مشكلة محيراني واتمني مساعدتكم ضروري

**Adel.nady** · 09-02-2019 08:37 AM

لو سمحتوا انا معايا سوزوكي فان
ومن فترة فكيت المساعد الشمال الامامي
غيرت البطاحة بنفسي ومن بعدها
لما ببص للعجلة الشمال من وش العربية بلاقيها فاتحة لبرة من فوق شوية يعني فيها كامبر موجب ولما ابقي ماشي علي سرعة بحس ان العربية بتميل
لتحت من الناحية الشمال قدام بس يعني بتهبط لتحت من ناحية العجلة بس اللي اتفك منها المساعد
وده قالقني اوي خصوصا ان السوزوكي اصلا ثباتها ضعيف
ورحت لكذا واحد بتاع زوايا يظبط الزوايا ويقولي مفيهاش حاجة
وواحد بتاع عفشة هز العربية كدة وقالي ده عيب المساعد بيحجر الصراحة انا مقتنعتش بكلامه علشان
المساعد ملحقش يبوظ دي العربية معايا من الزيرو وعاملة 15 الف كيلو بس ومكانش فيها الحكاية دي قبل ما يتفك
واللي محيرني ان العربية وهي واقفة بتبقي موزونة مش مايلة
فمش عارف اعمل ايه افيدوني مع العلم ان المساعد
مفيهوش رجلاش يتظبط منه الكامبر
ولما قولت لبتاع الزوايا نعملها زرجينة قالي مش هتنفع الزرجينة في السوزوكي
ومن يومين لقيت الطارة اتلوحت لوحدها ومبقيتش في النص
لما تبقي العربية ماشية عدل بقيت ملووحة شمال
هل ممكن تكون السوستة ضعفت لما اتضغطت بالزرجينة وقت تركيبها في المساعد ولا عيب مني في التركيب واسف ع الاطالة

**Adel.nady** · 10-02-2019 01:01 AM

هل من مُجيب ؟

**borio1704** · 10-02-2019 07:03 AM

غالبا المشكلة في التركيب أو في البطاحة..

حط رايما قاعدة وانت بتتعامل مع العربيات...
أي حاجة فيها يمين وشمال لازم يتغيروا مع بعض.. ما ينفعش تغير ناحية وتسيب ناحية.

...