الموضوع: المكونات المصرية فى النيسان

أنا لو مكان حضرتك ,كنت أشتري و - أنا واقف عند الراجل - السمّاعتين clarion أو أي ماركه تانيه كويسه ( Sony , Pioneer ) , و أخلي التوكيل بتاع الكاست يركبه , علشان 1- مايفكش فرش الباب مره تانيه ( أهو الفرش مفكوك علشان يطلع السمّاعه اللي بايظه ) و 2- أنهي المشكله من أصلها و أشيلها من دماغي , أصل التوكيل لو غير السمّاعات اللي بايظه ح يركب جولدي زيهم , يبقي ماعملناش حاجه لأنهم ح يبوظوا برضو , و تفضل في الدايره المفرغة دي .
وبعدين لمّا أروح توكيل العربيه أبقي أقولهم .
و بكده الكاسيت مش ح يخرج من الضمان لان توكيل الكاسيت هو اللي يركب السماعات الجديده .
بس بما إن حضرتك ماعملتش كده , يبقي روحلهم في التوكيل و إعرض عليهم المشكله , لو ماحلوش المشكله بشكل يرضيك , يبقي تعالي علي نفسك شويه و إشتري إنت السمّاعات الكويسه و روح توكيل الكاسيت يركبهم ( و يفضل إن حضرتك تشتريهم من عنده علشان يبقي ضمان واحد للكاسيت و كل السمّاعات ) , لأن حضرتك المستفيد من تغيير السماعات بحاجه أحسن و في نفس الوقت حضرتك المتضرر الوحيد من عدم تغييرهم أو تغييرهم بسمّاعات جولدي تانيه .

أنا حقيقي بحزن جدا لما باسمع حاجات زي كده وبحس إن بلدنا عدوها الأول هو الفهلوه بتاعتنا أحنا يا مصريين .... يعني أيه عربيه تمانها حوالي 100ألف جنيه ألاقي فيها سمعات بـ17جنيه ؟؟؟؟

يرضي مين ده إن الراجل يروح التوكيل يقولوله روح لتوكيل الكاسيت... يروح لتوكيل الكاسيت يقولوله روح لتوكيل السماعات أصل ماعرفش أيه إللي ورا تبعنا ومادرك أيه إللي قدام تبع مين

كلام فاضي وتهريج وحاجه تخللي الواحد يحس بالقهر على حال البلد دي

ومعلش يا أستاذ أتمسك بحقك ولازم يركبولك سماعات محترمه أو نصف محترمه وبلاش يغيرولك السماعات بنفس النوع بتاع أحمد بهجت ده طالما أنه نوع رديء كده

وعلى فكره أنت ممكن تشتكيهم في جهاز حماية المستهلك و وزارة الصناعه كمان عشان يعرفوا إن الناس خلاص ماعدتش تسكت عن حقها (أنا طبعا عارف إن الموضوع كله عباره عن جوز سماعات مايعديش الـ50جنيه) بس لازم الواحد يعمل إللي عليه ويتمسك بحقه ويحارب الغش والفهلوه

وربنا يكون في عونك

انا فعلا لاحظت ان السماعات الامامية صوتها اضعف من الخلفية، بس نظرا لانى مش مركز اوى فى موضوع الإماكانيات الصوتية مخدتش بالى اوى من هذة القصة

بالنسبة للكاسيت انا معرفش هو تقفيل مصرى وللا مستورد بس هو شغال معايا كويس جدا بدون مشاكل

باقى المكونات المصرية اللى انا لقيتها فى العربية هى:

1-الموكيت
2-الكراسى
3-الزجاج
4-البطارية
5-كاوتش الابواب
6-الخراطيم
7-البطارية
8-الردياتير

عندي أقتراح لا أعلم إذا كان من الممكن تنفيذه . هل من الممكن علي السادة الأفاضل مسؤلي الموقع إبلاغ توكيلات السيارات في مصر مثل غبور ونيسان و منصور وغيرهم عن الموقع لكي تتمكن(العلاقات العامة أو ما أشبه )) التوكيلات من معرفه نبض المشترين و شكواهم و مقتراحتهم كما يستطيعوا الرد و الدفاع عن أنفسهم أحيانا او إيضاح ما قد يكون غائب عن فكر المشتري و يكون هناك تواصل ما بين المشتري و الصانع . أما بالنسبة لموضوع السماعات فهو متوقع لأن علي نيسان أن تضع 45% مكونات تصنيع محلي وهم يحاولون أن يضعوا ما لا يأثر علي أداء السيارة عموما ,كما أرجو أن يكون المكونات التي ذكرها سبعاوي هي فقط المكونات المصرية رغم إني أعتقد إن هناك أشياء أخري بقية 45% ولكم جزيل الشكر
من مسقط أخوكم صلاح الدين

لا اتمسك باحقق وروح غيرهم فى التوكيل حرام واللة عربية تبقى مدفوع فيها مبلغ كبير ويبقى فيها سماعات من ارخص السماعات زى بالظبط الية بيحصل معايا كل شوية اروح التوكيل عشان الانذار مرة يقطع خالص ومرة يضرب فيوز ومرة يعلق ويبقى مش عاوز يسكت غبور مركب انذار من اوحش الانذرات فى مصر