السلام عليكم

حد يا جماعة عدى عليه موضوع ان البوابة بتاعت بولو 98 بتسقط الكود بتاعها

انا البوابة عندى كانت بايظة وجبت بوابة جديدة وتمام ركبت وزى الفل وقرت على الجهاز واتكودت واتعملها (basic setting ) وكله تمام
بعدها بأسبوع او اقل بدات العربية تبطل منى وانا ماشى وبتبقى سخنة وكله تمام وبهدى مثلا او حاجة تبطل ادورها تدور وتبطل لو مش حاطط رجلى على البنزين
روحت للميكانيكى تانى حطها على الجهاز لقاها عايزة (basic setting ) تانى عملهولها ومشيت تمام اليوم ده وتانى يوم نفس الموضوع بحذافيره
مش فاهم بقى فيه ايه وهو كمان
هو بيقول ان العيب فى البوابة روحت لبتاع البوابات قولتله انا عايز بوابة جديدة وحادفع تمنها لما حكيتله قالى دا مش عيب بوابة دا عيب فى السلك اللى داخلها غيره وحاتدعيلى
فأيه صحة الكلام ده بالظبط عشان الموضوع متعب جدا للاعصاب انى اهدى فى ملف او اركن وتبطل منى كل شوية