بص أنا زيك كدة بس بختلف عنك في أني مش بأمشي أدور على أي حد أشد معاه هيا مسألة المود اللي الواحد فيه لو مزاجي رايق بشد مزاجي متعكر ملوش لازمة أشد وفي غالب الأحيان الناس هيا اللي بتستفزني عشان أشد لأني مركب سبويلر ومنفخ وعتب وجنوط وديفل شكل رياضي يعني وأنا بسوق من وأنا عندى 12 سنة عربيات جيب يعني متمرس والحمد لله ودي أهم حاجة الحاجة التانية المهمة أغلب الأوقات اللي بشد فيها بكون في طرق كويسة يعني زي المعمورة مثلاً أو المنتزة فيها أماكن بردوا ممهدة مش طرق بايظه كلها بلاعات ومطبات و زيك بردوا الناس بتنزل من عربيتي وهما بيعيطوا وفي اللى بيجيب اللي في بطنة وفي اللي ينزل في الدواسة بس أهم حاجة أنهم عايشين , بالمختصر كدة .. تتحكم في عربيتك بنسبة 99% وتكون واثق في قدراتك وفي قدرات عربيتك بنسبة 99% وتكون سايق لا يقل عن 15 سنة تبقى تمام وخد بالك مفيش حاجة أسمها 100% أنسى .. الشد دة ممكن في ثانية أي حد ينتهي مش اللي سايق بس لا دة أنت ممكن تطلع على رصيف لا قدر الله تشيل 10 بني آدمين وتبقى ضعت بس طبعا دة يحصل لو النسبة قلت عن 99% اللى قلتلك عليها بعدين عايز تشد أطلع عالصحراوي أو الدولي وعيش براحتك وأبعد عن داخل المدن قدر المستطاع وفي النهاية أحب أقولك اني بعت عربيتي عشان مش عايز أموت جواها ودة كان الحل في نظري وبعتها برخص التراب وأشتريت حياتي فترة كدة يمكن ربنا يهديني وأبطل جري مع أني معملتش ولا حادثة في حياتي ولا خبط عربيه ولا بني آدم الحمد لله فهل عندك أستعداد تبيع عربيتك ؟؟ ولا تمشي بيها هاديء المشي الهادي بيبقى شيك كدة وزي الفل خاصة لو مظبط عربيتك ومهتم بيها وتخلي الناس تتفرج عليك أحسن ما يتفرجوا على حتة خردة متبعجة وزي العجينة ومش باين اللحم من الحديد لا قدر الله فكر وأحسبها ولما تتخذ قرار تعالى الموضوع ده وقلنا قررت أيه .
المفضلات