عرض للطباعة
السلام عليكم ورحمة الله وبركاتة
زملائي الاعزاء،
برجاء تقديم النصيحة لاني محتار ما بين كذا نوع عربية فى الفئة السعرية دي
يعني مثلا اية رايكم فى بيجو 2008 وقطع غيارها معقولة ولا مبالغ فيها والعربية فيها مشاكل ولا لا
ولو حابب اقارنها برينو ميجان 2019 اية الافضل فيهم
فانا بامانة محتار ما بين الكرولا - البيجو 2008 - الميجان
ولو حد عندة اقتراح افضل برجاء الافادة
ولكم مني جزيل الشكر والتقدير والاحترام
راى المتواضع.... كورولا
-السوق المصرى مبيرحمش اليابانى واخد حقه طبعا فالبيع والشراء
-التويوتا عربيه اعتماديه ومشاكلها لاتذكر ومنتشره
-البيحو رفاهيه وشكل احلى سفينه فضاء
-لو بتدور على الاعتماديه واعاده بيع يبقى تويوتا
-لو عاوز عربيه شبابى وشكل احلى يبقى بيجو
-الرينو انا طلعتها من الموضوع لان معايا تجربه مع الرينو(سانديرو) مش لطيفه فانا اى علامه رينو بالنسبه لى مبرشحهاش (وجهه نظرى)
وبالتوفيق انشاء الله
ممكن اعرف حضرتك اشتريت ايه وانطباعك عنها لانى بادور على عربية فى نفس الحدود