ما هي علامات تلف البطاحة ؟

**Strong** · 16-12-2008 08:43 PM

ما هي علامات تلف البطاحة ؟
وهل القطعة الجلد اللي فوقها بتيجي معاها ؟ ولا دي حاجة تاني ؟

**Sherif Khalifa** · 16-12-2008 08:55 PM

بتشقق و ممكن تتقطع و البلى بيخشن

مش فاكر بتيجى من غير الغطا ولا لأ بس ممكن تستعمل بتاع القديمة

**Strong** · 16-12-2008 09:04 PM

شكرا لردك السريع
بس أنا كان عندي صوت تزييق لما بالف الدريكسيون والقطعة الجلد اللي فوق البطاحة مشققة وقربت تتقطع ولما رحت لحداد قاللي البطاحات عايزين يتغيروا ولما جيت أشتري بطاحة لقيتهم جايين من غير القطعة الجلد اللي فوقهم مش عارف هو اداهم لي ناقصين ولا هما مش بييجوا بيها ؟ والجلد اللي مشقق ده نظامه إيه لما يغير البطاحة ؟

**kh_elshiemy** · 16-12-2008 09:17 PM

انا جبتهم جداد وكانوا كاملين بالجلده والغطا

**Sherif Khalifa** · 16-12-2008 09:27 PM

انا مش فاهم اية المفصود بالقطعة الجلد دى

البطاحى عبارة عن القالب الكويتش من جزئين ملحومين فى بعض
الجزء العلوى هوا الى بيشقق و داخله رلمان البلى و و بيغطية غطاء بلاستك مدور

و الجزء السفلى الى بيركب فية مسامير التسبيت فى جسم العربية

**Sherif Khalifa** · 16-12-2008 09:39 PM

اعتقد انا فهمت اية الى ملخبطك

الجزء الكويتش العلوى الى بيشقق دة فى البطحات الجديدة بيبقا نازل لتحت اوى
هيقب لفوق لما تركب البطاحة و العربية تنزل على الارض

**battikh** · 16-12-2008 09:44 PM

لا مؤاخذة في السؤال هو إيه البطاحة دي؟ ومكانها فين ؟ ووظيفتها إيه؟
العلم نور برضة

**Sherif Khalifa** · 16-12-2008 10:38 PM

افتح الكبوت هتلاقى فى المكان الى داخل فية المساعد من تحت قطعو كويتش مكببة سودا
دى بتسند المساعد و تخلية ميخبطش فى جسم العربية و فيها رولمان بلى بيلف قالب المساعد مع حركة العجل

**islamkhidr** · 17-12-2008 12:30 AM

المشاركة الأصلية كتبت بواسطة Sherif Khalifa

افتح الكبوت هتلاقى فى المكان الى داخل فية المساعد من تحت قطعو كويتش مكببة سودا
دى بتسند المساعد و تخلية ميخبطش فى جسم العربية و فيها رولمان بلى بيلف قالب المساعد مع حركة العجل

ياسلام عليك ياعم شريف فنان يابنى والله

**Strong** · 17-12-2008 07:29 AM

المشاركة الأصلية كتبت بواسطة Sherif Khalifa

اعتقد انا فهمت اية الى ملخبطك

الجزء الكويتش العلوى الى بيشقق دة فى البطحات الجديدة بيبقا نازل لتحت اوى
هيقب لفوق لما تركب البطاحة و العربية تنزل على الارض

أيوة هو ده اللي كنت عايز أعرفه
أنا كنت عند حداد علشان أوريه قطعتين الكاويتش المدورين علشان مشروخين من الجنب وقاللي البطاحتين عايزين يتغيروا ، ولما جيت أشتري اداني قطعتين مدورين فيهم رمان بلي في النص ومفيش القطعة السودة البارزة اللي في النص ولا الغطاء ولما سألته قاللي بييجوا كده بس !!!!

وشكرا يا أستاذ شريف على المعلومة الحلوة دي كنت هارجعهم قبل ماروح للحداد علشان مش كاملين ههههههههههههه

لكن هل ليهم تأثير في مشي العربية واتزانها ولا لأ ؟

أنا لما غيرت الكاويتش الأمامي بألاحظ إن ساعات مش دايما العربية بتمشي سنة يمين وبتعدلها شمال لوحدها من غير مالدريكسيون بيتحرك بيكون ثابت. ولما باخلي حد يبقى معايا علشان أوريه الحكاية دي مش بتظهر علشان بتبان كتير لو طلعت فوق ال 90 وملاحظ لما باحرك الدريكسيون يمين ولو حركت نفس السنة شمال حركة اليمين بتكون حركت العربية أكتر.
معلش مش عارف أعبر علشان دي حاجة غريبة ومظهرتش غير بعد تغيير الكاويتش وبعديها كان زميلي بيجرب العربية وأكلنا مطب والراجل بدل الجنط وأنا مش فاكر ترتيبهم ، ومش عارف سبب للمشكلة دي من الجنط ولا الكاويتش ولا المطب !!!

الموضوع: ما هي علامات تلف البطاحة ؟

LinkBack

أدوات الموضوع

عرض

ما هي علامات تلف البطاحة ؟ - انشر الموضوع فى :

-

-

-

-

-

-

-

المواضيع المتشابهه

علامات نقص زيت الفتيس

علامات الـ c3

علامات ظبط التاكيهات ؟؟

علامات الترقيم

علامات المرور

الكلمات الدلالية لهذا الموضوع

المفضلات

المفضلات

ضوابط المشاركة