اانا روحت امبارح وشفتها وركبتها الحقيقة العربية أكتر من تحفة لكن الناس بتحذرني من قطع الغيار واسعارها والميكانيكية وسعر غعادة البيع فا أيه رأي حضرتك ؟
وعندي سؤال من عندي أخبار ارتفاعها عن الأرض ايه مقارنة بالكورولا لان طبعا السيفيك بتلمس في أي مطب؟
- قطع الغيار ... من سنتين او اكتر كانت فعلا مبالغ في سعرها نظرا لقلة الانتشار وده سبب الكلام اللي انت سمعته لأن اللي قالك بردو سمع وبيردد وخلاص ... لكن دلوقتي متوفرة واسعارها زي العربيات اللي في فئتها عادي بالاضافة انها معمرة جدا ، وليها مراكز خدمة متخصصة اشهرهم يس وسمارت كار
- سعر اعادة البيع بردو كان مش حلو من سنتين او اكتر .. لكن دلوقتي معقول جدا ... وعلى فكرة قليل اللي بيشتري العربية دي ويبيعها الا بعد سنين
- موضوع الارتفاع ... هي مش زي السيفيك ولا زي الكورولا ... هي وسط بينهم .. يعني لو مطب عالي برخامة هتحتاج تاخدو بالورب .. لكن في المطبات العادية مفيش اي مشكلة
بالتوفيق ان شاء الله
والله ما ضعـــيــف
يا استاذ احمد العربيه موتورها مش ضعيف...العربيه ممتازة جدا..وبتجيب 200...فى عربية موتورها ضعيف بتجيب 200 يا جدعان...العربيه شيك جدا ن جوه ...وتسارعها مهواش وحش...السوبارو 1500 سى سى وممتازة..الياريس 1300 سى سى وبتطلع من عربيات 1500 و1600...
موتور الشارك محترم جدا يا جماعة...وما ينفعش نقول عليه ضعيف
عيب الشارك من وجهة نظرى,,ان سعرها قريب من حجات افضل مثل الفوكس وغيره
يا جماعه العربيه الكرولا الخليجي
كل المواصفات رقم واحد ممتازه وكمان منتهي الرفاهيه مرايات تقفل اوتماتك وحساسات وجناح وجنوطوكاست mp3
والجير بتعاها ممتاز والسياره راسيه علي الأرض جدا
ومش واطيه علي الأرض وسريعه جدا تقريبا زي السيفك وطبعا اسرع واقوي من المزدا واللنسر شارك انا وصلت بيها لسرعه 212 كيلو متر ومنتهي الأمان والله يكون في عونها معايا
هبعتلكم صوره العدادhttp://www.facebook.com/photo.php?pi...&id=1809368793
thanksssss
3la fekra ana ma3aya civic 2009 w fe ma3loma 3ayez asala7ha lel gamee3 el 3arbya mesh 140HP hya 125hp w da mesh kalamy wla kalam el tawkeel el nasaaab da kalam el kataloog btaa3 el 3arbya ely gay ma3aha ......ama b2a el 140hp dool bytla3o mn el engine el 1.8 w3la fekra el 1.6 ma3mool ma7'soos l egypt w malysia w el middel east 3moman
.................w el kaman el toyota corolla mesh 142 hp ed7'ol 3la site el sherka bta3 toyota hatla2eeh 122hp only
b el nesba le a7' abo samra el mercedes w el bmw el 5000 cc bygybo 250 3alashan el top speed electronically limited mesh 3lashan el motor ma ygebsh aktar mn kda w f dubai byshylo el speed limiter w el 3arbya btgeeb ely enta 3ayzo el mercedes we el bmw bygebo 250 3la rpm mesh 3aly enta 3andak el corlla ely enta far7an beha btgeeb 212 km/h 2bl el red zone bel zabt w kaman el civic btgeeb 228 bardo 2bl el red zone belzabt w 3la fekra ana m3aya el honda..bs b3d eznak m td7'alsh 3arbyat zy el mercedes w el bmw ma3 3arbyat zebla zy el corolla w el civic l2n dy safaye7 zbala bel nesba l mercedes w bmw...w ma teb2aash t2ool 7aga w enta mesh 3aref sababha
الزميل العزيز ,,, حضرتك مش شايف ان كلمة زبالة دي صعبة شوية خاصة وانك مش بتتكلم على عربية خنفسة من السبعينات مع احترامي الكامل لملاكها, يعني الكورولا والسيفيك عربيات 2009 وفيهم كماليات عالية جدا ماينفعش يتقال عليهم الكلمة دي, وبعدين الراجل لما دخل المرسيدس والبي ام كان بيستشهد بيهم انهم اعلى فئة مش بيقلل منهم.
