معلش يا جماعة الكلمة دى سمعتها فى اكتر من فيلم و قريتها كمان هنا فى المنتدى , و لأنى عديت التلاتين (يعنى عجوز ) فمش عارف معناها ايه يا ريت تفهمونى معناها ..
عرض للطباعة
معلش يا جماعة الكلمة دى سمعتها فى اكتر من فيلم و قريتها كمان هنا فى المنتدى , و لأنى عديت التلاتين (يعنى عجوز ) فمش عارف معناها ايه يا ريت تفهمونى معناها ..
سيس كلمه ممكن تمشى وحش او بيئه او واحد مش راجل وافهم انت عكس راجل ايه بقى معناها على حسب الموقف يعنى ويارب مش اخد انذار لانى بوضح معلومه مش اكتر
معاناها فرفور او مش راجل اوى يعنى :)
مش عارف هى وحشة ولا حلوة
هى نص نص :)
ههههههههههههه لا انا مش خايف يا باشا وفداك والا يهمك بس المهم تكون انت عرفت ايه اللى عكس راجل ديه اصل ليها كذا معنى ومحيره شويه واهم حاجه انك كبير بس عاوز وحابب تساير العصر انت راجل برنس 100 100 وتقبل تحياتى
مش راجل ازاي يا جماعة ؟؟!!
هو سيس يعني راجل
بس مش متعصب
هههه
يا جماعة انا شفت في المنتدي العجب معقول مش عارفين يعني إيه سيس و بوسي في الموضوع التاني تقول مشتقة من كلمة sissy و ميزة يقولك دي بتتقال عاللي بيصطنع شخصية تانية قدام البنات .. ينفع كدة ؟ منظرنا إيه قدام مختار الصحاح .
أولاَ إحنا مش بنشتق كلام من لغات تانية لأن إحنا ناس original
و اللي بيصطنع شخصية تانية قدام البنات هو "الشنحف" و ليس "السيس"
الأصل التاريخي للكلمة هو الشخصيات الكارتونية اللي كانت في أفلام الأبيض و إسود و تجسد شخصية رجل إقطاعي ذو أصل أجنبي و عمال يعذب الفلاحين " فلاح سيس خسيس أدب سيس خاف ما إختشيش"
معقول مسمعتوهاش في أي فيلم قديم !؟
ثم تناقلتها الأجيال و كل جيل يراها بمنظوره الخاص لحد ما تبلور معناها أخيراَ .. فالإقطاعي كان يري أن السيس هو اللي مبيعزقش الأرض كويس بس بما إن مفيش إقطاعيين و مفيش أرض دلوقت فا أصبح السيس شخص أخر .
و معناها مش فرفور أو أي حاجة بس هي إستخداماتها بتكون في منطقة إنك عايز تعبر إن فيه حد أو مكان طلعوا مقلب و أي كلام .
مثال : ده طلع شاب سيس .
انا مروحش المكان السيس ده .
صيغة المبالغة من سيس هي (سيسان) و تستخدم في شخص أو مكان تجتمع فيه صفات قمة في السيس .
مثال : دي عيااااال سايسااانة تنين .
انا دخلت السبوتاية من هنا و لقيت الجو سيس (مع تشديد الياء في سيس .. مش سيس العادية .. ده الفعل منها)
يقال إن أول واحد قال الكلمة دي و إستخدمها واحد إسمه محمود أشرف كان بيقعد في سفاري قبل ما داندي مول يفتح .. و في رواية أخري كان بيقعد في العمدة جامعة الدول .
يبقى خلاص بقى هاقولها و أمري الى الله
أدب سيس يعني ماعندوش أدب
فلما تقول ان الواد ده سيس وبس ...
يبقى ما عندوش ...و بس
ظبطوها بقى هي كده من الآخر
أيه ده يا جدعان..موتوريز الدؤلى يا اخواتى...مش ممكن ...ايه ده يابنى
مش باقولك علامة...دمتم زخراً للمنتدى
ولا حرمنا الله علكمم الغزير
و بعدين ان متأكد من صحة الرواية بتاعة محمود اشرف اللى بيقعد عند العمدة ديه...و لا بتنقل اى اخبار كده و خلاص!!
