-
قاشقاى حاله طارئة ٢٠١٢
السلام عليكم ، من ٦ شهور تقريبا اشتريت قاشقاى ٢٠١٢ وبعدها بفترة قليله لمبه check engine نورت وكانت بتنور فقط لما انزل القاهرة او الاماكن الزحمه وتختفى بمجرد ما ارجع امشى على طرق سريعه تانى وبالكشف اتضح ان الضفيرة محتاجه مراجعة . ومع دخول الصيف والحر المشكله بقت ازيد والعربيه مبقتش تنقل او تغير السرعه روحت التوكيل قالولى محتاجه فتيس روحت مركز بره عمل صيانه للفتيس وتغيير الزيت لانه كان محروق وناقص . بعدها العربيه مشيت مظبوطه لمدة كام يوم ورجعت لخبطه جامده فى العربيه كلها اعراضه كالتالى:
١- ال rpm بيرقص ويطلع وينزل لوحدة
٢- العربيه مهما كنت دايس بنزين بلاقيها بتنتش يعنى ال rpm يطلع على ٣ ويرجع ينزل لواحد فالعربيه بتمشى تنتش وتنط
٣- اوقات مهما دوست بنزين كانى مش دايس خالص وتفضل ماشيه على سرعه ثابته ومهما شلت رجلى وحطيتها تفضل السرعه وال rpm ثابتين
٤- لمبات التابلوه بتخرف يعنى اكون مشغل الانوار بتاعت العربيه الاقى لمبات التابلوه تفصل منها علامه الفوانيس كلها كذلك بفقد التحكم فى المصابيح يعنى بطفيها بتفضل منوره اشغل الاشارات او الانتظار ميشتغلش.
٥- فى لمبات فى التابلوه وانا ماشى بتظهر زى لمبه ال ps وعلامه فرامل اليد وده وانا ماشى
لما روحت كشفت بالجهاز فى مركز خدمة عادى قالى حساس السرعه بتاع الفتيس ولازم الفتيس كله يتغير ، انا حاسس ان فى مشكله تانيه فلو حد بعرف يدلنى او على الاقل لو يعرف مراكز خدمة غير التوكيل يكونوا بيفهموا فى النيسان ياريت يبلغنى . اسف على الاطاله بس دى اول مره ليا مع النيسان انا كانت عربيتى قبل كدة هيونداى وكيا وعمر ما حصل معايا كدة.
-
العربية ماشية كام الف ؟؟؟؟؟
القشقاى نازلة بفتيس cvt المفروض عمره اطول من الـ atf
التوكيل دايما بيستسهل ويقولك غير فتيس
Content Relevant URLs by
vBSEO 3.6.0 PL2