انا هحكيلك على صديق ليا مواطن إماراتي أبوه وعدوا لو نجح في الثانوية العامة بتقدير معين هيجيبلو عربية, وبالفعل لما نجح أبوه قالو أنو حجزلو عربية شيفورليه كورفيت, ومع ذلك صاحبي قالو لا ولغى الحجز وراح حجز فولكس فاجن جولف r32 الي هي 3200 سي سي مش عارف اذا كانت موجودة هنا في مصر ولا لأ, وده لأنو من صغرو وهو بيحب العربية دي وعاجباه ومبسوط بيها اكتر من اي نوع تاني وانا واحد من الناس كنت اقدر اشتري نيسان التيما او هيونداي ازيرا او هوندا سيفيك او جولف او شارك بس انا بحب الكورولا وعشان كده اخترتها لأن دي حالة خاصة جوا الواحد, وبجد لو ربنا كتبلي عمر وهشتري عربية جديدة بعد عمر طويل هجيب كورولا برضو, فا ماينفعش تقول على عربية زبالة لو هي كده عندك احتفظ برأيك لنفسك فقط.
ونورت
طب كرولا ستيب ترونيك ولا مانيول ولا اوتوماتيك؟
وانهو الافضل الخليجى ولا الجنوب افريقى؟ والاقى الخليجى فين فى اسكندرية؟
حسب رغبتك
المانوال اكيد كويس جدا و مفيهوش مشاكل وسحب و على عربيه 1600 هيبقا زى الفل
التيب ترونك ناس كتير بتشكر فيه و اكيد مريح و عملى بيوفر بنزين
الأتوماتيك اهو اويشن موجود بس المشكله انه غالى
الخليجى اتوماتيك بس مش فيها تيب ترونك و تقريبا مش فيها مانوال
الجنوب افريقى افضل من الخليجى ككماليات و كموتور و كشياكه حتى داخليه
الخليجى بيتباع فى اسكندريه عند عباد الرحمن اللى فى سابا باشا ( ده اللى انا اعرفه ممكن يكون فى حد تانى بيبيعه )
لو معاك 167 الف فكر فى السكودا الفانتازيا لأ نها فعلا جميله جدا جدا جدا
الموضوع سهل جدا سيفك _ كرولا _ مازدا _ شرك
22 صفحة علشان مقارنة بين 4 عربيات بتقلل الاستفادة من الموضوع نظرا للردود الغير متعلقة بالموضوع من شكر و تأييد و تهديد و تعصب،ما علينا انا مجربتش غير اللانسر بس لو هختار هختار سيفيك مع ان سعرها عايز يبقى 140 الف لاول فئة،الكورولا اكيد كويسة بس تصميم و شكل غير مقبول على الاقل ليا (منفوشة اوى) و الفوانبس عرضة للصدمات لانها بارزة جدا،و يا ريت الناس اللى بتقول موتور اللنسر ضعيف يحكوا لنا عن تجربتهم الشيقة،علشان الوهم المصرى ان عدد الاحصنة هو مقياس لقوة الموتور(شكرا للاعلانات)و دة بيخللى الناس تقول فيكترا 106 بس و اوكتافيا وحشة 105 و بي ام 316 115 دى الالانترا تقطعها ههههه !!فين العزم و الأحصنة عند أنهى عدد لفات موتور و كام % من الأحصنة بتيجى عند عدد لفات كام يبقى انهى موتور هيعيش اكتر؟؟المطالع هتتعب انهى عربية اكتر؟(انا معايا فكترا اه بتعطل و اه غالية فى الصيانة و ببلاش فى اعادة البيع بس اللى مساقش المانى يبقى لسة مساقش
........................................
.............................
الزميل العزيز,,
الأحصنة مهمة جداً واي شخص دارس هندسة ميكانيكا عارف ده كويس والي حضرتك بتقولو ان الالنترا تطلع منهم ده كلام صحيح بس مش عشان اي حاجة خالص غير ان وزنها اقل فقط, والمسألة بتتحسب العربية قدرتها كم حصان ووزنها كموده بالنسبة للتسارع, لكن لو هتتكلم عالكورولا الجنوب افريقي فا انا بأكدلك انها تطلع من الالنترا, الي نفس حضرتك تعرفو كمان وبيأكد على كلامك ان الفيرنا تطلع من السيفيك من صفر لحد 60 كيلومتر وده مش معناه ان الفيرنا احسن مع اني بحبها جدا وكان نفسي اجيبها بس ده لان العربية وزنها اخف بكتير.
