الموضوع: مقارنة الأربعة الكبار: كورولا - سيفيك - لانسر شارك - مازدا 3

السلام عليكم ياشباب المنتدى الرائع ....
بالنسبة للمقارنة انا اختار السيفيك لعدة اسباب .
- ثبات وسرعة في التجميع عالية .
- شكل انسيابي .
- رياضية .
وانا كان معاية 318 كوبيه كابورليه , بس لما ركبت السيفيك لقيت ان السيفيك ادائها جميل مش زي ال 318 بس مقارنة بالاسعار وقطع الغيار السيفيك كسبت بجدارة .
بحب اوضح ان السيفيك الي معاية موديل 1993 SI اوتوماتيك وياما جريت مازدا وكورولا حتى الكيا سيراتو الكوبيه نقل كان ماشي على الايزي ترونيك واتخيط في شارع النصر وهو عامل اعلان ريدبول على عربيته وسبويلر وحركات .
عربيتي استوك من مجميعو وعامل عمرة للماتور وبرده بوزتة وبيسرب زيت , بس احب اوضح ان مينفعشي تقارن السيفيك بيهم وياما شديت مع bmw 316 و 318 كانت موديل 2003 على الدائري وزعل وخلاني افتحله الكبوت عشان يتأكد ان الموتور استوك .

بس انا في رأيي الشخصي ان المازدا شكلها جامد واحسن من الكورولا بكتييييير, وعربية عملية وفراميلها جامده جداً .

المازدا تكسب السيفيك في سرعة التوقف على السرعات العالية, وده رأيي الشخصي .

لكن الكورولا والشارك كويسين برده , الشارك شكلها جميل وواسعة من جوه بس على سعرها وقطع غيارها عندي سيفيك قديم احن من لانسر جديد , معاك ثبات وسرعة وانسيابية وشكل رياضي بيليق بيه التظبيط وبسعر مش عالي اوي ولا هو واطي اوي يعني متوسط هتقول لأ.... أكيد هتقول هااااات لول .
انا صحبي معاه شارك وزعل على ال na

انا معايا الشارك - موتور meivec
عمرى ما اشتكيت من موتورها - والحمد لله -
شارك = قوة & جمال & قطع غيار - عاوز اية تانى

السلام عليكم اولا انا لسة مشترك جديد في المنتدي لكن عندي خرة طويلة مع العربيات
بداتها من اول عربية فيات 131 واخر حاجة معايا السيفك 2008
الحقيقة كان معايا نيسان وميتسوبيشي اقدر اقول عربيات مش اد كدة خفيفة ومش ثابتة مع السرعات العالية والمازدا 3 مع اخويا صالونها ضيق ومش مريحة ولا فخمة من الداخل ومش قوبة في السحب التويوتا عمري ما ركبتها لكن اسمع ان فيها عيوب كتير خصوصا بعد موديل 2007
اما السيفك فهي من اكتر العربيات اللي ارتحت في سواقتها وثباتها لاني بسافر تقريبا كل اسبوعين من شارم للقاهرة والعكس مريحة جدا وبجيب 160 عادي جدا وبشغل مثبت السرعة
لكن دة ما يمنعش ان فيها عيوب واطية شوية والبرابريز الامامي بيعكس التابلوة واهم حاجة ما حدش بيفهم فيها غير توكيل وبعض الميكانيكيا القلائل
من وجهة نظري احسن سيارات الماني وييجي بعدهم الياباني سيفك تويوتا سوبارو

Honda Civic

الكورولا لانها من الاخر عربية العمر الطويل وبسبب اقلية مشاكلها وميزتها بعفشتها القوية جدا جدا ومتورها القوي وقطع غيارها ممتازة