| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية alaabadr

    رقم العضوية : 207814

    تاريخ التسجيل : 27Feb2019

    المشاركات : 1

    النوع : ذكر

    الاقامة : المنصوره

    السيارة: فيرنا

    السيارة[2]: فيرنا

    الحالة : alaabadr غير متواجد حالياً

    افتراضي اسفسار بخصوص زيت فيرنا - Facebook Twitter whatsapp انشر الموضوع فى :

    hasad">

    لسه شارى فيرنا 2014 اتوماتيك
    غيرت زىت ماتور shell helix hx5
    هل دا كويس وامشي عليه 3000 كيلو ولا لا
    وزيت الفتيس ايه افضل زيت واحط كام كيلو
    وشكرا


  2. #2

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,839

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -


    اللي يقولنا كويس ولا لأ هو كتالوج عربيتك.. مش احنا

    الفيرنا نزل منها موديلات كتير (من 2002 لحد دلوقتي).. وتوصيات كتالوج العربية اتغيرت خلال المدة الطويلة دي..

    والأفضل دايما هو إننا نمشي مع التوصيات الأحدث...

    لو عايز كتالوج الفيرنا .. تقدر تنزله من هنا...ده النسخة الهندي اللي بتتجمع في مصر..
    Hyundai Accent.Verna 2009 - India.pdf
    (خد بالك: الكتالوج ده مفيهوش سيرة عن الأوتوماتيك لإن العربية بتنزل مانيوال بس في الهند.. بس لو عايز تفاصيل أكتر عن الأوتوماتيك في الفيرنا قوللي وأنا أجيبلك كتالوج تاني ليها).


    ودي صورة توصيات الزيت في الكتالوج في صفحة 131..



    مواصفات الزيت المطلوب حسب الكتالوج كالتالي:

    مستوى الجودة:
    مطابق لمستوى API SL على الأقل و ILSAC GF-3 على الأقل

    اللزوجة:
    والمفضل هو اللزوجات الخفيفة :5W-20 أو 5W-30 .. بشرط تكون مطابقة لمواصفة ILSAC GF-3 أو أعلى... وده لتوفير استهلاك البنزين.

    الكتالوج مدينا كمان بعض الحلول لو ما لقيناش اللزوجة المفضلة (5W-20 أو 5W-30) أو ما لقيناش مستوى الجودة المطلوب (ILSAC GF-3)، وقال إنه ممكن نستخدم اللزوجات دي:

    20W-50 أو 15W-40 أو 10W-30 أو 5W-30 أو 5W-20


    من التوصيات دي نعرف إن الزيوت اللي حضرتك عايز تحطها مش هي الأحسن لموتور عربيتك.. لسببين:

    1- اللزوجة دي (15W-50) مش مذكورة في الكتالوج..
    2- جودة الزيت مش مطابقة لطلبات الكتالوج .. خصوصا في حتة مواصفة ILSAC



    علشان أقدر أقوللك إيه أفضل زيت يناسبك .. لازم كمان أعرف شوية معلومات تانية...

    إيه أسلوب أستخدامك للعربية؟؟ يعني بتسوقها فين وإمتى ..
    طريقة سواقتك.. بتسوق بالهداوة ولا بتحب تقرص عالموتور؟؟ (القرص عالموتور معناه زيادة الـRPM عن 4500)
    أسلوب تحميل العربية .. يعني كام واحد بيركب فيها .. وبتشيل إيه في شنطة العربية؟؟؟
    ميزانيتك.. مستعد تدفع لحد كام في غيار الزيت في السنة؟؟


    حاجة تانية كمان....

    فعليا.. مفيش زيت بيتغير على 3000... ده كلام فارغ وأساطير الناس واخداها من أيام ما كان الزيت مالوش معيار ولا كان متطور زي دلوقتي... يعني كلام قديم قوي من 50 سنة..

    تغيير الزيت بيبقى أساسا حسب كتالوج عربيتك...

    وكتالوج الفيرنا بيقوللك غير الزيت كل 10 آلاف كيلومتر (لو بتسوق العربية بطريقة مثالية بالنسبة للزيت).. أو كل 5000 كيلومتر أو 6 شهور (لو بتسوق بطريقة شاقة على الزيت)


    عايز تعرف أكتر عن الموضوع ده.. أنصحك تدخل هنا:

    إمتى تغير زيت الموتور؟؟؟

    وكمان أنصحك تدخل هنا لو عايز تعرف أكتر عن زيوت الموتور..
    القواعد الذهبية لاختيار زيت العربية.... موسوعة مبسطة لأساسيات زيوت المحركات

    في انتظار ردك لاختيار الزيت المناسب..