اللانسر شارك وزنها تقل عن اللانسر البوما وده اخلى مافيش فرق كبير في التسارع بينهم وناس بتقول انها كمان اقل في التسارع من البوما,, وده كان غير الي الناس كانت متوقعاه ومستنياه مش اكتر لكن العربية ممتازة ومن تجربتي لا يعيبها الا صوت الموتور العالي لانو مايفيك طبعاً حالو كحال كل المتسوبيشي.
بالمناسبة لو سمعت عن عربية اسمها ميتسوبيشي جالانت دي نفس فئة الكامري والأكورد والألتيما ومع ذلك الفيرنا تطلع منها في الأول ....
حضرتك مثلا عايز تقول ان السي سي مش فارق يعني نحط موتور قدرتو 120 حصان في عربية لاند كروزر مثلا ومش هتفرق ؟؟!!!
اتمنى تراجع آرائك.
السيفيك ممتازة جدا وانا بحبها زي ما قولت في الاول لكن الحسبة الإقتصادية بالنسبة ليا تخليني اجيب كورولا عالمدى الطويل, والحاجة التانية السيفيك واطية قوي وبتحك في المطبات كتير ودي حاجة بتضايقني شخصيا وكل واحد حر في اختياره احنا بنقول آرائنا مش أكتر.
بالمناسبة انا ركبت الماني واوروبي كتير وانا في الأمارات والحقيقة هي اثبت من الياباني لكن انا اخترت اشتري راحة بالي وآخد خدمة كويسة واجيب اليايابني في النهاية بعد تجربة طويلة مع بي ام ومرسيدس وأودي موديل 1999.
الأخ العزيز delpo شكرا للرد و انا فاهم قصد حضرتك و ما أعنيه هو زى ما قلت حضرتك ان مش كل حاجة تسارع..على فكرة الجالانت دى عربية والدى سابقا و اخويا حاليا و ادامى كنا بنطلع من الاسترا الجديدة و الكورولا لان العربية دى مفيش زيها،و علىفكرة انا مفيش فى كلامى حاجة تفيد ان السى سى مش مهم!!!و مع اللى عشته فى ال406 و E200 1998 و جراند99 و باسات و برادو و فيكترا عربيتى مفيش مقارنة فى راحة البال مع المانى،و يا ريت تراجع ما كتبته علشان حاسس ان حضرتك قريت بسرعة،تقبل تحياتى..و شكرا لرد م / محمد مختار،رأى يحترم كالعادة .....
م/ابراهيم صبرى
انا ارشح التويوتا والهوندل وبعد كدة المازدا وبعد كدة اللانسر وكفاية نعومة وصوت التويوتا والهوندا وتكييف التويوتا طبعا وموتورها الجامد جدا
انا ارشح الهوندا سيفيك فى المقام الاول والمازدا 3
فى المقام الثانى
والكورولا فى المقام الثالث
والشارك فى المقام الرابع
كرولا تالت ازاى
واضح ان نجاح الكورولا واجع ناس كتير .. بجد بسم الله ماشاء الله عربية في منتهى الروعة والقوة الجبارة للموتور خاصة في الجنوب افريقي, وتصنيفها ثالثاً بعد المازدا 3 ظلم كبير, يعني مثلا المازدا 3 احسن من اللانسر شارك ؟!!!!!!!!! ده لا قطع غيار ولا صيانة ولا اعادة بيع ولا توكيل اصلاً, ولا استهلاك بنزين ولا ارتفاع عن الأرض اللانسر تكسب المازدا 3 في كل شيء ماعدا الفخامة والتقفيل من الداخل فقط.
وأصحاب اللانسر شارك بانفسهم الي تكرمو بالمشاركة قالو ان الكورولا افضل من اللانسر يبقى اما نقول تلات نسميه ايه؟!!
