الموضوع: مقارنة الأربعة الكبار: كورولا - سيفيك - لانسر شارك - مازدا 3

المشاركة الأصلية كتبت بواسطة ahmed21015

فورد فوكس افخمهم ومفيش حاجة بعد الفورد

يا راجل بالله عليك يعني فورد اصلا اوشكت على إعلان الإفلاس ثانيا اذا كان الأمريكان نفسهم بيفضلو الياباني بانواعه وادخل على اليو تيوب والياهو والمنتديات وشوف بنفسك نيجي احنا نبلع الطعم بتاع الإعلانات ونقول فوكس ؟؟!!!!!!

هيا صحيح كعربية بذاتها ممتازه وواخدة تقديرات عالية في التحكم على الطريق وواخدة نقاط عالية من المجلات الاجنبية بس برضو مين ميكانيكيا يفهمو فيها وشوف بنزينها وشوف اسعار قطع غيارها وشوف سعر اعادة البيع مش هقول اكتر من كده .

المشاركة الأصلية كتبت بواسطة mandooo

اشكرك يا باشا على ردك ولولا اختلاف الازواق لبارت السلع واكيد كل الناس مش زوقها واحد
لكن بالنسبه للمواتير احب احلفلك مع انى مش بحب احلف كتير
والله العظيم الكورولا الجديده اسرع من السيفيك .. انا سابقتها من كذا يوم من صفر الى 180
النهارده كمان وانا راجع من الجامعه وبعد 180 وهكتبها فى موضوع جديد
وتقبل تحياتى

انا كمان عن تجربة يا جماعة والله الكورولا في التسارع اعلى من السيفيك وجربو بنفسكم .

المشاركة الأصلية كتبت بواسطة delpo

حضرتك عارف الفرق بين الكورولا والسيفيك هشبهولك بمثل بسيط من الواقع ..

هو الفرق بالظبط بين موبايل نوكيا (كورولا) وموبايل سوني إريكسون (سيفيك) ...

السوني اريكسون عندو امكانيات احسن من نوكيا بس كل ما يعمل موبايل يطلع فيه عيب معين .. النوكيا امكانياتها عالية جدا ومقاربة للسوني بس بتصنع الموبايل ببساطة وبدون تعقيد فا بيطلع مقبول لكل الأزواق وفي نفس الوقت قليل العيوب.

ولكن انا شخصيا بعتبر السيفيك بشكلها ومواصفاتها الجديدة نقلة نوعية فعلا في تاريخ السيفيك .. اخيرا حاولو يعملو عربية رياضية مكتملة تنافس مبيعات الكورولا (مبيعات مش إمكانات) .. لكن برضه نسيو عيب خطير خطير خطير هو ان العربية واطية وبالذات على شوارع مصر وانا بنفسي سوقتها بجد كنت بتألم وانا بعدي على كل مطب العربية بتحك مع انها كانت لسه بتلين وبروقها .

نيجي بقى للكورولا حضرتك شايف ان في اي وجه مقارة لاستهلاك البنزين بين الكورولا والسيفيك طبعا الكورولا تكسب.

2- ايه رأي حضرتك في أسعار قطع الغيار .. طبعا الكورولا تكسب.

3- ايه رأي حضرتك في مقارنة سعر إعادة البيع .. طبعا الكورولا تكسب.

4- أيه رأي حضرتك في الصيانة بعد الضمان هل في مكانيكية بتفهم في السيفيك ؟؟؟؟ .. طبعا الكورولا تكسب.
5- أيه رأي حضرتك في معاملة الوكيل .. طبعا السيفيك تكسب.

6- ايه رأيك في المشاكل والأعطال الميكانيكية التقليدية .. طبعا الكورولا عربية ماشاء الله معروف عنها انها عربية خالية من الأعطال او زي ما بيقولو في المواقع الأجنبية trouble-free motoring .

7- ده بالإضافة لإن الكورولا 1600 سي سي و السيفيك 1800 سي سي فا طبعا تخيل انك بتقارن موتورين من فئتين مختلفتين والأقل متفوق كمان.