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  3. #3

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,715

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    ينفع انا ارد على حضرتك معايا فيرنا واستخدامى نصه طرق سريعه ونصه داخل المدينه تقريبا وطريقه سواقتى هاديه اخرى 120 كسرعه وتسارع متوسط مبقرصش والتحميل على العربيه حسب الظروف بس حنفرض التحميل الاعلى 4 افراد ومكيف شغال ايه الزيت الموصى به فى حالتى

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر


  4. #4

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,839

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة rotanamasoud مشاهدة المشاركة
    ينفع انا ارد على حضرتك معايا فيرنا واستخدامى نصه طرق سريعه ونصه داخل المدينه تقريبا وطريقه سواقتى هاديه اخرى 120 كسرعه وتسارع متوسط مبقرصش والتحميل على العربيه حسب الظروف بس حنفرض التحميل الاعلى 4 افراد ومكيف شغال ايه الزيت الموصى به فى حالتى

    استخدم أي زيت واخد تصنيف ILSAC وبلزوجة 5W-30

    عندك زيوت كتير واخدة التصنيف...

    بس أسهل واحد تلاقيه بسهولة هو موبل1 x1 بلزوجة 5W-30


    وفيه حاجات تانية كتير غيره.

    والموضوع يعتمد كمان على ميزانيتك.. بس غالبا مش حتاخد أفضل حاجة لعربيتك ولاستخدامك.


    ...

    الصور المرفقة

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  5. #5

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,715

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    اقتباس المشاركة الأصلية كتبت بواسطة borio1704 مشاهدة المشاركة

    استخدم أي زيت واخد تصنيف ilsac وبلزوجة 5w-30

    عندك زيوت كتير واخدة التصنيف...

    بس أسهل واحد تلاقيه بسهولة هو موبل1 x1 بلزوجة 5w-30


    وفيه حاجات تانية كتير غيره.

    والموضوع يعتمد كمان على ميزانيتك.. بس غالبا مش حتاخد أفضل حاجة لعربيتك ولاستخدامك.


    ...
    حاله المحرك متوسطه قطع 106 الف كيلو كنت بفكر فى زيت التعاون التخليقى 5-40 بس خايف من البخر او التعاون الاصفر xpl-smوالموتور تم عمل شنبر له عند 104 الف كيلو هل ينفع اختار نوع من الاتنين مش فاهم نقطه ilsac وكنت بفكر اضيف مع اللى حختاره ايزى اكسترا بور لوب الازرق ممكن اعرف ايه الصح من التعاون او الصح تحديدا لو ماركه اخرى والصح فى اضافه الايزى

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر


  6. #6

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,839

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة rotanamasoud مشاهدة المشاركة
    حاله المحرك متوسطه قطع 106 الف كيلو كنت بفكر فى زيت التعاون التخليقى 5-40 بس خايف من البخر او التعاون الاصفر xpl-smوالموتور تم عمل شنبر له عند 104 الف كيلو هل ينفع اختار نوع من الاتنين مش فاهم نقطه ilsac وكنت بفكر اضيف مع اللى حختاره ايزى اكسترا بور لوب الازرق ممكن اعرف ايه الصح من التعاون او الصح تحديدا لو ماركه اخرى والصح فى اضافه الايزى

    على أي أساس حضرتك حكمت إن الموتور حالته متوسطة؟؟ هل عملت اختبار كبس؟؟؟ هل الزيت بينقص؟؟

    مسافة الـ106 ألف كيلو ما تعتبرش كتير على فكرة .. بس غريبة إن الموتور يعمل شنبر بدري كده!! هل كان ليها سبب معين؟؟

    الحالة دي تخليني أسأل عن طريقة سواقتك أكتر..

    هل بتنقل الغيارات قبل 2000 RPM؟؟؟؟ حضرتك ساكن في مكان فيه طرق طالعة أو نازلة؟؟؟ بتعمل إيه لما تكون عايز تعدي من عربية قدامك؟؟؟
    أخبار ثرموستات الكوعة إيه؟؟؟ وإيه نوع الزيت اللي كنت بتستخدمه (بالاسم التجاري لو تقدر)؟؟؟


    بالنسبة لنوع الزيت...

    مواصفة ILSAC مواصفة مشابهة لمواصفات API .. بس بتتميز عنها إن لزوجاتها خفيفة (أتقل لزوجة هي 10W-30)... بس في نفس الوقت بتدي حماية عالية للموتور وكمان ثبات عالي ..
    ونادر لما الزيت اللي واخد مواصفة ILSAC ينقص...


