لقيت الكبوت بتاع ال 132 بيتنشر ادامى وانا فى زهول
السلام عليكم ورحمة الله وبركاته
انا ياجماعة منا الزقازيق .وبصراحة الزقازيق عادت لاتطاق من كتر الزحمة الاجرامية . تكسيات وسرفيس وملاكى وموتسكلات بتطلعلك من تحت الارض وانت ماشى.
احب انصح كل عضو من اعضاء نايل موتورز ياخد باله . ويتعلم من الموقف الاجرامى اللى حدث لى .
كنت ماشى فى شارع المحافظة وركنت ع اليمين نزلت ناس صحابى عند (مول المعلمين) المهم انا اصلا كنت عايز الف عشان اروح الحسينية. طبعا رجالة المرور اللى عايزين ال...... حاطين فى التقاطعات الشمال واليمين مصدات حديد . عشان متعرفش تدخل وتلف . لانك لايمكن من الاصل هتعرف تلف فى شارع رئيسى . المهم اول شارع مفتوع شمال (الشارع المقابل لشارع المحاريث والهندسة) دخلت منه .
كان داخل امامى عربية نص نقل اللى صندوقها حديد ممحترم . وهى من غير اكصدام(الحمد لله انه من غير اكصدام)
المهم المفروض الافندى ينجز ويدخل عشان ده شارع رئيسى وماهنسدق نفلت فى شارع فرعى . وانا داخل وراه .ممكن اكون غلطان نوعا ما .مع العلم انى بأخد بالى من موضوع انه يجب ان أخذ مسافة بينى وبين اى سيارة امامى .حتى لو حنطور . لان لابد ان تأخذ حزرك دائما.
المهم الافندى لا مش يكمل ويمشى على طول لا.
راح واقف وانا وقف بالطبع خلفه مسافة 1.5م .
قلت اكيد مستنى عربية فى المقابل هيعديها.
او واحد ماشى على رجله كدة عادى يعنى.
اجارك الله من اللى حصلى.
رجع مرة واحدة ع الكبوت ولقيت الكبوت
اقسم بالله كان بيتنشر بالصندوق بتاع العربية الحديد.والبوية بتتنطور امامى . والله لو عربية من الجديدة كان قطع الكبوت نصفين .
ودى صورة الكبوت بعد مانزل من على العربية عشان يبدأو يظبطوه.
http://img525.imageshack.us/img525/2...2008253yf2.jpg
http://img368.imageshack.us/img368/3...2008254og4.jpg
وستر ربنا ان العربية مكنش ليها اكصدام خلفى . لان لو كان له اكصدام كان فرتكلى الشبكة والفوانيس الاربع.
المهم نزلت وانا فى حالة هياج غير طبيعى .وانا كان ورايا محاضرة فى القانون الدولى. طبعا يولع ام الدرس ع اللى عايز يتعلم.
نزلت وقلت للراجل ينفع كدة .هاخد منك اية ان شاء الله.
حسيت ان صوتى وصل (موقف المنصورة) المهم الراجل قالى اللى انت عاوزة.
قلتله نطلع ع السمكرى فى العصلوجى.
طبعا كتبت رقم العربية ع الموبيل وقلتله ورايا.
ودنه ماشى ورايا وانا مراقبه فى المرايا.
واتصلت بالسمكرى قلتله جايبلك واحد خبطلى العربية وجايلك.
قالى مستنيك .
رحنا والبوهيجى قال انا عايز كذا فى دى .والسمكرى لانه حبيبى كان هيشمط الراجل.
لولا ان فى واحد باشا محترم اتدخل كان معاة 132 بوكس عمل معاها حادثة بردو. الراجل اتدخل ونزل السعر مع البوهيجى .
والراجل اللى خبطنى اول عن اخر. دفع 60 جنية واستلفهم من اللى كان معاه.
والراجل المحترم قالى مش مشكلة فاك شيل انت20 30 جنيه قلبته خلاص.
قلتله انا لميت نفسى ومتصلتش بحد لامباحث جنائية ولا مرور ولا ( احمد مشهور) . لان الراجل اللى خبطنى قالى اللى انت عايزة.
المهم الراجل قالى انت متراضى قلتله روح الله يسهلك.
بس انا ماشدتش لانه كان غلبان وعلى باب الله.
وشركة النساجون اللى فى القليوبة مش هتدفعله حاجة.
المهم لقيت الراجل اللى كان معاه. فتح بوزة .
وبيقول انت كنت لازق وراه ليه.
كنت.... قلتله وانت مش معاك مرايات تبص وترجع عليها ليه. ولا الشارع على حسابك مفيش الا انت اللى ماشى فيه.
المهم عدت على خير.
واقسم بالله انى تقريبا دفعت فوق ال 60 بتوع الراجل 60 ج ومكنتش حاسبت السمكرى . لانه جدع قالى حاسبنى على اول الشهر.
والله راجل جدع وايده تتلف فى دهب. ومابيدقش على حاجة خالص . وسعات بعمل الحاجة ببلاش.
مع العلم ان مع 132 بيضاء اللون