مشكله فى العداد

**midoanabeb** · 16-12-2008 08:24 PM

فى الاول ازيكم شباب انا عندى علربيه فيات بونتو2003 ولسه شاريها من شهر كده هى الحمد لله ممتازه بس العداد مش مظبوط خصوصا الصبح والعربيه لسه طالعه بيعلق عند 60 وبعدين بيهيس ممكن لو بطلتها نص ساعه وكملت بلاقيه بيظبط وبيبقى تمام بس انا مش عارف اعمل ايه اغيره ولا اروح لمين وشكرا ليكم ممكن حد يقولى الثمن ايه لو هغيره

**ahit** · 16-12-2008 11:51 PM

المشاركة الأصلية كتبت بواسطة midoanabeb

فى الاول ازيكم شباب انا عندى علربيه فيات بونتو2003 ولسه شاريها من شهر كده هى الحمد لله ممتازه بس العداد مش مظبوط خصوصا الصبح والعربيه لسه طالعه بيعلق عند 60 وبعدين بيهيس ممكن لو بطلتها نص ساعه وكملت بلاقيه بيظبط وبيبقى تمام بس انا مش عارف اعمل ايه اغيره ولا اروح لمين وشكرا ليكم ممكن حد يقولى الثمن ايه لو هغيره

السلام عليكم و رحمة الله و بركاته

ممكن تروح عند واح اسمه عنتر باين مش فاكر فى أو وكالة البلح بعد الكوبرى على طول يمين , هو مشهور جداً و ناس كتيير بتشكر فيه و أسعاره معقوله

شكرا

**tananybasha** · 17-12-2008 01:01 AM

الليثى يا باشا
بس هو مشكلته انه حراق لو هايغير حاجة
لو قللك ماكنة السرعة اللى فى العداد
خش على الوكالة و هات عداد كامل سعره هيبقى اقل من اللى هايقوله و ده عن تجربة فى العربية النيسان اللى كانت معايا قاللى العداد يتصلح ب 350 جنية دخلت جبت عداد كامل بس بعد الفصال العنيف 150 جنية ركبته و مشيت

**Nissan** · 17-12-2008 06:51 PM

ممكن أفهم يعنى اية بيعلق عند 60؟
60 كم/ساعة قصدك عداد السرعة؟

على العموم لوحة العدادات عيب شهير فى البونتو حضرتك ممكن تروج اوماترا و انا تحت امرك انا زمايلى هناك و انا كنت شغال هناك فترة كبيرة
على فكرة ممكن مؤشر الحرارة بيكون بيعلق و ده قد يكون حساس المياه لن حساس المية بيدى للوحة العدادات
على العمومو لو عايز تروح اوماترا وكيل فيات فى جسر السويس عند سوق القنال ناس فاهمين جدا و محترمين جداجدا
عشان كمان لازم لوحة العدادت لما تتغير العربية تتحط على ال Examinar عشان يعمل حاجة زى Activation و يدخل القرية بتاعت العداد القديم