الموضوع: سؤال بخصوص دورة التبريد

سلام عليكم
عندى سؤال بخصوص حركة سائل التبريد ... سيلرتى لادا 2010 لو السيارة باردة و فتحت غطاء قربة الميه و دورة العربية ع السلانسيه مش بلاقى ميه راجعة من خرطوم الراجع على القربة لكن لو زودت بنزين بلاقي ميه التبريد بتيجي من الخرطوم الراجع (للتوضيح الفيديو مصوره من خلال فتحت القربة بعد ما شلت الغطا https://www.youtube.com/watch?v=9qn89BiWaV4)... هل ده طبيعى و لا معناه ان فيه مشكلة فى دورة التبريد يعنى الميه مش بتتقلب كويس مع العلم ان فى الحر الحرارة مش بتزيد عن 90 فى الحركة البطيئة وبتكون اقل على الطوالى لكن لما بشغل المكيف لو فى زحمة الحرارة بتعلى و ممكن الميه تغلى و تخرج من غطا القربة بفوران.
و شكرا

شكرا لك .. لكن انا ثرموستات الكوعة متشال من عندى .. انا عارف اهميته لكن ساعة ما اتشال مكنتش اعرف
هيه الميه غليت و غطا القربة مقفول ... انا امنت على كل الكوليهات لكن اعتقد الغليان لان الميه سخنت و التبريد مكنش كفاية و ده يرجعنى للسؤال بتاعي هو المفروض على السلانسيه (بدون وجود ثرموستات الكوعة) ان يكون فيه راجع على القربة و لا لأ

المشاركة الأصلية كتبت بواسطة borio1704

الطبيعي لو العربية باردة إن ما يكونش فيه تقليب لإن ثرموستات الكوعة قافل على المية علشان توصل لدرجة حرارة التشغيل بسرعة...

لو عايز تعرف إيه فايدة ثرموستات الكوعة.. أدخل على الموضوع ده:
ثرموستات الكوعة... المفترى عليه


وشيء طبيعي جدا إن المية تغلي لما العربية تسخن.. درجة حرارة المية بتبقى 90-100 وممكن تعلى عن كده كمان.. بس مش بتغلي جوه الدايرة لإن الدايرة مضغوطة.. وحضرتك لما بتفتح الغطا بتخليها تغلي...

واللي حضرك بتعمله ده غلط عليك وعلى العربية..

غلط عليك علشان بتعرض نفسك لمية بتغلي واحتمال تتحرق منها...

غلط على العربية علشان المية اللي بتغلي مش بتبرد الموتور كويس...


إنما لو المية بتغلي من غير ما تفتح القربة.. يبقى عندك تسريب في الدايرة ولازم تشوفه جاي منين.


...