الموضوع: رايكم احجز جين 2 منين ?ارجو المساعدة

المشاركة الأصلية كتبت بواسطة saidbakr

يا عزيزي هو بيقول انه باع عربيته بالفعل و يظهر انه في احتياج شديد لعربية معاه، و في الحالة دي " الحاجة أم الاختراع " زي ما بيقولوا و عندها مافيش باليد حيلة.

لكن إن كان شراء عربية لمجرد التغيير او التطوير للأحسن بدون احتياج ضروري و حتمي لعربية جديدة؛ ففكرة الشراء دلوقتي تعتبر مشروع فاشل الى ابعد حد.

كل مقاييس المنطق تقول ان العربيات هترخص، زي ما فيه حاجات تانية رخصت برضو و من قبل الأزمة العالمية، زي زيت الطعام مثلاً يعني مبدأ إن حاجة ترخص موجود و قابل للتطبيق.

الشركات اللي بدأت تدي كوبونات بنزين و قطع غيار مجانية و خلافه، تعتبر أول الغيث زي ما بيقولوا. المصنعين أنفسهم نزلوا في تمن عربياتهم.

قوانين المرور في مصر، اللي خلت السوق يتفرش بالعربيات اللي اكتر من 2000 سي سي، حد يصدق إن العيون اللي كان تمنها يمكن أكثر من 180 الف جنيه، تبقى ب 100 الف بس.

و على فكرة سوق المستعمل و الزيرو الاتنين بيأثروا في بعض بشكل او بآخر لأنهم في الاخر سوق واحد.

انا عن نفسي أجلت قرار الشراء كلياً، لأن عربيتي الشاهين لسة شغالة معايا و مسلكة مصالحي، و عليه فموش هيضرني لو استنيت شهرين و لا حتى ثلاثة لغاية ما يحصل المراد.

كلام حضرتك صحيح وانا سمعت نفس الكلام بس لما بنزل اشترى بلاقى الحاجه غاليه زى ماهى يعنى لما فكرت اجيب عربيه مستعمله لقيت الاسعار زى ماهى ولما قلوا الشقق رخصت وسالت لقيتها نار زى ماهى وايضا الايجارات وانا كأمرءه كل اما بنزل اشترى حاجه من زيت او سكر كله غالى فهى دى السياسه عندنا فى مصر كلام ومافيش فعل

أعتقد إن التوكيل بتاع الصحراوي هيبقي أفضل