المشاركة الأصلية كتبت بواسطة car_lover
فعلا معاك حق
و فكرتني ببرنامج جه امبارح كانت المذيعة جايبة تلاتة ضيوف اتنين تجار و واحد صحفي بس التلاتة تقريبا لا يفقهوا اي شئ في العربيات و لا تجارتها و بيتكلموا شوية كلام فاضي عن عدم هبوط الأسعار بس هما معاهم حق لأنهم بيروجوا لتجارتهم اللي كسدت تماما و إن شاء الله حتزيد كساد و ركود هي و العقارات يا رب إن شاء الله تزيد ركود كمان و كمان يارب (الدعوة دي لكل تاجر جشع بيعمل لمصلحته الشخصية دون مصلحة غيره), و سيادة الصحفي جاي بيعمل معاهم و اجب و هياخد الشاي بتاعه في الأخر, و التجار دول باللرغم من كساد تجارتهم حاليا و عدم اقبال الناس حاليا علي الجديد او المستعمل فبرضه مش عايزين ينزلوا السعر منطق غريب بس الشئ الوحيد اللي انا للأسف مقتنع بيه انه اللي بيغلي في مصر مش بينزل لأنه لما السعر يعلي يقولك اه الأسعار العالمية و لما في العالم كله تنخفض الاسعار يقولك احنا ملناش دعوة.
و بعدين واحد من العالم اللي في الطراوة اللي كانت جايباهم مدام مني بيقولك اصلي مفيش عامل مصري واحد اتشرد زي برة, بس الظاهر الأستاذ فعلا مش فاهم حاجة لا جوة البلد و لا برة برة فعلا ناس كتير تركت شغلها برة مصر لكن بدون تشريد و بدون ما يوطوا يبوسوا الأيادي عشان يستمروا في الشغل بتاعهم لأني برة اللي بيسيب شغله او علي حد تعبير سعادة البيه يتشرد بياخد معاش و الدولة بتكفله هو و أسرته بمعاش يعيشهم عيشة كريمة لحد ما يلاقي شغل برضه يعيشه عيشة كريمة بس الظاهر الأستاذ معندوش علم بالناس برة شكلها ايه و لا عايشة ازاي هو واخد هنا علي المواطن الغلبان اللي شغال عنده بكام ملطوش و يمرمط في اهله زي ما هو عايز و اول لما يجيب سيرة انه حيمشيه يقوله ابوس ايدك يا بيه خليني في الشغل عشان خاطر العيال و امهم.