اجمل شيء موضوع اول وتاني وتالت ورابع ده من غير اي اسباب الي شرحنا فيها كتير قوي
أنا هقول خلاصة الموضوع من وجهة نظري بعد شهور من المداولات على صفحات الموضوع ده, من وجهة نظري كالآتي:
الكورولا في المرتبة الأولى عشان:
1- الموتور:
أقوى موتور في الأربعة (الجنوب أفريقي) ومحدش والنبي يقولي بعد ال180 سحبها بيقل عشان محدش هيسوق اصلا 180 في شوارعنا الا لو عايز يقابل وجه الكريم ومافيش اصلا تجربة تثبت انها اقل من السيفيك بعد ال180.
2- التوكيل:
أفضل توكيل في الأربعة وفقاً لما اتفق عليه الجميع حتى معارضي الكورولا ان تويوتاايجبت يعتبر افضل توكيل في مصر.
3- النعومة:
أنعم سيارة في القيادة وعلى المطبات وده عن تجربة شخصية وبشهادة الكثيرين من الي شاركو في الموضوع, ولذلك فهي الأنسب لشوارعنا المدغدغه, وسلسة في القيادة والمناورة مع حفظ نفس الميزة لباقي العربيات لكن الكورولا الأنعم على الإطلاق, ورغم انها الأنعم الا انها حققت درجة عالية من الثبات ما اشتكاش منها ولا مالك واحد للكورولا حتى الآن وبإمكانكم تراجعو قسم تويوتا.
4- الإرتفاع عن الأرض:
الأكثر ارتفاعاً عن الأرض بين الأربعة بالأرقام, ودي ميزة قوية جدا عشان شوارع بلدنا المحروسة الي المطبات فيها بتتعمل صب زي الي بيبني برج.
5- قطع الغيار (أسعار وأنتشار) :
طبعا كل مالكي الكورولا بيحمدو ربنا على أسعار قطع الغيار مقارنة ببقيت الياباني خاصة المازدا الي قطع غيارها اغلى بكتير و الانسر غالية برضو, والسيفيك اقرب واحدة في الأسعار للكورولا لاكن لازالت مبالغ في بعض أسعار قطع غيارها بشكل مستفز (بتكلم عن التوكيل), فما بالكم لو اتكلمت عن بره التوكيل التويوتا عموما قطع غيارها زي الرز وفي اي حتة وبأرخص الأسعار ومتشرة اكتر بكتير من اي سيارة اخرى بين الأربعة.
6- سعر إعادة البيع:
أكتر مالك عربية بيبقى سعيد وقت ما بيبيع عربيتو عشان يغير هو مالك التويوتا بشكل عام والكورولا بشكل خاص وده طبعاً لأنها السيارة الأعلى في الحفاظ على سعرها في السوق المصري اذا مادخلناش ال128 في المقارنة, ودي نقطة من أهم النقط لان الناس مش لاقية فلوسها في الشارع وحرام اشتري عربية فوق ال150 الف ابيعها بعد سنتين ب90 ألف مثلاً, والحقيقة المازدا والسيفيك من العربيات السيئة جدا في سعر اعادة البيع, وياريت اخوانا الي مش فارق معاهم الفلوس في اعادة البيع مايحجروش على الناس التانية الي بتجيب زيرو بشق الأنفس, في الرأي, انت مش فارق معاك الفلوس غيرك كتير جدا وهم الأغلبية يفرق معاهم جدا وبيتوجعوا لما يخسرو في اعادة البيع وده الطبيعي على فكرة, اما الي يقولك مش فارق معايا الفلوس وعامل فيها مليونير ايه الي دخلك في الفئة دي اصلا روح هات بي ام او مرسيدس او برادو او اي حاجة من الفئات العالية.
7- الصيانة والتصليح:
الصيانة داخل الوكالة على أعلى مستوى شأنها شأن السيفيك والشارك, لكن الفرق ان الكورولا لو خدتها لاي ميكانيكي خبرتو مش كبيرة قوي هيقدر يعرف فين المشكلة ويعالجها بعكس السيفيك والمازدا مثلا الي اصحابها بيعانو من الفتو بتاع الميكانيكية وممكن تراجعو قسم الهوندا والمازدا, وده معناه ان العربية بعد الضمان ما يخلص مافيش خوف عليها بعكس الباقي الي بستثني منو الشارك نوعا ما لان هناك العديد من الميكانيكية الي حفظو الميتسوبيشي عموما.
8- استهلاك البنزين:
مافيش طبعا كلام يتقال ولا مناقش لان كل الناس بما فيهم اعداء الكورولا عارفين انها الأكثر اقتصادية في استهلاك البنزين, والي مش فارق معاه يجيب 2000 سي سي بس مايقوليش مش مهم لان البنزين يعتبر قسط فوق قسط العربية للناس الي بتقسط, ويعتبر ميزانية لوحده للناس عموماً.