للأسباب دي انا اختار الكورولا .. احب اسمع رايك في الكلام الي كتبتهولك.

thanks ya basha 3ala radak al gamel...
ma3lomatek kolaha 3an keta3 al 3`eyar we se3er e3adet al bee3 we seyanet al corolla sa7 ...bas tas7e7 le ma3lomatak an al civic 1600 CC mesh 1800 we nafes fe2at al Corolla..
bas ana bel nesbaly al aham men e3adet al bee3 we keta3 al 3`eyar an al 3arbia tekon momyaza fe motorha we sa7baha we sor3etha beganeb emkanyatha we kamlytha we shaklaha ....de awlwyaty be3eed 3an se3er e3adet al bee3 we we as3ar keta3 al 3`eyar madam mawgoda mesh mohem alse3er...
we mesh 3aref keda bel nesbaly ana we kol as7aby kolhom ma3ahom almany we yabany kteer bas ma7desh ma3ah toyota 7`ales ...zay mat2ol al toyota mabt3gbnash 7`ales da ka ra2ey tab3an m3 al 3elm an kolena moktan3en anaha a3la mabe3at fe al 3alam we akbar sherka kaman.... bas zay mat2ol keda ben 7es anaha 3arbia sha3bia mahama 3`ely se3raha aw emkanyatha....

المشاركة الأصلية كتبت بواسطة mr_joooe

thanks ya basha 3ala radak al gamel...
ma3lomatek kolaha 3an keta3 al 3`eyar we se3er e3adet al bee3 we seyanet al corolla sa7 ...bas tas7e7 le ma3lomatak an al civic 1600 CC mesh 1800 we nafes fe2at al Corolla..
bas ana bel nesbaly al aham men e3adet al bee3 we keta3 al 3`eyar an al 3arbia tekon momyaza fe motorha we sa7baha we sor3etha beganeb emkanyatha we kamlytha we shaklaha ....de awlwyaty be3eed 3an se3er e3adet al bee3 we we as3ar keta3 al 3`eyar madam mawgoda mesh mohem alse3er...
we mesh 3aref keda bel nesbaly ana we kol as7aby kolhom ma3ahom almany we yabany kteer bas ma7desh ma3ah toyota 7`ales ...zay mat2ol al toyota mabt3gbnash 7`ales da ka ra2ey tab3an m3 al 3elm an kolena moktan3en anaha a3la mabe3at fe al 3alam we akbar sherka kaman.... bas zay mat2ol keda ben 7es anaha 3arbia sha3bia mahama 3`ely se3raha aw emkanyatha....

مستر جو شكرا على ردك واحترم رأيك لكن تصحيح للعلم فقط لا غير انا بقارن بين الكورولا والسيفيك موديل 2009 والموديل ده السيفيك مش نازلة غير 1800 سي سي لكن في 2008 كانت نازلة 1600.

واحب اوضحلك مثل بسيط بخصوص السيفيك مثلا انا هتكلم على دول زي الي انا زرتها بنفسي (الإمارات - السعودية - البحرين) واسأل اي حد عايش هناك محدش بيركب السيفيك ولا اللانسر إلا الهنود والباكستانيين وبسبب كده محدش بيرضه يشتري السيفيك ولا اللانسر قبل كده لانهم بيعتبرووها من العربيات التعبانة ولكن مع الشكل الجديد للسيفيك في 2008 الناس بالذات في الإمارات اقبلت بشكل ملفت على السيفيك وبقت مبيعاتها قريبة جدا من الكورولا وعلى فكرة الفطيم وكيل هوندا وتويوتا مع بعض في الإمارات ومبيعات فروع ابوظبي بتقول ان صحيح الكورولا متفوقة لكن بنسبة مش كبيرة جدا ودي اول مرة تحصل في تاريخ هوندا انها تقرب من مبيعات كورولا.

فا اظن ده معناه ان الموديل الجديد من السيفيك بجد حاجة محترمة وانا سوقتها بنفسي اكتر من مرة لكن صدقني الكورولا في التسارع تسبقها ون تجربة شخصية.

بس الحاجة الي مفرحاني ان الناس في مصر بدأت تفهم بجد وتشتري الياباني وتبعد عن الامريكي صاحب العمر القصير زي جنرال موتورز بانواعه وفورد والاوروبي كثير المشاكل مثل اوبل وسكودا .. فعلا الياباني يستحق كل مليم بيدفع فيه.