حدث مشكله في فيتيس اوتوماتيك في النقله الخامسه
العربيه كان صوتها عالي ومابتسحبش وفاجأه وقفت وكان فيه ريحه دخنه من الكبوت. بردت ومشيت عشره متر ووقفت وممكن تمشي تاني بعد ما تبرد شويه
التوكيل قال مشكله في النقله الخامسه ومحتاج كله تغير ب ٦٠الف.... نتصرف ازاي
ملحوظه لمبه ال check engine منوره ََوقالوا في الصيانه اللي فاتت انها بسبب لمبه الفانوس الخلفي
سؤال... هي لمبه الفانوس تسبب اضاءه لمبه check engine.. هل فيه لمبه alarm في حاله نقص زيت الفيتيس... ممكن اجابه حد خبره
العربية ماشية كام الف
نيسان صنى نازلة بفتيس اوتوماتيك 4 سرعات مش 5
ماشيه ١١١الف
النقله بتاعت الdrive
لمبة الشيك انجن مش هتنور غير لو فيه مشكلة ضخمة
مش مشكلة لمبة محروقة
وليها وضعين الاول انها تنور وتطفى ودى معنها توقف فورا والثانى اضاءة مستمرة ودى معناها توقف فى اقرب مكان للصيانة
فتيس الصنى 4 نقلات امامية وواحدة خلفية بياخد زيت نيسان Matic S او انا شخصيا بستخدم Wolf D3 وماشى بيه اكثر من 80 الف كيلو
المشكلة اللى عايز اعرفها من حضرتك بالتفصيل
1- مواعيد تغيير زيت الفتيس بالكيلووات
2 - هل تم تغيير الزيت فى التوكيل ولا فى مركز خارجى
3- هل تم تغيير فلتر زيت الفتيس او تنظيفه وتنظيف المغناطيس الخاص بجمع رايش التشغيل
للعلم التوكيل لايقوم بفك كريتيره الفتيس وتغيير الفلتر وتنظيف المغناطيس ويكتفى بتغيير الزيت اكثر من مرة
شكرا علي معلومه لمبه التشيك انجن
للاسف هم في التوكيل قالولي انها منوره عشان اللمبه بتاعت الفانوس الخلفي... هي مكنتش محروقه هي بتنور عادي.. بس هو ده اللي اتقالي... وده كان فيه صيانه ال ١٠٠الف شهر ديسمبر ٢٠١٨. وعطلت العربيه بسبب الفيتيس في ٢٨ فبربير ٢٠١٩.
كل الصيانات بتتعمل في التوكيل ومعايا الفواتير
وزيت الفيتيس تم تغيره في ال ٤٠الف و ال ٨٠الف
هل لو زيت الفيتيس نقص في ديسمبر او بعدها كانت لمبه التشيك هاتنور
الجدير بالذكر.. اني في خلال الشهر اللي فات تواصلت مع ناس كتير عندهم مشكله في فيتيس الصني بدايه من ٥٠الف ك ل ١٢٠الف كيلو في عربيات موديلات ٢٠١٣ لحد ٢٠١٧
ارجو الافاده لاني بصدد تغير الفيتيس في التوكيل خلال الاسبوع القادم لاني لم اصل لحل معهم لاني بره الضمان.. وبعد شكوي حمايه المستهلك تم تخغيض ٥٠٪من تمن الفيتيس ال ٦٠الف ج
لكن هل فعلا اللمبه اللي كانت منوره ممكن كانت بسببه مش بسبب لمبه الفانوس... ده سؤال مهم
لو فيه رقم تليفون للتواصل يبقي افضل
01155515834