    بالنسبة للزوجة الزيت...
    واضح إنك قلقان من اللزوجة الخفيفة... لكن خد بالك إن زيادة اللزوجة زي ما ليها مميزات زي ما ليها عيوب...

    مميزات اللزوجة العالية هي ضمان وجود طبقة زيت تحمي الموتور أثناء التشغيل .. خصوصاً في التحميل الشديد عليه...

    يعني إيه تحميل شديد؟؟؟

    يعني أي حالة من دول تتكرر معاك كتير (أكتر من 50% من وقت السواقة):

    1- تحميل أوزان عالية في العربية يزيد عن 250 كجم (بالنسبة لأغلب العربيات الملاكي).. سواء ركاب أو شنط أو خلافه.
    2- القيادة الرياضية.. يعني اللي فيها قرص على الموتور مع الضغط الشديد على دواسة البنزين لحد ما عداد الـRPM يوصل لما قبل الخط الأحمر.
    3- القيادة على الطرقات الجبلية.. سواء طالع أو نازل (زي طرق جنوب سيناء مثلا)
    4- سحب أو قطر سيارات أو مقطورات
    5- تشغيل السيارة كسيارة أجرة أو دورية شرطة أو سيارة تجارية.. لإنها معرضة لأي موقف من الأربعة دول في أي وقت.

    لو ما كنتش بتعيش أي حالة من دول فمفيش داعي أصلا لزيادة اللزوجة.. والكلام ده ساري على العربية وهي جديدة أو قديمة.


    الميزة التانية للزوجة العالية هي انخفاض معدل نقص الزيت بشكل عام... لكن اللي بيفرق أكتر هو خامة الزيت ومواصفته...
    وده مش معناه إن الموتور لو حالته سيئة مش حياكل زيت.


    عيوب زيادة اللزوجة...

    1- المقاومة العالية اللي بتعملها جوه الموتور.. يعني الموتور نفسه مش عارف يتحرك براحته بسبب الزيت... وده بيستهلك طاقة من الموتور ويقلل استجابته
    2- ضعف الوصول للأماكن الضيقة خاصة في المواتير الحديثة..
    3- بطء التزييت نسبياً في بداية تشغيل الموتور .. خصوصا في الجو المتجمد..


    بالنسبة للإضافات.... فملخص كلامي فيها جملة واحدة... اوعى تحط إضافات

    التفاصيل في الموضوع ده: إضافات الزيوت... إيه الحكاية؟ (إضافات الزيوت... إيه الحكاية؟)


    بالنسبة لاختيار واحد من زيتين التعاون COOP1 5W-40 أو XPL-SM 20W-50

    اللي بدور عليه أول حاجة هو هل مواصفة الكتالوج الزيت موفرها ولا لأ

    الفيرنا ليها كتالوجين.. واحد كان نازل زمان من بداية العربية خالص.. وتوصيات الزيت هناك كانت متواضعة .. وكمان كان موسع الاختيارات بالنسبة للزوجة..

    الكتالوج الجديد (نزل في الهند لكن ما نزلش مصر للأسف) خلى توصيات الزيت زي بقية عربيات هيونداي بعد 2005.. وهنا مستوى الزيت المطلوب بقى أعلى وكمان مواصفة ILSAC بقت مطلوبة... وكمان اختيارات اللزوجة قلت.

    أنا شخصيا أفضل تمشي مع الكتالوج الجديد.. أنا حاطط اللينك بتاعه في الرد الأولاني بتاعي هنا..

    لو مشيت على الكتالوج الجديد.. يبقى لزوجة 5W-40 دي المفروض ما تستخدمهاش.. إنما ممكن تستخدم لزوجة 20W-50
    حبيت تمشي بالقديم.. تقدر تستخدم التعاون 5W-40 أو 20W-50... من ناحية المواصفات قريبين جدا من بعض..


    أنا شخصيا ما زلت أرشح لك زيت بلزوجة 5W-30 ويكون حاصل على مواصفة ILSAC.. حيغنيك عن وجع الدماغ ده كله.. وفيه أنواع أسعارها كويسة..

    اسأل على واحد من دول:

    زيت AISIN بلزوجة 5W-30


    زيت KIXX بلزوجة 5W-30


    وبردو فيه زيوت تانية كتير.. بس أتوقع تكون أغلى..

    لو حابب ممكن أحطلك بقية الزيوت وانت تختار اللي يناسبك منهم.

