الموضوع: معلومات عن البيتل

السلام عليكم
انا كنت عاوز اشتري عربية بيتل 1303 بماتور 1600 سي سي ، هي ممكن تعملها كام دلوقتي؟
وهو انا اقدر اشتري واحدة حالتها بسيطة وانا ابقي اظبطها بعد كدا وهتبقي اوفر ولا اشتري حالة كويسة علي طول؟
وانا عاوز اخليها كابورليه هل هصرف عليها كويس وهتبقي كويسة ولا هتبقي اي كلام؟
وايه التعديلات اللي ممكن اضيفها عليها ، يعني ممكن اعملها فرامل abs ولا لأ؟ وممكن اخلي الدريكسيون باور ولا لأ؟
وهل اصلا قرار اني اشتريها صح ولا غلط واصبر اجيب حاجة احسن؟

اولا ابعد عن 1303 علشان قطع غيار العفشة بتاعتها غالية اوى ومش موجودة
خليلك فى الـ 1300
اسعار قطع غيار البيتل عموما اغلى من عربيات كتير جديدة يعنى مثلا ماتور استيراد دلوقتى داخل على 12000 الف جنيه
كون ان تخليها كابورليه ده صعب جدا وعايز صنايعى متخصص فى كده علشان ده بتحتاج تعمل تدعيمات فى البودى قبل قص السقف وإلا البودى كله مش هيتظبط تانى
علشان تركب فرامل abs ده محتاج كمبيوتر كامل وحساسات على كل عجلة وشغلانة
قرار انك تشترى بيتل دلوقتى قرار يرجعلك وحسب ميزانيتك