الموضوع: اية رايكوا يا شباب فى الفكرة دى الواحد يجيب عربية تانية ؟؟؟

حقد اية يابنى دى نوبيرا لوكانت مرسيدس ولا بى ام كنت فكرت تسيب البلد عشان مشمن مستواك .

____________________
- لقد خالفت القاعدة رقم (13) من قواعد المنتدى لذا يتوجب حصولك على (إنذار) مع تخفيف العقوبة بعدم تفعيل الإيقاف لمدة اسبوع.

يرجى مراجعة قواعد المنتدى

(إ.م.2)

الراجل بيقول علشان العربيه "جديده يعني زيرو " مقلش علشان العربيه "فاخره جدا"
وفعلا في ناس عندهم الحقد ده

معلش ياشباب براحة على الراجل
(اولا يؤخذ عليك كلمة حقد اصلها فى الاول وفى الاخر نوبيرا دى حتى اتعملت تاكسى كتير منها دة بنسبة لكلمة حقد )
بنسبة لفكرتك انا مش بشجع الموضوع دة الا فى حالة واحد انك تكون مشترى عربية غالية جدااا يعنى مثلا تعدى نص مليون جينة وفعلا خايف عليها من الشارع والزحمة الصبح وعايز تخليها بس لمزاجك فى الحالة دى ممكن اقولك اوك لكن غير كدة هتطلع اكيد كسبان
.................
بس انا فهمك ههههههههههه كلنا كونا كدة اول ماجبنا عربية كونا خايفين عليا انا عن نفسى اول ما اشتريت عربية كان عمرى 19 سنة وكانت ماذدا 323 وفى اول يوم كانت صعبان عليا اطلع الشقة وسبها لوحدها فى الشارع ههههههههههههه وصحيت من الساعة ستة الصبح وطلعت بيها
انا فاهم انتا بتقول عايز تجيب عربية عشان خايف على عربيتك لكن اصبر شوية كلها كام شهر وقلبك يجمد على العربية وتخوش بيها مصارعة معا بتوع الميكروباظات والاتوبيسات
متزعلش من الاخوة

ياباشا . انا حاسس بيك . وعايز تجيب عربية من الجامدين. زى 132 عشان تستحمل البهدلة . لكن ملوش لزمة هتتعود ان شاء الله ع الجديد وهتحارب بيه.

على فكرة انا لما بنزل القاهرة . ببهدل بتوع السرفيس بس بالعقل .

والجرئة دى اخذتها عن والدى لانه اصلا من مواليد القاهرة. ولما كان بيسسوق وانا جانبه كان بيهبلنى. بس بقيت جامد زية. ولما بنزل القاهرة بظبط المسائل والغرز وكدة .

لو عايز تتعلم الجراة فى السواقة هات عربية تانية اى كلام علشان متبقاش خايف عليها بس متكنش عربية هلكانة وتتعبك و تخليك كل يوم عند الميكانيكى و لما تتعلم الجراة ابقى بعها و استعمل النوبيرا وكدة مش حتخصر كتير و حتصون النوبيرا