اية رايكوا يا شباب فى الفكرة دى الواحد يجيب عربية تانية ؟؟؟
انا فكرت فى فكرة انا اجيب عربية تانية تكون بيجو 504 او بولونيز مثلا او 132 وتكون دى العربية الى امشى بيها فى القاهرة ويحصل فيها اى حاجة بقى مش مهم وعربيتى النوبيرا اخليها امشى بيها بليل او للسفر مع العلم ان النوبيرا موديل 2008 وانا اساسا اتعلمت عليها السواقة عشان مكنتش لاقى عربية مستعملة حلوة ووالدى قالى بلاش المستعمل وقرفة بس انا زهقت من الى بيحصل فى الشارع ولسة ميكروباص عشة كسرى الاكصدام الامامى وحك الرفرف وكمان لو جيت اركن فى حتة مش بعرف عشان مبحبش اسيب العربية ممورة للسايس لان بنسبة 90% فى المية السايس بيحك العربيات فى بعض وبحس ان الناس مستقصدانى انا بالذات وانا سايق ناس قالولى عشان العربية جديدة وانا صغير فالحقد بيشتغل انا لسة سواق تاكسى شايف قدامى بلعتين على اليمين وهو ورايا على الشمال وادتلة اشارة عشان اروح شمال راح حارق عشان يلبسنى فى البلعتين بس انا اتعصبت رحت حارق وكاسر علية جامد كان هيشلى الشنطة انا اسف طولت عليكوا بس اعمل اية زهقت وقولى اية رايكوا فى فكرة العربيتين دى ؟؟؟؟
