احترت في اللبن خلاااااااااااااااص و مش عارفة ايه أفضل لبن ممكن يتشرب في البلد دي و يكون آمن؟ طبعا السايب ده معروف عنه موضوع بودرة السيراميك و الإضافات العجيبة دي اللي لسه لحد دلوقتي محدش أعلن خلوه منها و الناس رجعت تاني عادي تشرب لبن سايب!!
ألبان العلب بأه جربت كل أشكالها و أنواعها و برضه مش حاسة إني باشرب لبن و مش مقتنعة ان الشركات اللي بتنتج عشرات الآلاف من علب و أزايز اللبن هايبقوا بيحلبوا البقرة من دول و يحطوا لبنها في أزايز عادي خالص.. أكيد بيعملوا حاجة عشان يزودوا الانتاج و ده بيظهر في لون اللبن المبالغ فيه، نقطة لبن واحدة تخلي المشروب من دول إبيض و لونه إفتح جدا!
طبعا صعب أستغنى عن اللبن.. ده مشروب أساسي بالنسبة لي سواء مع الشاي أو النسكافيه أو الكاكاو.. اعمل ايه طيب؟ عايزة أشرب لبن بجد يا ناس :K_crying[1]: