الموضوع: صوت تكتكه لما برفع رجلى عن الدبرياج والعربية مش بتدور

السلام عليكم :
عربيتى هوندا سيفيك 92 مانيوال ، رحت بيها مشوار ولما رجعت بركنها وبرجع لورا فجأة سمعت صوت تكه عاليه قوى وتكتكه متكرره فبطلت العربية فورا ، وبختصار اكتشفت المشكلة و هى كالأتى : العربية لو دورتها وانا دايس على الدبرياج بتدور تماما و طبيعى جدا وصوت الموتور تمام لكن لو رفعت رجلى من على الدبرياش حتى لو الفتيس ممور (مش واخد غيار) بسمع صوت تكتكه بترج العربية وطبعا العربية مش بتتحرك من مكانها وبحس بالرجه دى فى عصاية الفتيس ، لكن لو دست دبرياج تانى الصوت بيروح ويرجع صوت الموتور تمام ، منتظر رأى أهل الخبرة ، لكن رجاء الرد بسرعة .

المشكلة طلعت بسبب ان الكوبلن الايمن نطر من الفتيس ، الميكانيكى ركب وردة تخينة لكن برضو ناطر ، قام مركب كوباية للفتيس اطول و دخل الكوبلن فيه كويس ، المهم دلوقتى اللى خلى الكوبلن نطر اكيد ان الشاسية او العجل فتح ، رحت لميكانيكى تانى قالى شوف سمكرى كويس و هوا هيظبطلك العجل خاصتا ان دلوقتى العربية بتحدف شمال بشكل ملحوظ ، منتظر راى اهل الخبرة :)