    ممكن تتابعني هنا https://boriobishi.blogspot.com/


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  7. #7

    الصورة الرمزية rotanamasoud

    رقم العضوية : 66795

    تاريخ التسجيل : 01Apr2010

    المشاركات : 2,715

    النوع : ذكر

    الاقامة : EGYPT-ALEX

    السيارة: LAST Tempra&CITROEN ZX

    السيارة[2]: Skoda favorit

    دراجة بخارية: لا

    الحالة : rotanamasoud غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة borio1704 مشاهدة المشاركة

    على أي أساس حضرتك حكمت إن الموتور حالته متوسطة؟؟ هل عملت اختبار كبس؟؟؟ هل الزيت بينقص؟؟
    الزيت بينقص خاصه مع زياده السرعه يعنى اسافر القاهره بسرعه 120 ينقص لتر لو سافرت بسرعه 90 مينقصش ومعرفتش الاقى تفسير علمى (اخر فكره كنت بشك ان لو البلوف بتتكتك ممكن تؤدى الى نقص الزيت بس محتاج حد دارس ياكد الفكره دى)
    مسافة الـ106 ألف كيلو ما تعتبرش كتير على فكرة .. بس غريبة إن الموتور يعمل شنبر بدري كده!! هل كان ليها سبب معين؟؟
    انا تانى يد من الزيرو 95 الف كيلو قد تكون المشكله مع المالك الاول وسبب الشنبر هو نقص الزيت
    الحالة دي تخليني أسأل عن طريقة سواقتك أكتر..

    هل بتنقل الغيارات قبل 2000 RPM؟؟؟؟ حضرتك ساكن في مكان فيه طرق طالعة أو نازلة؟؟؟ بتعمل إيه لما تكون عايز تعدي من عربية قدامك؟؟؟
    بنقل الغيارات عند 2500 لاكن لو الطريق تباطئ ممكن الار بى ام ينزل ل2000 واكسل واكمل دوس
    أخبار ثرموستات الكوعة إيه؟؟؟ وإيه نوع الزيت اللي كنت بتستخدمه (بالاسم التجاري لو تقدر)؟؟؟
    ثرموستات الكوعه كنت مركبه (صاحب العربيه كان لغيه)لاكن العربيه سخنت مع دخول الصيف وشيلته وحركبه تانى مع الشتاء والعربيه تستخدم ماء ملون من الزيرو ومكمل بنفس النظام
    جربت شيل الاحمر 20-50 خفيف نقص لتر فى مشوار للقاهره
    جربت كاسترول 20-50 نفس الكلام
    جربت شيل الاحمر 20 تقيل نفس الكلام
    جربت موبيل دلفاك 20-50 نفس الكلام الى ان فهمت ان نقص الزيت مرتبط بسرعه العربيه فمشيت فتره على الديلفاك لانه كان الاقل بخر حتى عملت الشنبر


    بالنسبة لنوع الزيت...

    مواصفة ILSAC مواصفة مشابهة لمواصفات API .. بس بتتميز عنها إن لزوجاتها خفيفة (أتقل لزوجة هي 10W-30)... بس في نفس الوقت بتدي حماية عالية للموتور وكمان ثبات عالي ..
    ونادر لما الزيت اللي واخد مواصفة ILSAC ينقص...


    بالنسبة للزوجة الزيت...
    واضح إنك قلقان من اللزوجة الخفيفة... لكن خد بالك إن زيادة اللزوجة زي ما ليها مميزات زي ما ليها عيوب...

    مميزات اللزوجة العالية هي ضمان وجود طبقة زيت تحمي الموتور أثناء التشغيل .. خصوصاً في التحميل الشديد عليه...

    يعني إيه تحميل شديد؟؟؟

    يعني أي حالة من دول تتكرر معاك كتير (أكتر من 50% من وقت السواقة):

    1- تحميل أوزان عالية في العربية يزيد عن 250 كجم (بالنسبة لأغلب العربيات الملاكي).. سواء ركاب أو شنط أو خلافه.
    2- القيادة الرياضية.. يعني اللي فيها قرص على الموتور مع الضغط الشديد على دواسة البنزين لحد ما عداد الـRPM يوصل لما قبل الخط الأحمر.
    3- القيادة على الطرقات الجبلية.. سواء طالع أو نازل (زي طرق جنوب سيناء مثلا)
    4- سحب أو قطر سيارات أو مقطورات
    5- تشغيل السيارة كسيارة أجرة أو دورية شرطة أو سيارة تجارية.. لإنها معرضة لأي موقف من الأربعة دول في أي وقت.

    لو ما كنتش بتعيش أي حالة من دول فمفيش داعي أصلا لزيادة اللزوجة.. والكلام ده ساري على العربية وهي جديدة أو قديمة.


