انا كنت عايز اشترى جين 2 2009 رايكم احجزها من عز العرب احسن ولا من محل احسن :k4:
ارجو المساعدة
عرض للطباعة
انا كنت عايز اشترى جين 2 2009 رايكم احجزها من عز العرب احسن ولا من محل احسن :k4:
ارجو المساعدة
الاخ سمسم
بعد صباح الفل احب اوجه عنايتك ان الجين 2 ماتتبعاش فى المحلات و الا ماكانش حد غلب
احجز من المركز الرئيسى الموجود فى الصحراوى و ممكن تكلم مسؤل المبيعات هناك اللى هو الاستاذ / محسن صالح و رقمه 0105119209
علي فكرة انا اشتريت الجين 2 مش من عند الوكيل لاني كنت حاجر من عز العرب واتاخر عليه في التسليم وكنت في القاهره في منطقه مصر الجديده وسالت احد الصالات هل عندك جين 2 حاليا قال طبعا لا لانها بالطلب وجابها في خلال ساعتان
ممكن تجبها من عند اي صاله كبيرة
وشكرا
معلش خالي بالك من سعر الوكيل وسعر الصاله يعني يكون هو نفس السعر وحاول تنزل معاة اذا نفع
وربنا يسهل
والف مبروك مقدما
انا من رأيي، إذا كان معاك عربية مسلكاك او انت موش في حاجة ماسة الى عربية، إنك ما تشتريش دلوقتي خالص، و اصبر شهرين و لا حتى تلاتة، لأنه أكيد إن شاء الله هتسمع اسعار تانية خالص.
المشكلة انى بعت عربيتى من اسبوع. رايكم احجزها من عز العرب احسن ولا من محل,احسن و يارات اسم محل لو حد جابها من محل
:U_thin1[1]:
بص يااخى احسن مكان تستلم منه هو الفرع الرئيسى اللى هو فى الصحراوى لانهم ناس زوق جدا وهايريحوك فى التعامل فى الاستاذ محسن صالح ده هايجبلك اللون اللى انت عوزة ومريح فى التعامل اياك وفرع العجوزة لانه سيىىىىىىىىىىء جداا احنا استلمنا عربيه والدى من عنده لانه قريب من والدى فراح حجز واستلم من عنده عوزة اقولك ان المعامله مش حلوه بدون ذكر تفاصيل بس الفرع الرئيسى فعلا افضل بكتير وتوكل على الله وسيبك من اللى يقول الاسعار هاترخص احنا فى وقت صعب الحاجه ترخص فيه .بارك الله فى اختيارك
يا عزيزي هو بيقول انه باع عربيته بالفعل و يظهر انه في احتياج شديد لعربية معاه، و في الحالة دي " الحاجة أم الاختراع " زي ما بيقولوا و عندها مافيش باليد حيلة.
لكن إن كان شراء عربية لمجرد التغيير او التطوير للأحسن بدون احتياج ضروري و حتمي لعربية جديدة؛ ففكرة الشراء دلوقتي تعتبر مشروع فاشل الى ابعد حد.
كل مقاييس المنطق تقول ان العربيات هترخص، زي ما فيه حاجات تانية رخصت برضو و من قبل الأزمة العالمية، زي زيت الطعام مثلاً يعني مبدأ إن حاجة ترخص موجود و قابل للتطبيق.
الشركات اللي بدأت تدي كوبونات بنزين و قطع غيار مجانية و خلافه، تعتبر أول الغيث زي ما بيقولوا. المصنعين أنفسهم نزلوا في تمن عربياتهم.
قوانين المرور في مصر، اللي خلت السوق يتفرش بالعربيات اللي اكتر من 2000 سي سي، حد يصدق إن العيون اللي كان تمنها يمكن أكثر من 180 الف جنيه، تبقى ب 100 الف بس.
و على فكرة سوق المستعمل و الزيرو الاتنين بيأثروا في بعض بشكل او بآخر لأنهم في الاخر سوق واحد.
انا عن نفسي أجلت قرار الشراء كلياً، لأن عربيتي الشاهين لسة شغالة معايا و مسلكة مصالحي، و عليه فموش هيضرني لو استنيت شهرين و لا حتى ثلاثة لغاية ما يحصل المراد.
بص يا جميل انا جبت عربيتي من مدينة نصر
معرض اسمو stop car معرض كبير وعملي خصم 1000 جنيه
جرب معاهم (في شارع مصطفي النحاس)