9-الإعتمادية:
مش هقول ولا كلمة غير : الكورولا الأكثر اعتمادية بدون مناقشة او تفكير او حتى لفت نظر.
10- الأمان:
باختصار 8 ايرباج و abs وepd وخمس نجوم في الأمان والباقي مخدش التقييم ده.
11- الكماليات:
الكورولا متوفرة بكماليات أكثر من جميع السيارات في المقارنة ومع ان الكماليات دي كلها ممكن تتركب خارج التوكيل في اي عربية تانية الا ان لما تكون نازلة كده من التوكيل له طابع وشعور خاص, ومهم للكثير من المستهلكين.
12-حتة فرفشة:
لو راكب كورولا فا ارفع راسك قوي قوي وافرح بعربيتك جداً لانك راكب العربية الأكثر مبيعا في العالم والدركسيون الي قدامك عليه علامة أكبر شركة لتصنيع السيارات في العالم العملاق الياباني تويوتا صاحبة الدائرتين البيضاويتين المتقاطعتين, بجد انا بحب احط ايدي كل شوية على الشعار قدامي في الدركسيون وببقى سعيد بيه جدا.
السيفيك في المرتبة الثانية عشان:
1- الشكل والتصميم:
السيفيك تتمتع بشكل رياضي جميل جدا ومبهر لكل من يشاهد تلك السيارة في اي مكان, هتخليك تبص عليها غصب عنك من التصميم الرياضي المبدع, ده غير بقى التابلوه الي بجد يحسسك انك راكب عربية تختلف عن جميع السيارات في فئتها وهي الأفضل بين الأربعة في الشكل والتصميم الداخلي والخارجي.
2- الثبات:
أثبتت لي السيفيك عن تجربة شخصة في سواقتها انها الأكثر ثباتاً بين العربيات الأربعة في معظم الطرق وده عامل مهم جدا بيخلي ناس تبعد عن عربيات وتختار عربيات تانية مخصوص عشانه, ورغم ان الفرق مش هيظهر للراكب غير بعد ال120 الا انو مهم جدا ومؤثر خاصة باحساس السائق بالقيادة الرياضية.
3- السعر والبرستيج:
ناس كتير بتحس طالما انها راكبة عربية اغلى انها راكبة عربية برستيجها اعلى ومافيش مانع بالفعل فهي بالتأكيد برستيجها اعلى خصوصا في ثقافة شعب بلدنا المحروسة, والسيفيك تستحق السعر المدفوع فيها لانها فعلا عربية محترمة من كل الجهات.
4- التميز:
السيفيك عربية مش منتشرة قوي فمصر وده بيخلي مالك السيفيك مميز جداً في الشارع بعكس الكورولا والشارك الي منتشرين بشكل كبير, ومع ان في ناس شايفة ان ده عيب مش ميزة, الا ان هناك مستهلكين بيختارو عربية غير منتشرة بهدف التميز رغم الصعوبات.
5- التوكيل:
الفطيم توكيل محترم جداً وهو اصلا توكيل اماراتي الجنسية لمالكه الفطيم الي ليه شهره وباع طويل في مجال السيارات في الإمارات, ومع شكوى الناس من ارتفاع تكاليف الصيانة وقطع الغيار الا ان الفطيم يظل أحد أفضل التوكيلات في مصر.
6- حتة فرفشة:
بيتهيقلي الشكل الرياضي والفخم للعربية ممكن يخدع الكمين في بعض الأحيان لان الأمين ممكن مايعرفش نوع العربية فايفتكر ان الي راكبها وزير ومايدلوش مخالفه ويقولو اتفضل يا باشا.
المركز الثالث الشارك والرابع المازدا عشان:
- الشارك شكلها من بره احلى لكن المازدا من جوه اجمل واشيك.
-الشارك سعر إعادة بيعها اعلى.
- الشارك استهلاك البنزين بتاعها اقل.
- الشارك اسهل في التصليح.
- المازدا رغم كمالياتها الأكتر لكن مالهاش توكيل بعكس الشارك.
-الشارك قطع غيارها ارخص ومتوفرة اكتر.
-المازدا افضل في التسارع والثبات على الطريق.