    الميزة التانية للزوجة العالية هي انخفاض معدل نقص الزيت بشكل عام... لكن اللي بيفرق أكتر هو خامة الزيت ومواصفته...
    وده مش معناه إن الموتور لو حالته سيئة مش حياكل زيت.


    عيوب زيادة اللزوجة...

    1- المقاومة العالية اللي بتعملها جوه الموتور.. يعني الموتور نفسه مش عارف يتحرك براحته بسبب الزيت... وده بيستهلك طاقة من الموتور ويقلل استجابته
    2- ضعف الوصول للأماكن الضيقة خاصة في المواتير الحديثة..
    3- بطء التزييت نسبياً في بداية تشغيل الموتور .. خصوصا في الجو المتجمد..


    بالنسبة للإضافات.... فملخص كلامي فيها جملة واحدة... اوعى تحط إضافات
    سبب الاضافه ان البلوف بتتكتك والتكتكه دى بتدايقنى وتم عمل فلاش للزيت ونضفت كل البلوف فى الشنبر بنفسى

    التفاصيل في الموضوع ده: إضافات الزيوت... إيه الحكاية؟ (إضافات الزيوت... إيه الحكاية؟)


    بالنسبة لاختيار واحد من زيتين التعاون COOP1 5W-40 أو XPL-SM 20W-50

    اللي بدور عليه أول حاجة هو هل مواصفة الكتالوج الزيت موفرها ولا لأ

    الفيرنا ليها كتالوجين.. واحد كان نازل زمان من بداية العربية خالص.. وتوصيات الزيت هناك كانت متواضعة .. وكمان كان موسع الاختيارات بالنسبة للزوجة..

    الكتالوج الجديد (نزل في الهند لكن ما نزلش مصر للأسف) خلى توصيات الزيت زي بقية عربيات هيونداي بعد 2005.. وهنا مستوى الزيت المطلوب بقى أعلى وكمان مواصفة ILSAC بقت مطلوبة... وكمان اختيارات اللزوجة قلت.

    أنا شخصيا أفضل تمشي مع الكتالوج الجديد.. أنا حاطط اللينك بتاعه في الرد الأولاني بتاعي هنا..

    لو مشيت على الكتالوج الجديد.. يبقى لزوجة 5W-40 دي المفروض ما تستخدمهاش.. إنما ممكن تستخدم لزوجة 20W-50
    حبيت تمشي بالقديم.. تقدر تستخدم التعاون 5W-40 أو 20W-50... من ناحية المواصفات قريبين جدا من بعض..


    أنا شخصيا ما زلت أرشح لك زيت بلزوجة 5W-30 ويكون حاصل على مواصفة ILSAC.. حيغنيك عن وجع الدماغ ده كله.. وفيه أنواع أسعارها كويسة..
    سبب الخوف من اللزوجه المنخفضه ان بعد الشنبر ما ذال هناك نقص فى الزيت وتم عمل كل حاجه من احكام لجميع الاماكن اللى ممكن يحصل منها تسريب(يعنى الزيت بينقص فى 2000 كيلو نصف العلامه من المين الى الهاى)
    اسأل على واحد من دول:

    زيت AISIN بلزوجة 5W-30


    زيت KIXX بلزوجة 5W-30


    وبردو فيه زيوت تانية كتير.. بس أتوقع تكون أغلى..

    لو حابب ممكن أحطلك بقية الزيوت وانت تختار اللي يناسبك منهم.

    ممكن تتابعني هنا https://boriobishi.blogspot.com/


    ...
    الردود داخل الاقتباس

    مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر



 

المواضيع المتشابهه

  1. اسفسار بخصوص شركات النقل
    بواسطة ashraf122 في المنتدى المنتــــــدى الاجتمــاعى
    مشاركات: 2
    آخر مشاركة: 02-05-2014, 03:56 PM
  2. اسفسار بخصوص برجلة فى السيراتو
    بواسطة hosam181 في المنتدى كـــــيا
    مشاركات: 3
    آخر مشاركة: 29-06-2013, 07:02 AM
  3. اسفسار مهم بخصوص بولو 98
    بواسطة Mo Saleh في المنتدى فــــولكـــس
    مشاركات: 3
    آخر مشاركة: 13-12-2012, 10:33 AM
  4. اسفسار بخصوص رش سقف العربية
    بواسطة Mido_Vip في المنتدى ساحة المرور وموضوعات التأمين في مصر
    مشاركات: 14
    آخر مشاركة: 02-10-2011, 08:26 PM
  5. اسفسار بخصوص الكاوتش
    بواسطة mahmoudysf في المنتدى دايــو+شيفرولية لانوس
    مشاركات: 7
    آخر مشاركة: 29-06-2009, 03:27 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2