسج وبضحك وبقولها دي زي الصندوق الخشب
زعلت وبتقولي انت بتتريق
قولتلها لو عايز اقول حاجه مباشره هقول
ومن هنا ورايح انا هتكلم رسمي
ردت وبتقولي انت استنفدت التعديلات
قولتلها انتي بعتي تصميم واحد بعيد عن اللي قولته ولما قولتلك تعديل اللي في دماغي باعتلي صندوق خشب مصمت تقولي ده تصميم دولاب وانت استنفذت
طريقه كلامك اتغيرت تماما بعد ما خدتي الفلوس
بعتت فويس مسج اقل ما يقال عنها انها (شرشحه)
مستحيل تطلع من شخص عدى من قدام جامعه مش مهندسه خريجه هندسه
رديت عليها بكل هدوء قولتها اسلوبك غير مقبول
وانا مش هاكمل الديزاين
بعتتلي تليفون (احمد) اللي كان عايز يعمل المطبخ
وقالتلي ده صاحب الشركه (اللي ظهر فجاه)
بكل احترام كلمته
قولتله انا مش هاكمل الديزاين لعدم الجديه
دخلني في حوارات وبيقولي انت بتضحك في الفويس مسج ويترد وتقولها بتتكلم فريندلي
وازاي تكلمها كده
مفيش فلوس واعلى ما في خيلك اركبه
(ملحوظه.. زوجتي في نفس الكونفرزشن وكلامي كله رسمي لكن بدون حده وفريندلي عشان مش عايزها تعملي تصميم وخلاص كنت بدور علي انسب حاجه لشقتي لاني عارف ان شغل التصميم مينفعش ضغط ولا رسميات بحكم شغلي سنين طويله)
قفلت السكه بكل هدوء
وكلمت المحامي بتاعي عشان يعملهم محضر نصب
وبعتله كل السكرين شوت بما فيها تحويل الفلوس
ودخلت عملتلها ريكومنديشن سيئه
فنزلت بوست علي صفحتها
بتشتم العميل وبتنزل صور التصميمات
وبتقول انها الشقه عالمحاره
رغم انها حاطه صوره للشقه باين انها اعاده توضيب فقط
للاسف الصديق اللي رشحها اتصدم
وقالي انا اسف ومستعد ادفعلك الفلوس
فطبعا في ستين داهيه الفلوس
انا مضايقني الشهر وشويه اللي ضيعتهم
من 25 نوفمبر الي 2 يناير
عشان اعمل تصميم غرفه واحده بس من الشقه
ومش هانفذها لان شغلها فعلا سيئ جدا
لا انصح اي شخص بالتعامل. مع اسماء واحمد
الترا ديزاين
وربنا يعوض عليا في الوقت والفلوس والمجهود
طلب شخصي من الاصدقاء عالصفحه
يا ريت not recommendation من خانه الرفيو عالصفحه

https://nileup.com/up/uploads/nilemo...5468804571.jpg

https://nileup.com/up/uploads/nilemo...5468804572.jpg

https://nileup.com/up/uploads/nilemo...5468804573.jpg

https://nileup.com/up/uploads/nilemo...5468804574.jpg

https://nileup.com/up/uploads/nilemo...5468804575.jpg