وكل سنة وانتم طيبين وعيد سعيد عليكم انشاء الله
و .... و ..... و عجبي
كل يغنى على ليلاه :lovlie02[1]:
ربنا يبارك للجميع
بصراحة ......Conclusion مفيد ومقنع
شكراً علي مجهودك
:S_thum1[1]::S_thum1[1]:
الكرولا رائعه طبعا بس الله ما شاء الله....وانا فى رأيي الشخصى انها العربيه اليابانى رقم 1...
ولكن كنت اتمنى انها تكون يابانى 100 فى 100
Corolla 1800 CC = 132 hp from toyota site
Corolla 1600 CC =80KW = 108.8 hp from toyotasingapore.com.sg site
Civic 1600 CC = 92 KW = 125 hp from honda.com.sg
about
1-Ground clearance Civic higher than corolla by 5 mm
2-Wheelbase Civic longer than corolla by 100 mm
ممتاز كلام سليم 100% لكن مش ده الموتور الي موجود في مصر الي بتبيعو تويوتا ايجبت اعلى من كده بكتير قوي .
ومكنش لازم تتعب نفسك وتدور على موقع تويوتا بتاع سنغافورة يعني اي بلد جنبنا هنا فيها نفس الكلام, تويوتا الامارات او السعودية او حتى الاردن .. حمدالله عالسلامة على كل حال وشكرا على مداخلتك
السلام عليكم
على فكرة اية المشكلة لما تكون 108.8 حصان ده مش عيب يعنى ثانيا على قكرة الموتور الى فى امريكا ال 1800 132 حصان يعنى الموتور 1600 اكيد اقل من 132 حصان هيكون المفرود فى حدود من 110 الى 117 حصان
على فكرة علشان بس متقولش بقول كلام لو عندك اى كتاب فى تصميم المحركات هتعرف عرفت النسبة دية ازاى
يا جماعة الأربع عربيات دول ولا كبار ولا حاجة دى أعفن عربات شفتها فى حياتى
بجد انا ماكنش قصدى أهانة لأى حد وعلى فكرة ردودكم بجد زعلتنى
واحب أقولك انى ما بقلش انكم راكبين ايه وانا راكب ايه
انا كنت بقول ان العربيات الى بتنزل مصر مش حلوة ولو مش مصدق شوف موتور الكروز الى فى مصر والموتور الى فى أى بلد تانية
حبيب قلبي طب ماتشوف الموتور الديوال الي هو بينزل مع الجنوب افريقي في اي موقع تويوتا اوروبي او في الاوريس, ولا هو لازم اجيب اقل فئة من الكورولا والي مختلفة عن الي بتتباع في السوق المصري واقول هي دي, ولو مش مصدق سوق بنفسك وجرب انا اتحداك ان الكورولا الجنوب افريقي تطلع من الفيرنا والسيفيك لا يا ريت بس تجرب وبعدها لو 107 حصان على وزن العربية ده وتطلع من الفيرنا يبقى انا المفروض ماتكلمش في العربيات تاني.
ملاحظة الخليجي فعلاً 107 حصان زي بتاعتي لكن الجنوب افريقي او المصري الي بيبعها التوكيل تويوتا ايبجب 137 حصان لان الموتور ديوال ده ان ماكنش عدد الأحصنة اعلى بس انا بجيب اقل رقم اتقال عشان منتناقش في دي كمان
اسلوبك المتميز ديما بالسخريه والتريقه اللى ملهاش لازمه :ma(30):
لو فى موتور 1600 بيعمل اعلى من 128 حصان من غير تيربو او شارجر يبقى من حقك تسجل براءة اختراع
بس عرفت من ردك التالى انك اتلخبطت :verygood:
الموتور ده مش فكره جديده
نازل فى الفيرنا والالنترا والسيراتو الجديده
وده اعلى قوة موتور فى ال 1600 سىسى
واعتقد مادام كلهم نفس التكنولوجى يبقى محتمل جدا اى واحده تطلع من التانيه لاختلاف الظروف (وزن - فتيس - سرعة نقل(خبرة السائق) - جنط - كاوتش - نوع البنزين - حالى الرشاشات - البوجيهات - .........)
شكرا يا مختار بصراحة محبتش اكمل المناقشة لان فى نوع من السخرية واحنا اكيد سننا معدى ال 21 سنة عموما اكيد يعنى الموتور الى بينزل امريكا مش هقوا احدث بس علا الاقل زية فى التكنولوجى ال 1800 سى سى 138 حصان اكيد ال 1600 سى سى اقل بحوالى من 15 الى 22 حصان وشكرا