الموضوع: ايهما افضل المحرك CRDi or DOHC With CVVT?

فى مصر معتقدش فى Common Rail Diesel Engine CDRi
هو فى اوروبا بقى حاجه جامده جدا لانك بتستخدم وقود ديزل (سولار) و بالتالى استهلاك البنزين اقل من محرك البنزين نفس السعه علشان كفاءة الديزل اعلى لكن نسبة الضجيج اكيد اعلى من البنزين لكن فى تطورات جامده جدا بتخليه قريب من البنزين و ميزته العزم العالى جدا على عدد لفات قليله......... و كمان الميزه الجامده ان فى المحركات الجديده دى بتوصل لسرعات عاليه يعنى 4000 و 5000 لفه. و اقصى عزم بيخرج عند حوالى 1900 او 2100 لفه... و فى اقل على حسب.

اما بقى موتور الالنترا الجديد ده حكايه تانيه خاااااااااااااااالص ده تحفه و بعشقه مووووووت اولا ال CVVT هى اختصار:
Continuously Variable Valve Timing و ده اعتقد لصمامات الدخول فقط و المحرك ده قمه فى الهدوووووووووءءءءءءءءءء متعرفش اذا كان شغال و انت فى العربيه او حتى واقف عند الكبوت.
فى الموتور ده بيتم تعديل وضع صمامات الدخول (lift and duration) اى زمن فتح الصمام.
على السرعات القليله بيتم القفل (قفل الصمام) بدرى علشان نقلل هروب الشحنه و نزود ظاهرة ال (induction ramming) و دى فيها بنستفيد من الهوا الداخل بسرعه معينه بيخبط فى سطح المكبس و يزيد الضغط داخل الاسطوانه و الاحتراق يبقى افضل و الكفاءة الحجمية عاليه....
اما فى السرعات العاليه بنقفل الصمام متأخر علشان نستفيد من دخول هواء اكتربسرعه عاليه فتزيد ظاهرة ال (induction ramming)... و ده على نفس ال rpm علشان كده الموتور الجديد بيخرج horse power عالى و مواصفاته كالآتى:
1591 سى سى
نسبة الانضغاط 10.5 عاليه و ده يخلى الكفاءة الحراريه للمحرك عاليه بس لازم اقل بنزين تستخدمه يكون 92 octane
120-121القدره حصان عند 6200 لفه
العزم الاقصى 153 نيوتن*متر عند 4200 لفه (و ده عزم عالى فى محركات ال 1600 دايما بيكون 141 او 145 ده المنتشر)
قطر الاسطوانه/طول الشوط 77/85.4
بصراحه محرك تحفه انا مجربتوش بنفسى فى الجرى لكن العربيه بتاعة ناس عندنا فى العماره لما بركبها فى الجراج علشان احركها بحس انى فى دنيا تانيه.... اول مره الموتور بطل منى بتاع 3-4 مرات علشان مش حاسس انها بتتحرك و لما بتبطل بحس انها شغاله من نعومتها الفائقه جننتنى بس اخدت عليها..
كمان تسارع العربيه المانيوال استاذ من 0 الى 100 فى حوالى 10.5 او 10.8 يعنى احسن من الموديل القديم بأكتر من ثانيه. معلش طولت جدا
لو فى حاجه غلط صححولى يا شباب