استفسار بخصوص شراء موتور مياه من اسكندرية

السلام عليكم.. انا كنت عاوز اشترى موتور مياه كويس انا ساكن فى الدور التالت وروحت امبارح سالت على المواتير لقيت فيه ماركة اسمها بيدريلو بيقولولى ايطالى وعليه ضمان ٥ سنين والبياعين عمالين يشكروا فيه بس انا مش باخد على كلام البياعين هل انا فى الدور التالت محتاج حصان ولا نص حصان انا كنت عاوز اجيب حصان بس بيقولولى كفاية نص بس خصوصا ان المياه دلوقتى بقت ضعيفة جدا بعد ترعة المحمودية وكنت بكلم صاحبى اساله قالى لا حتلاقيه صينى ومكتوب ايطالى فكك وهات كالبيدا نص حصان بس اضمنلك انا سالت على الكالبيدا نص حصان ب ١٨٠٠ ل ٢٠٠٠ والحصان ب ٣٥٠٠ والبيدريلو الحصان ١٩٢٥ ل ٢٠٠٠ وانا مروح فى المواصلات حد نصحنى قالتى هات لينز حلو مقارب للكالبيدا وسعره فيه فرق عن الكالبيدا اللينز حصان ب ٢١٠٠ انا مش عارف اجيب ايه وايه الاحسن وكام حصان ياريت تفيدونى