الموضوع: عايز اغير الزيت ومحتار اغير ايه سيراتو ٢٠١٠ اوتو

مبروك العربية.. وربنا يعطيك خيرها ويكفيك شرها...

طبعا أكتر زيت يحافظ على عربيتك هو الزيت اللي مواصفاته زي الكتالوج أو أحسن منه...

كتالوج عربيتك موجود وتقدر تنزله من هنا:
KIA Cerato 2010 - Owners Manual (Global)

ودي توصيات زيت الموتور من الكتالوج:


حسب التوصيات دي.. الزيت المطلوب مواصفاته كالتالي:

مستوى الأداء:
تصنيف API SM على الأقل.. يعني الأفضل تحط زيت بمستوى أداء SN أو SN plus
وتصنيف ILSAC GF-4 على الأقل.. يعني الأفضل تحط زيت بمستوى أداء GF-5

اللزوجة:
20W-50 أو 15W-40 أو 10W-30 أو 5W-30 أو 5W-20

وقايل إن لزوجة 5W-20 هي المفضلة علشان توفير الوقود... وقايل كمان إن اللزوجة دي ما تستخدمهاش في الشرق الأوسط..

يبقى اللزوجة المفضلة عندنا هي 5W-30

إنما لو كنت من الناس اللي بتحب تقرص عالموتور.. فالأفضل تستخدم زيوت أتقل (15W-40 أو 20W-50)

على العموم.. أنا هفترض إنك هتستخدم العربية بالأسلوب العادي...

والزيوت اللي تمشي معاك كالتالي:

موبل1 x1 بلزوجة 5W-30...
الزيت ده محقق طلبات الكتالوج بالكامل (مطابق لمواصفات API SN و ILSAC GF-5 و ACEA A5)
https://www.mobil1-egypt.com/engine-...fications#tabs



زيت بترومين سوبر سنثتك A-1 بلزوجة 5W-30


زيت ليكوي مولي سبيشال تك AA بلزوجة 5W-30
Liqui Moly SPECIAL TEC AA 5W-30


زيت ليكوي مولي موليجين نيوجينيريشن بلزوجة 5W-30
Liqui Moly MOLYGEN NEW GENERATION 5W-30



زيت آمسويل OE
Amsoil OE 5W-30 Synthetic Motor Oil


زيت آمسويل XL
Amsoil XL (Extended Life) 5W-30 Synthetic Motor Oil



آمسويل سجنتشر (الزيت التخليقي الحقيقي الوحيد المتوفر بسهولة نسبيا ومن أساس PAO... والوحيد اللي تقدر تخليه في الموتور لمدة سنة وانت مطمن تماما)
ِAmsoil Signature Series 5W-30 Synthetic Motor Oil



كل الزيوت دي بلا استثناء هتحافظ على الموتور وتوفر في استهلاك البنزين وتحسن أداء العربية

ولو عند حضرتك أي استفسار آخر أنا تحت أمرك.


...