الموضوع: تجديد ترخيص السيارة و الفحص الفني

السلام عليكم جميعأ

ان شاء الله تجديد رخصة السيارة الشهر الحالي و زي ما انتوا عارفين الموضوع ده علقة في مصر للأسف، المهم انا ناوي ارخص تلات سنين و اعمل الفحص و كنت بفكر في خدمة فوري اللي المفروض بيعملوا كل حاجة و يسلموك الرخصة في البيت بس لو عليها فحص لازم اعمل الفحص بنفسي، علشان مطولش عليكم:

- حد جرب خدمة فوري و رأيكم ايه فيها؟
- لو هعمل الفحص الأول، ينفع اعمل الفحص و اسلم الورق في الملف و بعدين استخدم فوري و الا الخطوات ايه في الحالة ديه؟
- لو فوري مش هينفع علشان الفحص، ايه الخطوات علشان اعمل الفحص و الترخيص بنفسي؟

شكراً ياجماعة و ادعولي في العلقة ديه :(

ممكن تدفع فورى لو الرخصه ما انتهتش و لو هتجدد في نفس المرور اللي مسجل عليه العربية مسبقا و بطاقة صاحب العربية يكون نفس العنوان السابقز بعد ما تدفع احتفظ بالايصال و انتظر يومين هتلاقي بتوع فورى بيكلموك عشان تروح تكمل الاجراءات