:shyy:
مشكور كل من رد عليناياريت لو حد اشترى تقسيط يكتب تجربتة علشان كل ألأعضاء يستفيدوا من خبرتة وكمان محدش يضحك علينا
كفاية ضحك الحكومة علينا ولا اية؟
عرض للطباعة
:shyy:
مشكور كل من رد عليناياريت لو حد اشترى تقسيط يكتب تجربتة علشان كل ألأعضاء يستفيدوا من خبرتة وكمان محدش يضحك علينا
كفاية ضحك الحكومة علينا ولا اية؟
فكرة ممتازة
كل واحد مقسط عربية يوضح حالة التقسيط ومع مين مقسط ومميزاته وعيوبه
وكده غيره لا يقع في نفس المشكله
والله فكرة جامدة
بس لية مفيش حد اشترك
ياريت والله ياجماعة كل واحد يكتب خبراته بالموضوع الهام دا
يعني أفضل البنوك في التعامل وعروض البنوك وكدا
وياريت من إدارة المنتدي تثبيت هذا الموضوع
انا ايضا اؤيد هذة الفكرة ياريت بردو يقولنا الفايدة الى اتحاسب عليها كام واجراءت البنوك اية نظامها والحركات دى عشان يكون مرجع للى عايز يشترى عربية بالقسط
عشان فى اكتر من نوع فى التقسيط
1- تقسيط عن طريق تحول المرتب
2- تقسيط عن طريق ودايع وضمانات كتير
3- تقسيط عن طريق دفع 50% من سعر العربية وداة اعتقد اسهل نوع
...........
انا جبت لمراتى ماروتى تقسيط من سيتى بنك
ما عملتش حاجه غير انى دفعت 20% من القيمة يعنى 7500 + مصاريف بنكية وأدارية 350 و800 جنية تأمين شمال بدون نسبة تحمل لمدة سنة يعنى الحسبة كلها بالترخيص والاكراميات والدواسات والطفاية واللذى منه كلفتنى 9000 جنية
والباقى 650 جنية شهريا على 60 شهر
ما عملتش اى شىء غير انى جبت مفردات المرتب من الشركة بتاعتى مختومة وصورة الرقم القومى فقط وما شوفتش البنك كل حاجه قام بيها مندوب المعرض حتى الترخيص انا رحت معاه لكن هو اللى رخص ومضيت بس
يعى تقريبا ما جبتش ورق ولا تعقيد ولا غيرة سيتى بانك رأع فى موضوع التقسيط ده واستلمت العربية مترخصة فى اقل من 24 ساعه من التعاقد
ولما احتاجت الايام دى قرض منه عملى استكمال قرض تانى يوم ما كلمتهم فى التليفون والفلوس بقت فى حسابى بعد مرور 48 ساعه فقط
احنا بنعمل الاجراءات الان مع بين ابو ظبى الاسلامى ( البنك الوطنى سابقا ) يعنى بنحاول الشراء بالمرابحة و حندفع النص و حنقسط الباقى على 2 سنة باذن الله و هم مش بيعملو توكيل و لا بيخدو نسخة من المفتاح بس بيعملو بند حظر فى عقد شرائى منهم السيارة و بيسلمونى هم السيارة و نسبة هامش الربح السنوى 9.5 % بس ممكن توصل ل 9% لو موظف حكومى متسألونيش اشمعنى لانى مش عارفة و بتعمل طلب شراء سيارة بتدفعلوه 1000 جنيه ( جدية تعاقد ) بس و أكيد عرض اسعار و المهن الحرة بطاقة ضريبية + سجل تجارى + بيان بحساب البنك اخر 3 شهور و قالو انهم بيسلمو العربية خلال اسبوع مت التعاقد مع البنك ( لسه مكملناش الاسبوع و حنشوف )
و التامين أكيد اجبارى مع اى بنك بس ممكن فى البنك ده تختار تامن مع مين بس و احنا كنا حنقسط رحنا بى ان بى باريبا بس قلنا خلينا فى المرابحة الاسلامى رحنا فيصل عقدولنا الموقف شوية و قالو الاستلام من شهر و نص لشهرين ( نسبة الربح 8.2 بالاضافة لعدة رسوم و زيادات كده و حتوصل فى الاخر ل9 %)و بعدين سالنا عن بنك ابوظبى هما مريحين فى التعامل
على فكرة العربية اللى باذن الله حنجيبها تيدا و ممكن تعمل كفالة ( تنازل ) لو حتجيب العربية لمراتك مثلا و ربنا يوفقك للى فيه الخير
بالنسبة للموظفين بيعوزو صورة بطاقة الرقم القومى , ايصال كهرباء , مفردات مرتب , و عرض السعر ( ممكن يجيبه الموظف بتاع البنك لو عايز ) بس خلاص و أنا معايا الورق و العقد بتاعت التلت بنوك .