الكلة تقريبا مشتقة من كلمة خرسيس والكلمة دى كانو بيقولها الاتراك لما كانت مصر محتلة وسمعتها فى الافلام الابيض واسود على سبيل المثال ( على خرسيس) بس مع كدا بردو مش لاقيى لها تفسير محدد
اخوكم يوسف
:k48::k48::k48::k48::k48::k48::k48:
ايه ده يا محمود
علي فكرة انا لميت البيت كله يقرا الشرح الوافي ده :k48:
بجد احلي تعليق سمعته
كان حقك تدخل اداب لغة عربية كنت هتطلع مدرس هااااااايل
بس انت ظالمني علي فكرة مش انا اللي قولت انها جايه من Sissy
دي بيردي و الله حتي روح شوف بنفسك في الموضوع التاني:verygood:
ياجماعه الكلام ده كان زمان (سيس خرسيس )
ولكن سيس بتاعت اليومين دول جايه من سرسجى وطبعا فيه فرق بين سرسجى وسبرسجى (السبرسجى هو اللى بيلم السجاير من الارض وكده) اما السرسجى اللى يهمنا دلوقتى فاتطورت شويه وبقى اسم الدلع بتاعها عيل سرس (بكسر السين الاولانيه) ومع الايام بقينا بنقول عيل سيس
ومعنى سيس يامحترمين مش زى مانتو بتقولوا خالص
معنى عيل سيس اى انه عيل ملوش لازمه فى الحياه وتصرفاته تصرفات سيس وابسط تصرفات للعيل السيس انه مثلا يمشى فى الشارع ويعلى صوته على الاخر وهو بيتكلم او يشغل النغمات اللى حاططها فى الموبايل الحيله اللى معاه وسط المترو مثلا وتلاقيه حاطط جل فيانسيه بتاع بير السلم على شعره بالهبل وطبعا الاوصاف دى بتمشى جدا على شباب التكاتك ولما يكون قاعد على القهوه لازم يكون مقرفص رجله وياسلام لما يسلك الوساخه اللى بين صوابع رجله ولما يمشى فى الشارع لازم يفرك *** انتوا طبعا فاهمين قصدى
للاسف العيل السيس هتقابلوه فى كل مكان واى حته بس انتوا اللى مبتخدوش بالكم منهم عارفين ليه؟؟ مانا قلتلكم من الاول ملهمش لازمه فى الحياه
نسيت اقول بقى فيه اسماء تانيه للسيس
عيل شندويلى -شنتوفلى .....
معانا مراجع لغوية بالهبل ماشاء الله :d
الاخ مزاجنجيو الاخ موتورايزر مولعينها! :)
Motorizer
انت معدي
/m\
طب حد يعرف ان كلمة سيس دى اتعمل لها اعراب ..!!!
اه بكلم استاذ اعرفه من زمان وهو من فطاحل العربي وبالصدفة سمعنا شتيمة كده فانا قلت اما صحيح قليل الادب ..
فلقيت الاستاذ بيقولى اعراب الشتيمة دى !!!
يا نهار مش فايت .. الاستاذ انحرف وبقي يهيس بالنحو !!
قالى يابنى هنا فى المجمع اللغوى ولا مش عارف فين كده .. اى كلمة بتنتشر فى البلد وبكثرة لازم يكون ليها حاجات بلاغية كده علشان نتاكد ان كانت صح ولا غلط ...
والظريف بقي ان انا وهو قعدنا نجيب الشتايم اللى فى البلد كلها علشان نشوف اصلها ..
ياااااااه اول مرة اشوف سفالة مباحة !!!
واللى عايز يتاكد من اى كلمة ابعت له المعنى على البرايفت على طول علشان منرحش ( ابو غريب:verygood: )...
مختار ده اللى هو انا ولا ايه؟ :biggrin:
شكرا يا باشا على المعلومه
بس فى الافلام الاجنبى بيستخدموا الكلمه دى بمعنى واد مدلع كده ومش راكز :36_1_34[1]:
بس بتتنطق زى الكلمه اللى مكتوبه فوق دى ومش بوسى اللى قالتها
ربنا يخليك لينا يا موتو ديما كده واخد بالك من اللغه :coool:
ههههههههههههههه
ماتنسيش انك انتى السبب فى كل ده
فكرتى بالاستاذ العربى بتاعى لما قالى تم اضافة كلمة "قُدَّام" للغة العربية مع ان فى اصلا كلمه أمام فى اللغة :U_thin1[1]:
ماشاء الله رشقتي على طول انتي اول ماقال Sissy على تخلعي وتقولي بيردي هي اللي قالت طبعا عشان تبرئي نفسك :online2long::wicked::suspicious:
اهو على الاقل انا كنت عارفة معنى واحد من معانيها الأصلية الدور والباقي عليكي انتي مكنتيش عارفة معناها خالص :beee::beee:
انتي السبب فتحتي عينينا علي الكلام ده :girlsthink::k7::005:
:rofl4::rofl4::rofl4:
اوعي تزعلي مني انا بهزر ومحدش في المنتدى يشمت فيها انا وبوسي :friends: ماشي :whistling:
ايون كده لاقيت حد ينصفني ويؤكد معلومتي :k10:
هو عموما المعنى المرتبط بكلمة Sissy ده انا اللي قولته مش بوسي ياموتو
بس على فكرة هو برده يعتبر صح لانه فعلا بيتقال احيانا في الافلام الاجنبية
وطبعا انا بعد تعليقك وتوضيحك ده مقدرش اقول غير انك انت ادري مني ، ده طبعا بحكم انك زي ماسمعت بتدرس في جامعة خاصة وطبعا احتكاكك بالعالم بتاع الجامعات الخاصة ده (اللي انا شخصيا بعتبره عالم تاني خالص تحسه مش من مصر اصلا) خلاك تكون ملم بيهم وبحياتهم وبكلامهم كله فأكيد مصادرك هاتكون مختلفة :11:.
عموما انا بحس انك نافذتنا على العالم الاخر ياموتو بجد :girlsthink::girlsthink:
ردك بجد كوميدي جدا :k48::k48: